مقدمة للتعبير وخاتمة

محمد الشونى · #1 31-05-2008, 06:19 PM

السلام عليكم ورحمة الله وبركاته

ياريت اللى يعرف مقدمة او خاتمة لموضوع التعبير حتى يفيد الجميع

وفى النهاية نختار افضل مقدمة وخاتمة

وياريت يشاركنا اساتذة اللغة وشكرا

والسلام عليكم ورحمة الله وبركاته

The Genius · #2 31-05-2008, 07:55 PM

ارجوكم يا جماعه بلاش نكتب مقدمات محفوظة بلاش جهل بقى
ارجوكم ان تكتبوا المقدمة على حسب الموضوع اللي هتكتبم فيه في الامتحان
لان المصحح حافظ المقدمات اللي الطلبه عرفاها وبيشطب عليها وبعدين يكمل الموضوع
ارجو من الجميع عدم كتابة مقدمة او خاتمة محفوظة للموضوع
زاساتذة اللغة العربية اظن انهم هيقولوا نفس الكلام

mazzika_hero_love · #3 31-05-2008, 08:22 PM

المقدمة : ان هذا الموضوع موضوع جميل و سوف اترك قلمى يعبر عما فى قلبى من مشاعر واحاسيس جميله تجاة هذا الموضوع.
الخاتمة : وفى النهاية ارجو من الله ان اكون قد وفقت فى سرد كل افكارى و فى كتابة هذا الموضوع على اجمل وجه.

ارجو تنال اعجابكم

hasna · #4 31-05-2008, 08:36 PM

يعني مثلا إذا كان الموضوع عن التلوث أو عن الحرب أو عن الهجرة غير الشرعية فكيف يكون جميلا كما حددت !!!!!

MaNsEy · #5 31-05-2008, 08:42 PM

يا حسناء زى ما الراجل قال كل مقدمه حسب الموضوع

وبعدين انتى تشوفى الموضوع بيتكلم عن ايه وتحاولى

تزبطى مقدمه وخاتمه تتناسب مع الموضوع

تقبلى مرورى بكل ود هيما المنسى

0o03aneda0o0 · #6 31-05-2008, 09:10 PM

انا مع الي بيأيدوا عدم الالتزام بمقدمة وخاتمة
يا جماعة احنا كبرنا ع الحاجات دي بقينا ما شاء الله 16 و 17 سنة مش معقول لسه ماشيين بالنظام ده زي بتوع ابتدائي
حاول انت توظف كلام من عندك كمقدمة وخاتمة ومفيش مانع تختم بدعاء صيغته بردو من دماغك وتخص صلب الموضوع

ده بالعكس انا بحس ان المصحح بياخد انطباع عن اسلوبك في المقدمة لو حس انك متبع نظام احفظ وادلق هيعرف انك ضعيف وهيكمل بقرف
لو لقي مقدمتك مبتكره ومعتمده ع اساس الموضوع هيحس انه بيتعامل مع بني آدم
التعبير ده من الآآخر مزاااااج
وانا مشيت ورا كلامي ده السنة الي فاتت وربنا كرم الحمد لله

lolo2007 · #7 01-06-2008, 08:27 AM

مقدمة

الحياة تشرق بأشعتها الوردية على أرض الواقع، فتثير مشاعر الحب و الاخاء و الصفاء فى نفوس البشر، و تدفعهم الى تحقيق الآمال و الاحلام، فتقبل القلوب على ترسيخ القيم الانسانية العظيمة، و تحقيق السلام الدائم بين الشعوب.
و لكن هناك قلوب تصر على رسم لوحة دموية دامية، تحمل افكاراً واهية، تعشق *** الابرياء، و سفك الدماء، و تترجم كل ما دار فى الاهواء، و لا يفكر فى غضب رب الارض و السماء.
:Dخاتمة:D **عن القدس**
و فى النهاية احب ان اقول ان العمر يجرى بنا و العصر شاهد علينا يسجل فى ذاكرة الامة النوم و الكسل و الحرص على المناصب دون الاهتمام بالقضية، التى تتمزق لها القلوب و الجوارح، قضية الجسد العربى الذى تقطع إرباً إرباً، و لا حياة لمن تنادى، ان القدس و أبناءها المسلمين، هم قطعة من اجسادنا، الذين بين فيهم الحديث الشريف :
"مثل المؤمنين فى توادهم و تراحمهم و تعاطفهم كمثل الجسد إذا اشتكى منه عضو تداعى له سائر الاعضاء بالسهر و الحمى"
هيا يا ضمير العالم تحرك، و أفق من غفلتك قبل ان ينتقم الله تعالى للضعفاء، و حينئذٍ تكون الطامة الكبرى.

يارب تعجبكم

ZOMORDA · #8 01-06-2008, 08:47 AM

ياجماعة ياريت حد يقول فين ارشيف الامتحانات
والموقع دة بتاع الامتجانات اللى فى الارشيف ولا اية www.emoe.org
ادعوووووووولى لانى حاسة باضياع

موني2008 · #9 01-06-2008, 10:21 AM

اقتباس:

المشاركة الأصلية كتبت بواسطة mazzika_hero_love

المقدمة : ان هذا الموضوع موضوع جميل و سوف اترك قلمى يعبر عما فى قلبى من مشاعر واحاسيس جميله تجاة هذا الموضوع.
الخاتمة : وفى النهاية ارجو من الله ان اكون قد وفقت فى سرد كل افكارى و فى كتابة هذا الموضوع على اجمل وجه.

ارجو تنال اعجابكم

عن جد مقدمة وخاتمة اكثر من الروعة الله يبارك فيك