فيه بنت محترمة تدخل المنتدي بعد الساعة 12 بالليل؟

[To Be Is To Do]

أوجه رساله للشاب
إنت إللى مش محت.. عشان هى لما إديتك بالجز..
ومردتش عليك يا مغ..
وتجنبت سخافا..

رحت قايلها الكلام ده يا با..

والله إنت إللى معندك د. أصلا

فيه ناس ظروف يومها لا تسمح لها إلا بالدخول متأخرا
وإنت مالك يا غل.

عالم سخي..

[dr/nor pt]

اية الى فيها يعنى بصوا البنت وهى قاعدة محدش شايفها ربنا بس الرقيب عليها فلو هتعمل حاجة غلط هتعملها الصبح او بليل ودة للولد كمان وياريت كل واحد يعتبر الى بيكلمها دى اختة والعكس كفاية بقى عايزين نبقى ناس متحضرة

[قرآني نبض حياتي]

لا حول ولا قوة إلا بالله

طبعاً أنا ضد الكلام ده لان أولاً اللي بيقول كلام زي ده
بيدل عليه هو لان الانسان لما بيظن بشخص ظن بدون دليل غالباً
الظن ده بيكون حاجة فيه فبتسببله الشك في اللي حواليه .

ثانياً : البنت المحترمة اللي تعرف ربنا كويس مش بيفرق معاها صبح أو ليل
لانها بتبقى قاعدة ومستشعرة مراقبة ربنا ليها في أي وقت ولو هي كانت بنت مش محترمة صح
مكنش وجودها هيبقى في منتدى محترم ومكنتش هتراعي ربنا في كل كلمة بتكتبها
ولو كان فلو هتعمل حاجة غلط هتعملها في الصبح او الليل مش هتفرق معاها
وأنا عارفة ان فيه الكويس والوحش سواء أخت أو أخ لكن الكلام ده لو هيعتبر إدانة ودليل على شخص بالسوء فده يدل على فراغ وصغر عقل صاحبه .


ثالثاُ : مفيش حد عارف ظروف الشخص اللي قدامه فيه اللي بيقدر يقعد في الصبح وفيه اللي بالليل كل واحد وظروفه .


رابعاً وأخيراً : بما إني أخت فأنا الكلام ده حقيقي مش هيفرق معايا لان كل انسان عارف نفسه كويس وطالما الإنسان مش بيعمل حاجة غلط يبقى ميهمش كلام الناس لان رضا ربنا هو غايتنا وليس رضا الناس .

[prince of scientists]

الموضوع متوقف على اللى بتعمله وده بيختلف من واحدة للتانية اما في المجمل طالما مبتعملش حاجة غلط ايه المشكلة بالليل ولا بالنهار ما براحتها
وتحياتى للرد المحترم اللى ردت بيه العضوة على الشخص ده

[prince of scientists]

المشاركة الأصلية كتبت بواسطة maha youness

بعض الشخصيات اللي اتناقشت معاها في الموضوع ده قالي بليل بتبقي فرصة الغلط أكبر بما ان تقريبا الرقابة بتبقي معدومة قلتله ده يرجع لأخلاق البنت بقااااا قالي رد غريب أوووووي كل شخصية وليه داخلة ايه بجد رأيكو فيه كده هل ده حقيقي ؟؟ ولا كلام شباب

هو ممكن يكون الكلام صح عشان ان الواحد بيكون لوحده ... بس في ناس بتراعى ربنا وقبل ماتخاف من الناس بتخاف من ربنا ... وفى احد احاديث الرسول صلى الله عليه وسلم انه قال " اتقوا ذنوب الخلوات" صدق رسول الله صلى الله عليه وسلم

[adawi]

يعنى هى قاعدة فى الشارع ؟؟؟؟؟؟؟؟؟؟؟؟؟؟؟؟؟؟!!!!!!!!!!!!!

