انا اللي استاهل لان مليش كرامه

[ام ياسين وآمر]

من غير اي مقدمات بس انا بعتذر عن عنوان الموضوع بس فعلا اكتشفت ان المدرس ملوش كرامه
النهاره كنت براقب علي عاليه قراءات وواحد قالولو يا حج عنده 56 سنه كان بيمتحن حديث وطبعا انا مش عاجباه عشان بقول لو سمحتو الصوووووووووت يا اهل الخير .


عمل ايه بقي الحج جمال قطع الورقه ورمي نصفها بره من الشباك والنصف التاني في وشي وجري في 30 ثانيه بره اللجنه وبره المعهد
الطبيعي ان رئيس اللجنه يعمل محضر بالواقعه الناس اتلمت وطبعا انا اللي بنت 60*70 ومحدش يقولي 4200. انا اللي استاهل انا سبتهم يغشو من الاول بس ازاي انهم مينقلوش من الكتاب انا غلطانه.
فين بقي كرامتي يا حضرات . انا طلعت من اللجنه او بالاحري طلعوني منها و دخلو الحج الساعه11 ومعاه كتاب الحديث وحل ياعم الحج حقك علي دماغنا .وبنت التييييييييت هيا اللي غلطانه . انا هتجنن من ساعه ما جيت ومعلشي انا فضفضت معاكو حقكو عليا دوشتكو وجت فيكو بس انتو اخواتي وانا متغاظه ولسه متغاظه.
لا خلاص هديت شويه

[حبيبي يا...]

هذا هو الازهر الغش فيه يعتبرمادة مقررة

[Super Teacher]

ليهم يوم لسه ما جاش

[زكريا مختار]

لا حول ولا قوة الا بالله

ياختي اثبتي علي مبدائك مادمت علي الحق والحق ومعك ولو كانت الدنيا كلها ضدك

انت اخظئي بخروجك من اللجنة فهي لجنتك

[الجعدور]

بصراحة اختى العزبزة انتى عاى حق اولا وكان يجب عليك ابلاغ بعض زملائك الثقة بما حدث والاصرار على عمل مذكرة والاتصال بالمنطقة ولو حتى بقطاع المعاهد مع احتفاظك بالورقة الممزقة ثانيا واخيرا هونى على نفسك فكل من هو صح فى الامتحانات للاسف مهان وربنا ينتقم من الظلمة

[afathypc]

الغش في الأزهر مبدأ
وصعب حد يتنازل عنه
خصوصا شيوخنا الأفاضل
ولو جيت تتكلم
......
اكيد حضراتكم عارفين الردود والمبررات والنتيجة النهائية

[الأستاذ عصام]

اسمحي لي في بعض النقاط
أولا : جعل الله ما تعملينه من ضبط اللجان في ميزان حسناتك خالصا لوجه الله
ثانيا : حضرتك عدم الغش مبدأ لا يتجزأ أي لا يصح ان حضرتك لا تغششين وقبل ذلك تقولين ان انا سبتهم يغشو من الاول بس ازاي انهم مينقلوش من الكتاب انا غلطانه.
ثالثا : كل شيء مكتوب حتى الكلام الذي سمعتيه مكتوب فلا يمكن سماعه إلا إذا حدث هذا الموقف
اللهم اهدنا إلى ما تحب وترضى

[أ/مصطفى محمود]

للأسف أنا أجتهد كل عام للخروج من مهزلة امتهانات الازهر و ليس امتحانات كل عام
للأسف طالما أنه لا ادارة تفهم بالازهر معنى التعليم
فسيكون النتاج أسوأ مما تتخيلي استاذتنا

أما عن معاهد القراءات فهذه في أسفل درجات التعليم في العالم
و امتحاناتها لو وقرناها سنصفها بالمهزلة
في احد الامتحانات التي راقبت فيها في مهزلة القراءات ( وجدت احدهم فاتحا كتاب الله على الارض ليغش منه )...
و لو أن هناك عقل بادارة الازهر الفاشلة تماما تماما ....لأغلقت هذه المعاهد و وزعت معمليها على معاهد التي بها عجز...
شهادة أصبحت بلا قيمة
للأسف التعليم الازهري كله في مهب الريح و السبب ادارة الازهر الغير فاهمة معنى المؤسسة التعليمية
و انا على اقتناع تام بأن هؤلاء المسؤولين حتى شيوخ المعاهد الحالية و بعض المعلمين
تربوا على هذا الفعل الشنييع
********************
كل يوم أدخل القسم هنا لأجد عبارت مثل
فضيحة الغش بمعهد كذا
اقتحام معهد كذا من قبل اولياء الامور
ضرب معلم لمنعه الغش
و غيرها
و لم أسمع الا القليل القليل عن هذه المهازل في الثانوية العامة
وسيظل هكذا تعليم الازهر في انهياره طالما الترقيات تتم بالمحسوبية و الاقدمية دون النظر للكفاءة و العقلية الادارية

حسبي الله و نعم الوكيل
اللهم ولي تعليم الازهر من يفهم//

[محمـد الشيخ على]

ان شاء الله حال الازهر حينصلح لما امثال هؤلاء يطلعوا معاش ويتركوا الساحه لاوائل الدفعات من ضاقوا الذل فى التعاقد

[الاستاذ عوض على]

ولا يهم حضرتك
هم الفاسدون المفسدون
ولكنهم لا يتضايقون ولا يخجلون

[محمد سعيد ملك]

يا عم انتا بتتكلم فى ايه
انا احد الطلاب فى الثانويه امبارح سب لى الدين ومحد ش عمل حاجه وعلى سمع موجه من المنطقه

[سامح رجب السيد]

ام ياسين صبركى الله

[Mr...Ahmed]

ههههههههههههههههههههههههههههههه

[اللهم اهدنى بهداك]

عندما نواجه تحدياً أخلاقياً ويبدو أن أسهل طريقة للخروج من المأزق هي التنازل عن معتقادتنا الاخلاقية وقيمنا نتوقف لحظة ونتخيل أنفسنا واقفين أمام مرآة
نتذكر مدى صعوبة النظر في أعينينا أو أعين الأشخاص الذين ستؤثر قراراتنا عليهم كثيراً إذا لم نظل متمسكين بمبادئناوقيمنا
فرغم كل الصعوبات التي تواجهنا علينا أن نظل متمسكين بقيمنا و مبادئنا لأنها الحبل الذي من اعتصم به نجا و من أطلقه هلك لا محالة.....

[ام ياسين وآمر]

المشاركة الأصلية كتبت بواسطة حبيبي يا...

هذا هو الازهر الغش فيه يعتبرمادة مقررة

نلغــــــــــــــــــــــــــــــــــيها