|
أرشيف المنتدى هنا نقل الموضوعات المكررة والروابط التى لا تعمل |
|
أدوات الموضوع | ابحث في الموضوع | انواع عرض الموضوع |
#166
|
||||
|
||||
اقتباس:
ممتاز
تذهب النقاط الى الاستاذ احمد الاجابة الكاملة للغز (وسعوا بقى كده شوية عشان طويلة خالص) في البداية الجملة الثانية فيها حاجة جذابة... و الحاجة دي هي ان مهما كانت صحتها فالجملة الأولى لا بد أن تكون "غير صحيحة"... تعالوا نشوف إزاي.. إحنا عندنا احتمالين: لو كانت الجملة الثانية "صحيحة" يبقى هي زي ما بتقول في النص بتاعها انها أول جملة "صحيحة" في القائمة... و بالتالي فالجملة الأولى لا يمكن تكون صحيحة و بالتالي فهي "غير صحيحة"... لو كانت الجملة الثانية "غير صحيحة".. يبقى ده معناه انها مش أول جملة غير صحيحة في القائمة زي ما بتقول في النص بتاعها... يعني فيه جملة غير صحيحة قبلها.. و بالتالي فالجملة الأولى لا بد أن تكون "غير صحيحة"... طيب احنا دلوقت عرفنا ان الجملة الأولى هي قطعا "غير صحيحة"... خلينا نشوف إحنا ازاي ممكن نعرف من استنتاجنا ده أي معلومات عن الجمل الأخرى... الجملة الأولى بتقول: (جملة واحدة علي الأقل من الجملتين الأخيرتين من هذه القائمة صحيحة)... بس احنا لسه عارفين ان الجملة دي مش صح... و بكده نستنتج أن الجملتين الأخيرتين في القائمة ما فيهمش و لا واحدة صح... يعني الجملة التاسعة و الجملة العاشرة هما "غير صحيحة"... الجملة السادسة برضه فيها حاجة جذابة... يعني هي لازم تكون جملة "صحيحة"... لو كانت الجملة غير صحيحة يبقى حسب نصها هتكون (آخر جملة صحيحة في القائمة) و هذا تناقض واضح... يبقى بدون أدنى شك أنها جملة "صحيحة"... من استنتاجنا بأن الجملة السادسة "صحيحة" بقينا بنعرف أن على الأقل واحدة من الجمل الأربع الأخرانيين هتكون صحيحة... و لكن احنا سبق و عرفنا ان الجملتين التاسعة و العاشرة غير صحيحتين... يبقى ما فاضلش عندنا غير الجملتين السابعة و الثامنة... طيب عندنا بكده 3 احتمالات لا غير... و هي أن الجملتين السابعة و الثامنة "صحيحة"... أو الجملة السابعة "صحيحة" و الثامنة "غير صحيحة"... أو الجملة السابعة "غير صحيحة" و الثامنة "صحيحة"... خلونا نشوف كل احتمال على حدة: لو كانت الجملتين "صحيحة"... يبقى من الجملة السابعة نستنتج أن 6 و 7 و 8 تعتبر قواسم للعدد (ن).. و بالتالي لو جبنا المضاعف المشترك الأصغر للأرقام دي هنلاقيه 168.. و احنا من صحة الجملة السابعة نستنتج أن العدد (ن) أكبر من أو يساوي 168... و بما أن ما فيش حاجة اسمها 168% من الجمل.. يبقى الجملة الثامنة لا يمكن تكون صحيحة... و بكدة نستنتج أن احتمال كون الجملتين السابعة و الثامنة صحيحتين ده احتمال غير وارد... بالنسبة للإحتمالين الثانيين فأنا مش هأقدر أميز بينهم بدون استخدام جمل أخرى... و لذلك فأنا هأستخدم أبسط جملة و أوضحها من الجمل الباقية و هي الجملة الثالثة اللي بتقول: (هذه القائمة تحتوي علي الأقل 3 جمل خاطئة متتابعة)... دلوقت خلونا نشوف الإحتمالين المتبقيين بخصوص