عارفين ايه مشكلة التعليم؟؟؟؟!!!!

[Monier]

مش مشكله ان فى امتحان العربى 3 ثانوى


جالهم سؤال ما جمع كلمه وحى وكمان ضعها فى جمله مفيده !!!!!


ولا المشكله انه سأل ما هو عكس كلمه فجأه !!!!!


ولا المشكله ان فى واحد اخد ورقه الاجابه بتاعته وهرب من المدرسه


ولا المشكله ان الاهالى قطعوا الطريق فى اماكن كتير


ولا المشكله ان الطلاب طلعت عملت مظاهره فى كذا مكان

ولا المشكله ان الامتحان هو اسوأ امتحان عربى يمر على الثانويه العامه فى التاريخ

المشكله ان احنا خلاص بقينا مصدقين ان الدرجه بتفرق وان التعليم شئ اساسى

فى بلد مفيهاش تعليم

يعنى ايه مقفل كمبيوتر ومش عارف حتى تسطب نسخه للجهاز بتاعك

يعنى ايه مقفل فلسفه وانت فاشل فى الحوار مع الناس

يعنى ايه مقفل علم نفس وانت مش عارف ايه الى مضايقك ولا فاهم الناس

يعنى ايه مقفل عربى وانت اصلا فاشل املاء

يعنى ايه مقفل انجليزى ولما تيجى تشتغل لازم تكون واخد كورسات عشان الانجليزى بتاع المدرسه ده ميأكلش عيش

يعنى ايه مقفل ايطالى وانت عمرك ما هتروح ايطاليا اصلا ولا هتشتغل بالايطالى

يعنى ايه تقفل دين وانت مبتركعهاش وماشى مع 9 بنات والكدب والسب على لسانك 24 ساعه

يعنى ايه مقفل جبر وانت مش عارف انت هتستخدمه فى ايه اصلا هو والتفاضل وتكامل ومش عارف الداله دى بيتعمل بيها ايه فى الحياه العمليه ومش عارف تكون منظم اقتصاديا

يعنى ايه مقفل احياء وانت متعرفش ان التعبان بيبيض وان الدولفين من الثدييات ومتعرفش ان الطماطم فاكهه ولو سألتك عن طول الامعاء مش هتعرف (9متر)

يعنى ايه تبقى مقفل كيمياء وانت متعرفش اضرار اكل كتير فى حياتنا زى الشيبسى الماده الحافظه الى فيه هى نفس الماده الى بتستخدم فى حفظ الجثث فى المشرحه

يعنى ايه مقفل تاريخ وانت مؤيد مرسى او مبارك او السادات او عبد الناصر ومتعرفش ان مفيش واحد فيهم مزادش فى عصره ديون مصر وان اخر واااحد عمل نهضه بجد كان محمد على و اول خطوه عملها انه عزل القضاء وحكم منفرداً وطبعا لو حد عمل كده دلوقتى هن***ه

يعنى ايه مقفل جغرافيا وانت هتستفيد ايه لما تعرف ان العراق فيها 33 مليون نخله وان استراليا عدد الخرفان فيها اكتر من سكانها بأضعاف ده انت بتوصل بيتكم بالعافيه

يعنى ايه مقفل فيزياء وتقف على كوبرى على النيل مش عارف انت لو نطيت هايحصل ايه بظبط وتبقى عايش على احتمالات لحد ما تشوف نطه فى فيلم وتنط وانت مش عارف انت المفروض تنزل ازاى بظبط فتتفاجئ ان مفيش عضمه فى جسمك سليمه

استفدت ايه من الى درسته لغايه دلوقتى فى مصر ؟؟

تفتكر الشغل الى هتشتغله لما تكبر هايكون له علاقه بأى حاجه درستها

اسأل اى واحد متوظف فى اى وظيفه جديده ايه اول كلمه سمعها هايقولك قالولى انسى بقى كل الى انت درسته والى تعرفه عن الشغل ده وبدأوا يعلموه

بلد الشهاده فيها مجرد ورقه فى برواز على الحيطه عشان بابا وماما يتباهوا بيها لما يجيلنا ضيوف

[IHerOI]

مفيش كلام بعد كلامك والله
وبقولو لكل الناس بقولهم انا في ثانوية عامة جايب 98 في سنة تانية ودلوقتي مش فاكر اصلا احنا كان عندنا ايه في المناهج في ثانية ومناهج دلوقتي معرفش هتفيدني ف ايه لما اخلص
ولو حصلت اي ظروف دلوقتي واظطريت اني اطلع اشتغل مش هعرف لان تعليمي مبيأهلنيش
ولما بقول الكلام ده لحد ميعرفنيش بيقولي انته اكيد فاشل في التعليم عشان كده بتقول كدة ولما اقوله انا جايب 98 يقولي انت كداب محدش بيفهم يقول الكلام ده
البلد دي شكلها بتدور مارش

[روووووز]

احنا اصلا فاهميين التعليم غلط

[modym2020]

<< اتفق معك فى كثير مما قلت >>
فعلا أعطينا أهمية لنوع معين من التعليم
وأغفلنا أهم شىء وهو عملية التعلم فى حد ذاتها
فلا قيمة لحفظ المعلومات إذا كان الناتج هو شاب لا يستطيع التعامل مع المجتمع
التعليم الحقيقى هو اكتساب شىء جديد يفيدك فى الواقع وتتميز فيه
هذا الشىء ليس بالضرورة أن يتفق فيه جميع الطلاب
فإن الله خلق العباد بقدرات متفاوتة

شكرا جزيلا على طرح هذا الموضوع
.