[soosoo_kotp2000]

رب الليل هو رب النهار هو رب كل الأوقات هو الرقيب والشهيد

[هبة محمد2011]

ده مش معقول ازاى البنت لو دخلت بعد الساعة 12 تبقى مش محترمة

فى الصبح بتكون على البنت مسئوليات توضيب البيت دروس مدرسة

وحتى لو مافى مدرسة ولا دروس بيكون عليها اعمال كتيرة ليه التفرقة دى

لا بجد انا مش بوافق اى واحد مع الرى ده وبصراحة البنت ماغلطتش ردة علية

وعرفته انها محترمة من كلامها واى واحد راح يقرا الرسالة رايح يشوف ان الولد

هو اللى دايما على خطا فى المواقف اللى زى ده ومعلش فى الكلمة دول ناس

متخلفين اللى بفكروا بالطريقة ده طالما هى ماغلطة فى اللى قالته الولد ده

يبقى هو اللى مش محترم

[فارسة الإسلام]

السلام عليكم ورحمة الله وبركاته

أنا رأيي كرأي بعض الأعضاء
كل واحد لديه ظروفه منهم من يجلس بالنهار ومنهم من يجلس بالليل
ولا حرج أن يجلس الشخص في أي وقت حتى لو متأخر مادام ينتفع بشيء ولا يفعل الخطأ

[منى عز]

انا شايفه انى مفهاش حاجه لما نتدخل على منتدى محترم زى المنتده ده وبصراحه اكثر لاتفتح الرسائل الخاصه لانى كلنا نرد على الموضوع فى الظهور وبلا الرسائل الخاصه ديه

[&الوردة الزرقاء&]

باشفق على كل انسان ردة فعله الهجوم لما مايعرفش يرد

سيبك انتي اخبار الدراسة ايه ؟

[مستر مصطفى الناقه]

دى حرية شخصية مكفولة للجميع
[وَكُلَّ إِنسَانٍ أَلْزَمْنَاهُ طَائِرَهُ فِي عُنُقِهِ وَنُخْرِجُ لَهُ يَوْمَ الْقِيَامَةِ كِتَابًا يَلْقَاهُ مَنشُورًا (13) اقْرَأْ كِتَابَكَ كَفَى بِنَفْسِكَ الْيَوْمَ عَلَيْكَ حَسِيبًا (14) ]

[مريم السباعى.]

بصى طبعا انا مع كل الاراء الى سبقت دى ولى تقريبا مفيش رئ فيها الا لما بيعارض فكرة الانسان المتخلف دة بتاعت 12 بليل ولا مش عارفة ايه
هو لقاش فى الورد عيب قال دة احمر الخدين
هو لاقكى بنت محترمة قال لما احرق دها شوية وطبعا الموضوع دة افتكر انه اتحرق دمه مليون مرة بس دة لو عنده اى احساس اصلا
بس انا رئى انك تبلغى الادارة وتدخل تشوف مين ال ىبعتللك الرسايل ويتعمله وقف فووووووورا

[asmaa232]

ههههههههههه
بجد مش عارفة اقول اى
على فكرا الواحد أو البنت يعنى لو عايزة تعمل الغلط هتعمله فى أى وقت يعنى مش هتستنى لحد بليل عشان تعمله
دا غير كمان على حسب ظروف البيت يعنى ممكن تكون قاعدة بعد الساعة 12 وعندهم فى البيت صاحيين وتحسى انهم لسا الضهر
دا غير انها أصلا قاعدة ف بيتها

.......
بس كدا

[dr.ahmed hessien]

عادى واحده قاعده فى بيتها ودخلا على النت الساعه5 الفجر هيا مش قاعده فى بيتها


ولا بيتها لازم تنام فيه الساعه سبعه زى القطط



وهى لو فى نيتها تعمل حاجه غلط مش هاتعملها الا بالليل
انا اعرف ان لو فى نيتها تعمل حاجه وحشه هتعملها فى اى وقت


وبعدين كل حاجه فيها الحلو وفيها الوحش


مينفعش الحكم المطلق


مجرد راى