الجملتين السابعة و الثامنة مع الأخذ في الإعتبار إحتمالات الجملة الثالثة: إحتمال كون الجملة الثامنة "صحيحة" و الجملة السابعة "غير صحيحة"... و لو فرضنا ان الجملة الثالثة صحيحة يبقى أنا عندي الوضع التالي للجمل: 1- غير صحيحة 2- مجهول 3- صحيحة 4- مجهول 5- مجهول 6- صحيحة 7- غير صحيحة 8- صحيحة 9- غير صحيحة 10- غير صحيحة بالإحتمال ده احنا هنعرف ان لا يمكن الجملة الثالثة تكون صحيحة لأن و بإختصار في نتايج الجمل اللي فوق أنا مش ممكن يكون عندي أبدا 3 جمل غير صحيحة متتابعة... طيب لو فرضنا أن الجملة الثالثة "غير صحيحة" مع بقاء الجملة السابعة "غير صحيحة" و الثامنة "صحيحة"... هتكون نتايج الجمل كالآتي: 1- غير صحيحة 2- مجهول 3- غير صحيحة 4- مجهول 5- مجهول 6- صحيحة 7- غير صحيحة 8- صحيحة 9- غير صحيحة 10- غير صحيحة طبعا بما اننا قلنا ان الجملة الثالثة غير صحيحة فبالتالي انا لا يمكن يكون عندي أكثر من جملتين "غير صحيحة" متتابعتين... و بالتالي فأكيد هتكون الجملة الثانية "صحيحة"... و بما أني سبق و تأكدت بأن الجملة العاشرة "غير صحيحة" فلازم يكون عندي 3 جمل "صحيحة" متتابعة... يعني الجملتين الرابعة و الخامسة هيكونوا "صحيحة"... طيب الجملة الخامسة لو كانت صحيحة يبقى قيمة العدد (ن) هتبقى: 2+4+5+6+8 = 25... و لكن الجملة الثامنة بتقول ان (ن%) من الجمل صحيحة.. يبقى المفروض ان 25% من الجمل صحيحة و لكن إحنا لسه عارفين بأن 5 جمل صحيحة و اللي بتشكل 50% من عدد الجمل في القائمة و مش 25%... إذا أنا هيكون عندي تضارب فادح في النتايج... و بكده هيبقى عندي استنتاج من الحالتين اللي فوق.. اللي هو: لا يمكن تكون الجملة السابعة "غير صحيحة" و الجملة الثامنة "صحيحة"... يبقى ما فاضلش قدامي غير احتمال واحد بس.. و هو أن الجملة السابعة "صحيحة".. و الجملة الثامنة "غير صحيحة"... و بالتالي فالجملة الثالثة هتكون "صحيحة" لأن أنا بقى دلوقت عندي 3 جمل غير صحيحة متتابعة (8 و 9 و 10)... طيب احنا من صحة الجملة السابعة بنعرف ان العدد (ن) على الأقل يساوي المضاعف المشترك الأصغر للأرقام 3 و 6 و 7.. اللي هو 42... طيب لو فرضنا أن الجملة الخامسة صحيحة... يبقى أنا لازم يكون مجموع أرقام الجمل الصحيحة يساوي العدد (ن)... خلونا نعمل افتراض ثاني و هو أن جميع الجمل المجهولة لحد دلوقت هي جمل صحيحة.. و بالتالي مجموع أرقام الجمل الصحيحة هو: 2+3+4+5+6+7 = 27... و ده أقل طبعا من أقل قيمة احنا عايزينها للعدد (ن)... يبقى بدون شك أن الجملة الخامسة "غير صحيحة"... لحد دلوقت حلو.. و الباقي كمان سهل... يعني أنا لسه فاضل عندي جملتين مجهولة... و لكن أنا من البداية تأكدت من عدم صحة الجملة العاشرة... و ده معناه ان لازم يكون عندي في القائمة 3 جمل صحيحة متتابعة... و علشان كده أنا بكل اطمئنان هأقول ان الجملة الثانية "صحيحة" و برضه الجملة الرابعة "صحيحة"... يبقى نتايج الجمل كالآتي: 1- غير صحيحة 2- صحيحة 3- صحيحة 4- صحيحة 5- غير صحيحة 6- صحيحة 7- صحيحة 8- غير صحيحة 