احنا مش سرنجات ولاتمرجية احنا فوق 95%

[يوسف سالم]

احنا مش سرنجات ولاتمرجية احنا فوق 95%
معظمنا دخل كليه تمريض مش بمزاجه
و تلاقي اهلك كانوا قاعدين يزنوا علي ودنك خش تمريض خش تمريض.وتلاقي قرايبك بردك شغالين زن في ودنك
بيعملوا بالمثل الزن على الودان امر من السحر ..ويقلولك علي الاقل تلاقيلك وظيفه محدش لاقيها شوف تامر ابن جارتنا معاه بكالوريوس علوم وقاعد مش لاقي وظيفه اما هشام اللي قدامنا لسه متخرج من الكليه وشغال وخطب وانت تقلهم بس انا هبقي اسمي ممرض .. واصحابي يقعدوا يضحكوا عليا.. انا عايز اخش كليه تانيه . يقوموا يقلنا انت مش هتبقي ممرص انت هتبقي اخصائي تشرف علي الممرضين وانت زيك زي الدكتور واحنا يعنيي صدقنا كلامهم وتلاقي قرايبك بردك شغالين زن في ودنك بيعملوا بالمثل الزن على الودان امر من السحر ..وفعلا تلاقي نفسك يعيني نفسيتك باظت واستسلمت وتقلهم اعملوا اللي تعملوه .تيجي بقي تخش الكليه حيث الصدمه الكبري تتصدم بالواقع طبعا اهلك عملينلك من البحر طحينه وقلولك انك هتبقي اخصائي.تلاقي اول حاجه بيعلموهالك ازاي تغسل ايدك ازاي تفرش السراير ازاي تنيم المريض ازاي تدي حقنه ...تيجي تشتكي يقلولك ايه يعني تعمل الحاجات دي وقولولنا الكلمه اللي لزقه في بقهم انتم ملائكه الرحمه.زياده علي كده تلاقي اخوك او زميلك ايام الثانويه ويالس عليك تبقي هاين عليك تكله بسنانك..............................انا مش بقول كله بيحصله كده بس بقول معظمنا .

[نهى شاهين]

بص يا يوسف الحاجات اللي انت مستعر انك تتعلمها دي الدكتور بيتعلمها زيه زيك
وانت بتتعلمها مش عشان تعملها لاء عشان تشرف ع الناس اللي هتعملها اومال هتشرف عليهم وانت متعرفش حاجه عن شغلهم
ودي كلها حاجات في سنه اولي بس
خش بقا ع تانيه وانت طالع هتلاقي الشغل اللي بجد وهتحس بقيمتك
وبعدين اي ممرض دي وهي كلمه عين يعني اه انت ممرض فيها ايه يعني عار ماعيب الا العيب يا يوسف وكمان عيب التمريض ان لسه الناس واخده عنه فكرة انك دبلوم لكن انت مش دبلوم انت بكالوريوس انت حاجه عاليه اوي
وسيبك بقا من اللي يقولك تمرجي ومش تمرجي قوله اه تمرجي وبعالج الناس وبعدين تمرجي دي لما يكون معايا دبلوم انما انا معايا بكالوريوس
يابني اللي متعرفوش ان التمريض قلب الطب
وهو الدكتور دوره ايه غير انه بيشخص وبس الباقي كله بيبقا ع الجكيمه اللي هي الدبلوم الغلبانه اللي مدرستشي اي حاجه من حاجات الكير للمريض زي الكليات وبالتالي مستوي التمريض عندنا زباله اما بقا لما احنا بننزل بنقعد نصحح كل ده ونعلمهم الكير ازاي وكده وهو ده اللي انا شوفته بعيني واللي انت هتشوفه في المستشفيات
فكبر دماغك يابني انت حاجه عاليه اوي وليك قيمه كبيرة ومش هتعرفها غير لما تنزل المستشفى
انت مش دبلوم انت بكالوريوووووووس واسمك ميستر

[سمكة الريف]

المشاركة الأصلية كتبت بواسطة نهى شاهين

بص يا يوسف الحاجات اللي انت مستعر انك تتعلمها دي الدكتور بيتعلمها زيه زيك
وانت بتتعلمها مش عشان تعملها لاء عشان تشرف ع الناس اللي هتعملها اومال هتشرف عليهم وانت متعرفش حاجه عن شغلهم
ودي كلها حاجات في سنه اولي بس
خش بقا ع تانيه وانت طالع هتلاقي الشغل اللي بجد وهتحس بقيمتك
وبعدين اي ممرض دي وهي كلمه عين يعني اه انت ممرض فيها ايه يعني عار ماعيب الا العيب يا يوسف وكمان عيب التمريض ان لسه الناس واخده عنه فكرة انك دبلوم لكن انت مش دبلوم انت بكالوريوس انت حاجه عاليه اوي
وسيبك بقا من اللي يقولك تمرجي ومش تمرجي قوله اه تمرجي وبعالج الناس وبعدين تمرجي دي لما يكون معايا دبلوم انما انا معايا بكالوريوس
يابني اللي متعرفوش ان التمريض قلب الطب
وهو الدكتور دوره ايه غير انه بيشخص وبس الباقي كله بيبقا ع الجكيمه اللي هي الدبلوم الغلبانه اللي مدرستشي اي حاجه من حاجات الكير للمريض زي الكليات وبالتالي مستوي التمريض عندنا زباله اما بقا لما احنا بننزل بنقعد نصحح كل ده ونعلمهم الكير ازاي وكده وهو ده اللي انا شوفته بعيني واللي انت هتشوفه في المستشفيات
فكبر دماغك يابني انت حاجه عاليه اوي وليك قيمه كبيرة ومش هتعرفها غير لما تنزل المستشفى
انت مش دبلوم انت بكالوريوووووووس واسمك ميستر

الله يطمنك بجد انا اول ما قرأت الموضوع خفت بجد و بصراحه قلقت جاااامد