كل الى يخصك هتلاقيه هنا (ادخلى ومش هتندمى)

shahd. · #1 31-07-2012, 02:25 PM

السلام عليكم ورحمة الله وبركاته
***************
اهلا بيكم فى موضوعى المتواضع يا بنات ياحلوات
بصوا بقى بما اننا داخلين على العيد يعنى فطبعا لازم نبقى حلوين وكدة ولا ايه
الموضوع دة بقى مطرقع وعملاه عشان عيوناحلى بنات بس
انا عملالكم كل حاجة من الالف للياء من جمال وزينة وطرح وملابس واتيكيت وكلللللل حاجة
هنبدا الاول بالبشرة
********
طبعا كل واحدة بيبقى نفسها انها تكون بشرتها بيضة دة اكيد يعنى فا انا هحطلكم اهم 3 ماسكات يلا نبيتدى بسم الله
1_ معلقة كبيرة حليب نيدو بودره
معلقتين بياض بيضة
شوية ماءورد
نص معلقة زغيرة نشا ذره
نخلط جميع المكونات مع بعض حتى يثقل ويتماسكونضعه على الوجه لمده 10-15 دقيقه تم تغسلي وجهك بماء دافي تم بماء بارد
__________________________________________________ ______
2_اما دى بقى هتفتح بشرتك فى 10 دقايق

اغسلى وجهك بمنظف تكونى بتسقى فى فاعليته فى التنظيف وافضل كلين اند كلير لانه انا اصلا بستعمله ومش غالى
المهم
وبعد كدة لو عندك ماسك تقشير اعمليه ولو مش عندك ممكن تعمليه فى البيت
تجيبى ليمونه + سكر وتفضلى تفركيه فى وجهك بطريقه دائريه بعد كدة اغسلى وجهك هتلاقيه ناعم ونظيف 100%

الخطوة التانيه ماسك التفتيح

بياض بيضه + نصف ليمونه + زنجبيل بس بمقدار صغير جدا وهقولك الزنجبيل ليه

اخلطيهم مع بعض وبعد كدة حطيه على بشرتك لمدة 10 دقائق او اكتر على حسب ما تستحملى الزنجبيل لانه حراق مووت

المهم بعدها اغسلى وجهك وشوفيه فى المرايه

اقولك فوائد كل حاجه فى الماسك دة

بياض البيض . لشد البشرة ولمعانها

الليمون.لتقشير الخلايه الميته واخفاء الهالات السوداء نهائيا وتنظيف البشرة عموما وانتعاشها فالليمون ليه فوائد كثيرة يطول شرحها

اما الجنزبيل يجعل بشرتك نقيه ويعطيها الاحمرار المراد فى نفس الوقت حتى لو حطته لوحدة مش مهم هتلاقى بشرتك تجنن
__________________________________________________ _____________________________________________
كدة خلصت التلاته بتوع البشرة هندخل على الى بعده يا حلوين
_______________________________________________
الشعر
****
) موزه
2) زيت لوز للشعر
3) ملعقتين عسل
4) ملعقتين بن
5) زيت زيتون
6) زيت ذره

الطريقه

:::::::::

احضري الخلاط و قطعي الموزه ثم ضعي باقي المكونات على الموزه و اضربيهم حتى يصبح شكل الخليط سميك و من ثم افرغي المحتويات في كوب و استخدميه

ملحوظه

:::::::::

اذا كان شعرك يميل الى الاشقر فمن الممكن وضع ملعقه كركم مع الخليط حيث انها تعطي نتيجه رائعه للون الشعر و تضفي عليه لمعه واضحه

ملحوظه اخرى

:::::::::

يمكن لك اضافه ايه مكونات يحتاجها شعرك و كذلك ممكن تغيير انواع الزيوت حسب طبيعه شعرك و مقادير الزيوت تكون حسب احتياج و طول شعرك

طريقه وضع الخليط

:::::::::

تتعاملي مع الخليط بنفس طريقه تعاملكي مع الحنه اي تضعيه باطراف اصابعك في الجذور اولا ثم بعد ان تغطي الجذور تكملي باقي الشعر

الفائده المرجوه

:::::::::

1) القضاء على التقصيف بشكل ملحوظ
2) تنعيم الشعر
3) لمعه الشعر و بريقه
4) حيويه الشعر و عدم بهتانه
5) منع تساقطه
6) القضاء على القشره
_____________________________
وندخل على الى بعده
________________
المستحضرات الى لازم تكون معانا ايه هى بقى بصى معايا
*******************************************
لازم يكون معانا منظف للبشرة او غسول وكريم صن بلوك قبل ماننزل من البيت عشان الشمس واسبراى بس يكون حاجة موثوق فيها عشان الجلد ومزيل عرق انصح بريكسونا وبالنسبة للشمبوهات عندك دوف يافتوكة دة حلو وبالنسبة لكريمات الشعر ممكن فاتيكا كدة الفقرة دى خلصت اما بعد
__________________________________________________ _________________________________________
بالنسبة للفات الطرح يارييت نبعد عن اللفات الغريبة بتاعت اليومين دول الى حاطة عيل صغير تحت الطرحة والى منزلة شعرها كله من تحت الطرحة اولا دة حرام وكمان شكله مش شيك وبيئة جدا اللفات بقى الكويسة الى هى السيمبل خالص والرقيقة
************************************************** *******************************
تناسق الالوان بقى ودة اهم فقرة يلا بصوا معايا
_____________________________________
لكل اللي متعرفش تنسيق الالوان واية اللي يليق عليها ولا لا