9- غير صحيحة 10- غير صحيحة طيب دلوقت ممكن نجيب قيمة العدد (ن) من المعطيات السابقة: الجملة الرابعة بتدينا قاسم من قواسم العدد (ن) و هو: 7-2 = 5... و الجملة السابعة بتدينا معلومة بأن العدد (ن) يساوي على الأقل المضاعف المشترك الأصغر لأرقام الجمل الصحيحة... يعني: 2*2*3*7 = 84... و لكن من الجملة الرابعة احنا نعرف ان 5 هي من قواسم العدد (ن)... يبقى قيمة (ن) هي على الأقل: 84*5 = 420... و بالتأكيد فإن أي مضاعف من مضاعفات هذا العدد سيحقق صحة الجملتين الرابعة و السابعة... و علشان نقدر نحدد العدد المطلوب بالضبط يبقى لازم نعرف أي من مضاعفات العدد 420 سيحقق صحة الجمل الأخرى... ما فاضلش عندنا من قائمة الجمل أي جملة ممكن تديني معلومة مفيدة عن العدد (ن) الا الجملة التاسعة اللي بتتكلم عن عدد القواسم... و من التحليل الأولي للعدد 420 هنلاقي ان له 24 قاسم... و الجملة التاسعة بتقول ان مجموع أرقام الجمل الصحيحة اللي هو: 2+3+4+6+7 = 22 أقل من عدد قواسم العدد (ن) اللي بين 1 و العدد (ن) نفسه... و بما أن الجملة دي تأكدنا انها خاطئة يبقى هنعرف بأن 22 أكبر من عدد قواسم العدد (ن) اللي بين 1 و العدد (ن) نفسه... و بما أن 420 له 24 قاسم و منهم 22 قاسم بين 1 و 420... إذا فالعدد اللي احنا بندور عليه هو فعلا 420...
__________________
ورا كل عيون بتلمع كلام كتير مستخبى خوف ,, وحلم متشعلق فى الفضا |
#167
|
||||
|
||||
اقتباس:
هيييييييييه
اخيييييييييييييراً حليت لغز صعب ايوه كدا نوصل للمرتبه التانيه والحمدلله وبارك الله فيما رزق |
#168
|
||||
|
||||
اقتباس:
مبروووووك
نبدأ اللغز الجديد الخاص بالساعة الخامسة سيتم وضع اللغز الان وهو من نفس نوعية اللغز السابق
__________________
ورا كل عيون بتلمع كلام كتير مستخبى خوف ,, وحلم متشعلق فى الفضا |
#169
|
||||
|
||||
اللغز الجديد
ساعطيكم عدة جمل جملة واحدة منها صحيحة المطلوب معرفة هذه الجملة ومعرفة الرقم المطلوب من هذه الجملة اللغز "متوسط" لدينا رقم من خانتين مطلوب معرفته مع الجملة الوحيدة الصحيحة ------------------------- المعطيات -------------------------- 1- رقمنا مربع أو أولي 2- رقمنا زوجي 3- رقمنا يقبل القسمة علي 3 أوعلي 5 أو علي كلاهما 4- جمع مكونات الرقم يقببل القسمة علي 3 أو علي 5 أو علي كلاهما 5- جمع مكونات الرقم تعطينا رقم مربع أو أولي 6 - آحاد أو عشرات الرقم أو كلاهما أولي 7- ضرب مكونات الرقم تعطينا رقم زوجي
__________________
ورا كل عيون بتلمع كلام كتير مستخبى خوف ,, وحلم متشعلق فى الفضا |
#170
|
||||
|
||||
هو الواحد يعتبر رقم أولي؟؟
|
#171
|
|||
|
|||
15؟؟؟
بس بلاش احراج
__________________
الحياة مفاجاات صدمات وابتسامات حسرات وضحكات طرائف وابتسامات والذكي هو من يتعايش مع هذا كله ليكمل الطريق والقوي هو الذي يتعلم من الاخطاء ويكمل ولا يتوقف لاي سبب كان والحكيم هو من يفكر في كل شيئ ويأخذ منه موعظة ويكمل الحياة ومعه كل الدروس التي تمكنه من النجاح.
