الامتحان صعب اوووي

[asmaia]

: حسبي الله و نعم الوكيل

[عادل المصرى]

لاشك ان الامتحان كان فى اسئله صعبة لكن مع التركيز تنحل المشكله فى الوقت يعنى انا خلصت الاربع اسئله ووصلت للرابع ب وفاضل على نهاية الامتحان 20 دقيقة وبعد تفكير جبت حلها قبل النهاية ب 4 دقائق وحليت الخامس أ اما ب مستحيل عملت مسودة ورا فى كراسة الاجابة واقعد اراجع عليها القوانين الجيب وجيب التمام المشكله حقيقى كانت فى الوقت ومنه لله اللى سبب المشكله مش عارف الواحد يعمل ايه فى المواد التانية وهو حاطط فى دماغة ان ممكن تيجى اسئله من نفس النوعية يعنى يبقى مراجع كتاب الوزاره والنماذج والدروس وامتحانات 1995 الى 2007 وبعد كده يجيلها حاجه ولا عمره شافها منه لله ياترى ايه اللى هيحصل يوم الكيمياء ربنا يستر

[Dr.diamond]

المشاركة الأصلية كتبت بواسطة سمو الاميرة

واضح يا سمارت انك كنتى بتحلمى ال سهل ال وكمان هيقفلو ال 50 بقولك ايه احنا هنا مع بعض فى المنتدى ابقى قابلينى لو واحد منهم جاب 47 مش خمسين

معلش انا هارد بدل سمارت
انا فى تالته برضه واحب اقولك ان الى بيجيب خمسين فى الرياضه كتير جداااااااااااااا ونادر اوى الى ينقص فيها وبيبقى سهو منه مش اكتر وامتحانا السنه الى فاتت كان فى حاجات برضه قولنا عليها غلسه وقتها وبعد كده كلنا قفلنا انتوا بس اتاثرتوا بالى حصل امبارح

[eminile]

بالأمانة الإمتحان صعب وطين وقطران عدو معايا انا عملت ايه طول السنة
1- امتحانات استاذي وبحلها
2- درجات كانت كويسة كانت فوق 23-25
3- المستر بيقولي طول السنة انت اللي في مجاميع اللي عندي هقفل ال25 بسهوله
4- امتحانات اكتر من 30 امتحان ثانوية عامة حليت
5- الوزير طالع منفشخ اوي وبيقول المتحان جاي من كتاب المدرسة بس
6- يا جماعة اللي بتقولوا المتحان سهل يورونا نفسهم في اللجنة بتعرف تحل ولا في البيت دي ناس شكلها كانت بتمتحن في كوكب المريخ ومحدش بيراقب
المهم الفائق اوي وهو برنس في التفاضل مش هيجيب ال 22

بلد معندهاش دم
وزير معندوش دم
واضع امتحان معندوش دم
من الآخر الي هيقول سهل يبقي منهم
بالنسبة للي بيقولوا ملكش دعوه بحد جوا اللجنة يوريني نفسه ويتصور وهو بيشد في شعره وطالع عين اللي جابه
فلوس ادفعت = نتائج مبهرة
العملية هتتعكس بدل مافي نسبة 91% نجاح عربي هتبقي سقوط في الرياضة
اذا عجز الكلام فسوف تتحدث النتائج

[Dr.M0hamed]

@smart girl يعني ملاحظة ان كلهم بيقولوا ان الامتحان صعب وانتي دخلي تثبتي عكس كدة ! يا ريت يا تقولي اة يا تخرجي ! الناس مش ناقصة ولما الواحد بيحس ان كل الناس بتقول علية صعب هيهديء شوية وهيعرف يذاكر المواد التانية .

[bat_man2010]

ربنا ياخد اللى كان السبب وهم كا الااتى:

1- اللى اخترع الثانوية العامة

2-الى حاطت الامتحان

3- اللى حدد مدة الامتحان

4- والمراقب اللى كان عندى فى اللجنة



( ربنا ياخدهم جميعا .....قولو امين....امين )

[نيرو سوفت]

حراااااااااااااااااااااااااااااااام كــــــــــــــــــــــــفايــــــــــــــــــــــ ـــــــــــــــــــــــة

[sallma]

منه لله اللى حط الامتحان المنيل بستين نيله ده
قال وانا قولت اعوض العربى فى الرياضه واقفلها
منه لله حسبى الله ونعم الوكيل فيك ياللى حطيت الامتحان ده
ربنا يستر فى الجبر
معلش يا جماعه كلنا فى الهوا سوا
ادعوا ربنا وفكروا بقى فى الهم التقيل الانجليزى
وربنا معانا كلنا يا رب

[toty_toty]

الامتحان مقبول يعني مش سهل اوي ولا صعب قوي بشويه تركيز يتحل ودي امتحانات الثانويه العامه لازم تبقي كده عشان الطالب المتميز ياخد برده حقه

[__RoMiooo__]

المشاركة الأصلية كتبت بواسطة ابوالنور

امتحان كان سهههههههههههههههههههههههههههههههههههههههههل
سهل للى حافظ قوانين

يا جماعة انا سنة تانية والله الامتحان جية معقووول وحلووو
بجد بس السوال الخامس اللى جية تقيل شوية لدرجة انى شوفت مدرس مش عارف يحل السوال الخامس (ب)
امتحان حلو والحمد لله واللى مثلا مش ركز كويس يحاول يركز فى الجبر ويعوض وبالتوفيق للجميع ان شاء الله

[ايمان حمدى]

اللى بيقول ان الامتحان سهل يبقي مبيفهمش لان الامتحان صعب جدا وبعدين المفروض يراعوا فروق العلمى والادبى وبعدين الوقت مكنش مكفي خالص والله ظلم

[dawen_hack]

الي اكتب اكتب خلينا في الي جي شدوو حلكو وخلاص بقي

[messi2010]

يا جماعة اللي فات مات المهم اللي جاي يعنى عربي 30 درجة تفاضل 25 لسة الباقى يعني الكيمياء 50درجة بيهم هما الاتنبن

[ahmed s3ed]

ده كان امتحان الله يخرب بيت اللى حاطة ده في مسنوى الطالب العبقري

[mira_2020]

]لاتبكون على اللبن المسكوب وال فات مات وركزوا فى ال الباقى وربنا يوفقكم جميعا