لكل اللي محتاره في اختيار اللي يناسب جسمها وسنها

تعالي وانا اقولك تعملي اية

{موضوع كتير مصدعنا}
كل المهتمين بالموضة واللبس
بنتكلم عن الفساتين ولبس الخروج
وبنجيب صور وبنعلق ونقول اللة

لكن جربنا نختار لنفسنا حاجة
مش كل حاجة نتليق علي اي حد
ومش كل لبس حلو يبقي حلو كمان عليا

جاببالكو شوية نصائح ومعلومات
تفيدنا عند اختيار لبسنا عشان نختار
اللي يناسبنا ويليق علي حجمنا ولون بشرتنا

قواعد اختيار الملابس وكيقية تنسيق الالوان

1مش كل لبس حلو علي غيري يبقي حلو عليا
2الجسم لية دور كبير في انتقاء الالوان ونوعية الملابس
3لابد من تناسق الالوان
4مراعاة وقت البس والمكان المراد الخروج الية ونوع الخروج
(الوقت)صيف-شتاء- صبح- ليل
(المكان)اسيا -مصر-الهند
(نوع الخروج)فرح -تمشية-عمل-جامعة

***لبس الجامعة يكون كاجول مناسب للون البشرة وحجم الجسم
(لو انتي بيضة)البسي اسود-بني غامق-احمر-نبيتي-ابتعدي عن الابيض تماما
(لو لنتي سمرة)التزمي بالغوامق ابعدي عن الالوان الصاخبة الزاهية والابيض
*لا يفضل ارتداء الذهب اثناء النهار في الجامعة مع لبس الجاجول
*لابد تناسب الاكسسورات مع الملابس والجذمة والشنطة والطرحة والحزام
*لا يجوز ارتداء ملابس بتلمع وسط النهار او في الجامعة او اماكن العمل

اليكم تنسيق الالوان
اللي مش بتعرف تنسق الوان لبسها هنسهلها عليكي
بني مع بيج او سكري
زيتي مع تفاحي او اخضر فاتح
الزيتي مع الاورنج
البني مع الورنج
الفيروزي مع السماوي
************************************************** ********************************

**************************************
بالنسبة للاتيكيت الشخصى هو انك لما تروحى لواحدة صحبتك هو انك تخبطى على الباب بهدوء وطبعا قبل ماتروحى تكونوا متفقين على المعاد مش تروحى فجاة وبعد ماتخبطى بهدوء متدخليش فى المكان الى هتقعدوا فيه غير لما ياذنوا ليكى وياريت متعمليش دوشة او تلعبى فى حاجاتها او اى حاجة من الحجات دى وبالنسبة لمشيتك فى الشارع لازم تكونى ماشية زىى الاميرة متمشيش باصة فى الارض كان حاجة ضايعة منك لا بصى ادامك وكانك حاطة كتاب فوق راسك وادربى على دة فى البيت جطى كتاب فوق راسك وامشى فى البيت وادربى عليها وبالنسبة للجلوس تكون ضمة رجل جنب بعض وفاردة ضهرك ويارييت بقى تحطى رجل على رجل بس بعيد عن وجوه الى قاعدين بالنسبة بقى لاتيكيت زيارة المريض الزيارة متزيدش عن ربع او نص ساعة وتاخدى معاكى بوكية ورد او عصاير خفيفة كدة بالنسبة للأقارب أو الأصدقاء المقربين يمكن تقديم أي نوع
من أنواع الهدايا مع مراعاة أذواقهم الخاصة.

بالنسبة للآخرين من المعارف أو من غير المقربين من
الأصدقاء أو الزملاء في العمل يجب تجنب الهدايا الشخصية
جدًا مثل الملابس أو حتي الروائح .. كذلك تجنب الهدايا
الثمينة جدا ويكفي الهدايا العادية الشائعة مثل الزهور والكتب
والحلوي وكل ما يتعلق بأدوات الديكور مثل إناء الزهور أو
الطفاية.

لابد من إرفاق «كارت» للتهنئة مع الهدية وعادة توجد كلمة
التهنئة مطبوعة ويجوز إضافة بضع كلمات رقيقة. كذلك
يمكن الاكتفاء بالكارت الخاص وعليه كلمة تهنئة.

**************************************************
استودعكم
مستنيه الردود الحلوه