بخصوص الـ 50 % للازهريه كلام المشيخه

[زياد نورالدين]

اتصلت بالاستاذ مؤمن والاستاذ يحيى مسئول الماليات بالمشيخه بالامس وقلته اخبار الـ 50 % فقال لى احنا ارسلنا الفاكس للمناطق قلته هذا الفاكس ليس بالصرف بل بالاستفسار من التربيه والتعليم بكيفيه الصرف وبعد ذلك يوافكم بهذا وقد فعلوا وارسلنا العديد الى المشيخه بما يثبت ان التربيه والتعليم صرفوا فقال لى لا المفروض بعد ما تأكد ان التربيه والتعليم صرفت المفروض يرسل لمندوب الصرف بكل معهد بتحرير شهور 10/11/12 فقلته طيب ابعتو فاكس بالصرف من المشيخه قالى ما بعتنا قلته هذا ليس بالصرف بل بالاستفسار قالى الاتنين وبعدين قالى اعطينى مسئول الماليات عندك اكلمه قلته انا الان فى المعهد مش فى المنطقه المهم اتصلت بمسئول الماليات فقالى انا مش هكلم حد يبعتلى فاكس صريح بالصرف هصرف غير كده مش هصرف وهو معه حق كلمت واحد تانى فى المنطقه وقلته المشيخه بتقول اصرف قالى لا مش هنصرف الا اما يبعتوا منشور بالصرف وليس بالاستفسار رحت متصل تانى بالاستاذ يحيى فى المشيخه وهذا رقمه 01228031401 قالى لا هم مش فاهمين المنشور المفروض يصرفوا

مش عارف اصدق مين
سؤال بقى ليه المشيخه مش عاوزة تبعت منشور بالصرف مباشرة وليس بالاستفسار من التربيه والتعليم بعدما تأكدوا ان التربيه والتعليم صرفت
واحد قالى لان المفروض ان هذا المنشور هيضر ناس كتيرة فى المشيخه لانه بعدم المد لمن فوق سن الستين عشان كده المشيخه مأخرة الموضوع
فلازم نتحرك
والله هذا ما حدث
فماذا انتم فاعلون
ارقام الموازنه
01228031401 الاستاذ يحيى
01222479993 الاستاذ مؤمن
0225902518 الارضى وقله اعطنى الموازنه

[ahmed.www]

سيبك من كل هذا المهم شكوى لشيخ الازهر

[أ / محمد صالح الاخضر]

يعني في الازهر مش عارفين يعملو الـ 50 % ازاي لازم كل حاجة يستنوا ويشوفوا الناس التانية بتشتغل ازاي علشان يعملوا زيهم
والله عيب الكلام دة علي محاسبين الازهر
لازم يكون فيه كلام واضح وصريح

[حاتم البرنس 2]

مفيش فايده مش هناخد حقنا الا بالاضراب

[حاتم البرنس 2]

يا اشتاذ زياد انت تاعب نفسك لما نعما اضراب الناس دى كلها هتدور عليك وتشوف طلباتك لان كل اللى قاعدين فى المشسخه بيدور على مصلحته فقط وافتكر واسال عن الاضراب بتاع زمان ايام المكافاه والكادر

[مصطفى كوته]

المشاركة الأصلية كتبت بواسطة ahmed.www

سيبك من كل هذا المهم شكوى لشيخ الازهر

هو فين شيخ الازهر --مولانا مشغول بالسياسة وبيت العيلة وعارف كل حاجة بس مطنش

[اشرف الباجورى]

ياساده ياكرام لماذا التأخير الكلام صريح التعليم العام صرفوا يبقى احنا زيهم مش محتاجه فقى مش عارف متأخرين لازم ناخد الاذن والله يا ازهريه حرام امتى قرارنا يكون طالع من دماغنا.

[هيثم دسوقى]

الاضراب سوف ياتى بكل الحقوق واولها الخصومات التلى تمت فى العلاوات ثم ال50% الاولى والثانيه بس ياريت كل المدرسين وكل المناطق عشان يعرفوا ان معلمى الازهر مش اقل من التربيه والتعليم ولكم الله يامعلمى الازهر وحسبى الله ونعم الوكيل فيك ياطيب يابن الفلول

[خالدالنم]

يا جماعة ليه الاستعجال عندنا المنطقة اعطت اوامرها للاداريين بتحرير شهر 10 فقط وتم تحريره على الاساسى القديم وسيتم تسليمها غدا او بعد غد علىاقصى تقدير ومفيش مشاكل لان الاوامر صادرة من المنطقة نفسها وعلى العموم خير وبركة شهر 10 ياجى وراه شهر 11 كنا فين وبقينا فين

[alaa128]

الاخ حاتم انت عاوز مين يعمل اضراب الازهرية انسى يعمم
والله لو اطفال الحضانه عملوا اضراب الازهريه راح يخافوا

[النسر المصرى]

لا حول ولا قوة الا بالله

[حاتم البرنس 2]

استاذ علاء حضرتك نسيت الاضراب عن التصييح 2005 وكمان الاضراب عن المكافاه

[ahmed.www]

كلام فى كلام فى كلام وخلاص

[طاهر محمد محمد]

الازهر هيبقي مستقل بنفسة امتي ان شاء الله .......لما يلغوة..

[alaa128]

الاخ حاتم البرنس 2005 اكثر من كان معنا بالتصحيح رفض الامتناع وصحح المظروف الاول الي ان شعر بجدية المضربين فانضم لهم