[لافانيا]

موضوع حلو فعلا
دوت حال التعليم فى مصر باختصار
وخلاص محدش هيقدر يغير اللى الناس اتعودت عليه
ديت اوضاع من سنين وهتفضل من وزارة للتانية
شكرا ع الموضوع

[الاستاذ / محمد رفعت فضل]

غشيت النهاردة

اللجنة كانت سهله يعنى عرفت تغش
شكرااااااااااااااااا على الموضوع جميل

[كلمتين وبس]

يعني هي كدا يا ناس ؟؟؟؟؟؟؟؟؟

[الفيلسوف]

جزاك الله خير

[مارسين]

الموضوع اكثر اكثر من رائع بجد ويا ريت تبقى وزير التعليم لو انتا بالتفكير دة بجد هتخلى التعليم احسن بكتييييييييييييييير

[عبدالوارث الدسوقى]

الصخور تسد الطريق أمام الضعفاء أما الاقوياء فيستندون عليها للوصول الى القمة

[GHOST_LioNeL AndRes MesS]

والله التعليم كلة سيئ للغاية والمجتمع لا يساعد و الرؤساء لا ينظرون باى شكل للتعليم كل همهم الوحيد سرقة اموال الدولة و تهريبها للخارج اما التعليم فهذا شئ لا قيمة لة بالنسبة لهم

[MemOo66]

جزاك الله خيراً

[مروة محمد فراج]

والله الكلام كله صح وموزون
جزاك الله كل خير

[SAFY STORY]

انا عن نفسى لوحد سالنى وقلى عكس فجاة كنت هقولو :
معنى فجاة سهوة وعكس سهوة شاي او بن
اصلى لازم اشلو

[THE CodeR]

تعالى نرجع شوية بالتاريخ للخلف ونعرف مين سبب المشكلة أو بدأت منين

لما غادر نابليون مصر بعد الحملة الفرنسية بعت رسالة لكليبر في آخرها ما مضمونه

"اجمع لي 500 أو 600 طالب ، وإن لم يكتمل العدد خذ بعضاً من مشايخ القرى وارسلهم إلى فرنسا ليتعلّموا بها ، ثم يعودوا ليكونوا ذراعاً لنا في تغيير العادات والتقاليد في مصر"

وفي هذه الفترة كان هناك جندي ألباني أمّي لا يعرف القراءة والكتابة ويعمل بتجارة الدخان اسمه "محمد على " !!

كان محمد على يتودد إلى كبار المشايخ ويظهر دعمه الكامل لهم في كل خبث ودهاء حتّى توسّط له نقيب الأشراف عمر مكرم وتم اختياره بإجماع الشيوخ والياً على مصر

فكان أول ما فعله محمد علي هو التخلّص من كل ذي شعبية يهدد ملكه ، فنزع لقب نقيب الأشراف عن عمر مكرم ونفاه

وفي هذه الفترة وجدت القنصليات الفرنسية الفرصة سانحة بعد تولّي جاهل الحكم في مصر فأخذت تتقرّب منه وتضغط عليه لكي يرسل البعثات التي أرادها نابليون

وبالفعل أرسل محمد على البعثات إلى فرنسا ، وعادت هذه البعثات محمّلة بقشور العلم منبهرة بالحياة والثقافة الفرنسية

فلمّا عادوا أقيمت مدرسة الألسن وازداد الإهتمام بها حتى أصبح الأزهر مقتصراً على فقراء العامة وتدهور التعليم فيه

وضغط محمد على على الأزهر ، فسجن شيوخه ووضع في طريقهم العقبات ، بينما نمى التعليم الآخر في مدرسة الألسن حتى أصبح هو التعليم النظامي في الدولة أو الثانوي

ملناش دعوة بده كله ، لما دخل الإحتلال الانجليزي إلى مصر عيّنت سلطة الإحتلال قس يسمي دلنوب ، وساعتها قال الفرنسيون حينها "قضي الأمر لنا في مصر"

عمد دنلوب على نزع كل ما يمس الثقافة العربية الإسلامية من المناهج التعليمية مستبدلاً الهويّة المصرية الفرعونية محلّ الأولى

التعليم اتدمر في عهد محمد علي بقشور العلوم وقتها ، بعد الإحتلال الانجليزي التعليم اتهد ، كله بفضل الإستشراق

أما التعليم الحالي فأساسه انك تطلع مش فاهم اي حاجة في الدنيا ، بعيد عن هويتك الإسلامية الأساسية (لو كنت مسلم) وبعيد عن أي شكل من أشكال الفهم في العلم

المناهج محشوّة بتاريخ مزور ، أفكار قديمة ، رغي كتير

الخلاصة : تعليم فاشل

وربنا يصلح الحال