مدرس الزقازيق المسحول: المحافظ حاول إسكاتي بـ200 جنيه و قال لي «إهرب قبل ما الإخوان ي

[Tornadoo1970]

مدرس الزقازيق المسحول: المحافظ حاول إسكاتي بـ200 جنيه و قال لي «إهرب قبل ما الإخوان يضربوك بالجزمة»
الخميس 7 فبراير 2013 - 9:18 م حوادث ومحاكم
مدرس الزقازيق المسحول
اتهم أحمد محمد قطب، مدرس بإدارة غرب الزقازيق التعليمية، أحد المعتصمين بديوان عام محافظة الشرقية احتجاجاً على قرار وزير التعليم بخصم الحوافز بنسبة 83%، مجموعة من المدرسين المنتمين لحزب الحرية والعدالة بالاعتداء عليه بالضرب المبرح، فى صالون مكتب المستشار حسن النجار، محافظ الشرقية، فى ساعة متأخرة من ليلة الأربعاء أمام أفراد الأمن من الداخلية والمتواجدين بكثافة داخل الديوان العام.

وقال المدرس المضروب إنه كاد يتعرض للسحل وتجريده من ملابسه بعد قيام المعتدين عليه بجره من قدميه على بلاط الصالون بالدور الثالث بالديوان وسط استغاثته، لولا وصول عدد كبير من المتظاهرين خارج الديوان، الذين هددوا بإشعال النار بالديوان، وتمكنوا من إنقاذه بمساعدة أفراد الشرطة، بينما فر المنتميان إلى «الحرية والعدالة» من الباب الخلفى المواجه للمديرية المالية هرباً من وقوع اشتباكات.

وقال «قطب» إن «محافظ الشرقية طلب مقابلتى صباح الخميس وفوجئت به يعطينى مبلغ 200 جنيه وقميصًا أبيض، وكان برفقته السكرتير العام، واستمع منى إلى ما حدث، وقال لى إن الديوان ليس مكاناً للاعتصامات عايز تعتصم بات فى الشارع، وخد دول وامشى بسرعة من هنا قبل الإخوان ما يضربوك بالجزمة، البلد لازم تستقر والمخصوم منك فلوس أخذتها بدون وجه حق». ما دفعنى إلى تحرير محضر فى محافظ الشرقية بملابسى الممزقة برقم 2506 لسنة 2013 قسم ثان الزقازيق.
http://dostorasly.com/news/view.aspx...0-6fb85f034747

[ةيرو2]

دى 83% أخدوها الأداريين فى المدارس مش المدرسين وطلعت غلط
والحكومة استردتها من زمان وفبل مرسى كمان
يعنى ده إما يكون كداب أو مسحول أيام المجلس العسكرى

[وائل رسلان]

ههههههههههههههه ..... ( كاد يتعرض للسحل ) .... اصله السحل الايام دى بقى موضه .زى مسرحية حماده المسحول (مسحول بالايجار ) ... والمحافظ اعطاه200 جنيه وقميص ابيض وقاله امشى من هنا بسرعه قبل ما الاخوان يضبوك بالجزمه ... يعنى الاخوان خالعين جزمهم وقاعدين خارج مكتب المحافظ ومنتظرينه يخرج عشان يضربوه بالجزم .... ده فيلم هندى عبيط
ثم الخصم ده كان من الاداريين وليس من المعلمين فالاستاذ المحترم المدرس بادارة غرب الزقازيق التعليميه ما شأنه بذلك ؟؟؟؟

[ابونرمين]

الخبر نفسهُ مسحول
لأن نسبة ال83%للإداريين وليس المعلمين!!!!!!!!!!!!!!!!

[aly_sha3ban]

هههههههههه
الناس مابتصدق تلاقى خبر فيه كلمة اخوان

[ةيرو2]

طب وده يجيبوله منين ونش يسحله .. بطلوا كدب

[hishmet]

فين رجالة التربية والتعليم للتضامن مع الزميل من سوء معاملة جهاز الشرطة والمسئولين ، ياإخواننا الموقف ده متعرضين ليه كلنا بكره وبعده .
أنا عن نفسي ضمن المتظاهرين في ميدان التحرير ، فهل من مشارك