دعوه للثوره على الظلم والجبروت

[احمد السطوحى]

بسم الله الرحمن الرحيم

طبعا كلنا شوفنا اللى حصل بعد التنسيق لينا ولاهلينا اللى كانو حاطين املهم علينا اننا نبقى حاجه فى زمن اصعب شئ فيه هوه العيش حياه كريمه ليس اكثر علشان كده لازم نرفع صوتنا ولازم نأخد حقنا المسلوب حقنا فى العمل فى المجال اللى بنحبه على الاقل واظن ده من ابسط حقوق الانسان وده بس لو كنا عايزين البلد دى تتقدم .
احنا دلوقتى فى لحظه تحديد مصير واللى هيتبنا عليها حياتنا ومستقبلنا بعد كده لو كنا شايفين التنسيق ده عادل يبقى نسكت ولو شايفين غير كده يبقى لازم نوصل رأينا وده بدل ما ناخد موقف سلبى تجاه حياتنا ومستقبلنا بعد ثوره 25 يناير الواحد قال مش هيشوف ظلم تانى بس الواقع اننا اتظلمنا كتير فى التنسيق معنى كده اننا اتظلمنا فى مستقبلنا يعنى هنفضل طول حياتنا مظلومين وطول ما احنا حاسين اننا مظلومين مش هنقدر نقدم للبلد دى اى نفع او تقدم البلد اللى ناس كتير ماتو علشانها .
وبعد الوعود الكتير اللى سمعناها بزياده عدد المقبولين فى الكلياتوبعد توقعات التنسيق اللى نزلت على انفسنا كالصواعق وجدنا ان التنسيق فاق كل التوقعات وكانت الكارثه والصدمه الكبرى البصدمه اللى ضربت باحلامنا وامالنا عرض الحائط .
وبعد ده كله مش لازم نسكت لان سكوتنا فى الحظه دى بالذات فيه ضياع لمستقبلنا وعلشان كده
ادعوكم بأسمى وبأسم كل مظلوم اننا نقول رأينا ونطالب بحققوقنا وننزل كلنا امام وزاره التعليم العالى .
ارجوكم مش لازم نسكت على الظلم اللى احنا فيه

من انسان محبط

[جهاد 11]

البلد دى عمرها مهتكون حاجه ولو قومنه بمليون ثوره الفساد فى النفوس
معشش فى قلبهم والرحمه ملهاش مكان
دول عالم نسيه ربهم 97 وعلوووووووووووووووووووم

[dr\villa]

يا شباب الموضوع مفيهوش ظلم و مفيش حد بيحدد التنسيق ولا حد يقدر يتحكم فيه !
الموضوع عرض و طلب ,, اعداد استيعاب لكل كليه و اللي بيجيب اعلي مجموع بيحجز مكانه
فيه الاف غيرك جايبين اكتر منك و حجزوا اماكنهم فبالتالي بيفضل الاماكن في الكليات الاقل لفئه المجاميع الاقل و هكذا

[marwa&ahmed]

على فكره والله العظيم كل اللى بنعمله ده ولا ليه اي لزمه
انا جايبه 97.2 وجالى طب بيطري واللى عمرها ما طلعت عن 96.5
بس هنعمل ايه يعنى قدر الله وما شاء فعل
وحسبي الله ونعم الوكيل في هيئة التعليم لو هما فعلا عملوا كده علشان الجامعات الخاصه تستفيد

[hoda_gabr]

يا جماعة كل ده كلام فارغ .... حضرتك تقدر تقولي لما شفت ناس بتغش منعتهم ازاي ؟؟

الامتحانات مكنتش صعبة و الغش كان كتير .... بالتالي المجاميع عالية جدا

و لازم التنسيق يعلى و الا هتلاقي في طب الدفعة مثلا لو 1000 طالب هتبقى 5000 طالب

ارضى بنصيبك و اجتهد في اي مكان و ان شاء الله اكيد ربنا اختارلك الخير ليك

[rana salem]

نصيب والله

[..: Pink rose :..]

بصراحة الموضوع مفيهوش ظلم لاي طالب
لان الموضوع مش بايديهم ..طلاب كتيييييير السنادي جابوا 99 و 100 واعلى
و لكل كلية طاقة استيعابية من الطلاب و لسه الي جايين من الخارج ليهم 5%
هما كان المفروض يجيبوا امتحانات اصعب من الي جت عشان التنسيق يتعدل و يبقى مقبول عن كده
و سدقني والله الموضوع نصيب و الانسان مش عارف الخير فين

[MUSTAFAEGYPT]

نصيحة منى ليكم انا ايام ماكنت فى الثانوية العامة كان املى انى ادخل هندسة وساعة اما ملحقتاش دخلت كلية التربية النوعية قسم الحاسب ولانى كان نفسى ابقى دكتور قلت وماله ابقى دكتور

فخلصت الكلية وحصلت على الدراسات العليا فى تخصص الحاسب ثم دخلت الماجستير وانا الان انهى رسالة ماجستير فى علوم الحاسب وان شاء الاله ناوى اكمل الدكتوراه بكلية الحاسبات والمعلومات

اى مجال تدخله ممكن تبدع فيه وتواصل الدراسات بكليات القمة المتخصصة

[magico24]

كلام جميل يا مصطفى

[mohamedreda11]

مين قال المشكلة في المجاميع المشكلة في للي كانوا متسابين يغشوا بالبلاك بيري والسمارت فون من جوه اللجنة من على تويتر والوزير يطلع يقول وانا اعملهم ايه يعني!

[abdallagamal]

ماكنت تقول الكلام ده لنفسك وانتا بتزاكر طووول السنة
التنسيق سليم 100%
الناس اللي زاكرت باجتهاد دخلت الكلية اللي بتحلم بيها
والناس النص نص تقعد على جنب
متحطش اخطائك على الاخرين
اللي بيشيل قربة مخرومة بتخر على دماغه

[اسلام اسو]

ازاى يعنى اللى بيشيل ابرة مخرومة بتخر على دماغة الناس اللى جايبة 406 دى ناس مذكرتش انت بتقول ايه الموضوع كله ظلم ومنهم لله اللى غشوا ورفعوا التنسيق والوزير يقولك احنا زودنا الاعداد والظاهر انى مفيش زيادة اعداد ده تعليم ظالم

[gana hany]

ياريت تراععى شعور الناس شوية وايه الناس اللى نص نص دى يعنى ازاى حد جايب 98.5 وميدخلش طب

[*مسلمة مصرية*]

انااااااااااااااااااااااااااااااااا لله وانا اليه رااااااااااااااااااااااااااااااااااااااااااااااااا اااااااااااااااااااااااااااااااااااااجعون

قال الله تعالى:".........وبشر الصابرين*الذين اذا أصابتهم مصيبة قالوا انا لله وانا اليه راجعون*أولئك عليهم صلوات من ربهم ورحمة وأولئك هم المهتدون" سورة البقرة

(على فكره أنا مجموعى 98,0 % وجالى علوم اسكندرية)

[دكتور حسام طلعت]

اللي بيقول الناس النص نص طيب بذمة اهلك يرضيك إن واحد جايب 99.04 و ميدخلش طب ... مطلوب منه إيه تاني يا ناس بس