|
#172
|
||||
|
||||
المفروض انا اللى اجاوب يا بشمهندس؟؟!!
العدد الاولى هو عدد يقبل القسمة على نفسه وعلى الواحد الصحيح فقط ولكن يجب ان يكون اكبر من الواحد
__________________
ورا كل عيون بتلمع كلام كتير مستخبى خوف ,, وحلم متشعلق فى الفضا |
#173
|
||||
|
||||
يجب ان تكون فى القائمة جملة واحدة صحيحة وطبقا لاجابتك
15 فانها تتوافق مع الجملة الثالثة والسادسة 3- رقمنا يقبل القسمة علي 3 أوعلي 5 أو علي كلاهما 6 - آحاد أو عشرات الرقم أو كلاهما أولي
__________________
ورا كل عيون بتلمع كلام كتير مستخبى خوف ,, وحلم متشعلق فى الفضا |
#174
|
||||
|
||||
اقتباس:
هههههههههه معلش دماغي تعبت ف اللغز الأول وماتسحرتش النهارده كويس
|
#175
|
|||
|
|||
19
بس برضه بلاش احراج بس يعني ممكن
__________________
الحياة مفاجاات صدمات وابتسامات حسرات وضحكات طرائف وابتسامات والذكي هو من يتعايش مع هذا كله ليكمل الطريق والقوي هو الذي يتعلم من الاخطاء ويكمل ولا يتوقف لاي سبب كان والحكيم هو من يفكر في كل شيئ ويأخذ منه موعظة ويكمل الحياة ومعه كل الدروس التي تمكنه من النجاح.
|
#176
|
||||
|
||||
امممممم
. . . اجابة صحيحة برغم من انه ليس الرقم المقصود ولكن الاجابة صحيحة فعلا تذهب النقاط الى مسلمة اللغز الجديد الساعة الثامنة مساء
__________________
ورا كل عيون بتلمع كلام كتير مستخبى خوف ,, وحلم متشعلق فى الفضا |
#177
|
||||
|
||||
اللغز ده اشبه بالرموز السرية والكلام السري الذي يستخدم بين افراد المخابرات والعملاء السريين
اللغز: اثنان من المخابرات السرية واحد منهم عارف اخبار عن جريمة هتحدث في مكان معين وفي تاريخ معين بس ميقدرش يروح يوقفها لكن يقدر يرسل رسالة لصاحبه عشان صاحبه يوقفها بس لازم يبعتها بطريقة سرية بحيث محدش يقدر يقراها الاهو الرسالة كانت تتضمن المكان والتاريخ الي هيحدث فيه الجريمة والرسالة اهي : المطلوب \ معرفة المدينة والتاريخ لحدوث الجريمة من الرسالة مساعدة: السطر الاول يوضح الزمان السطر الثانى يوضح المكان
__________________
ورا كل عيون بتلمع كلام كتير مستخبى خوف ,, وحلم متشعلق فى الفضا |
#178
|
|||
|
|||
طيب دول اربع سطور
نعتبر كل سطرين =سطر |
#179
|
||||
|
||||
امممم
جاري التفكير |
#180
|
||||
|
||||
طيب فانتاستيك 5 دي ليها علاقه بالحل؟؟
|
العلامات المرجعية |
|
|