انا مش فرجة

[Pro Saher Abdel-Aziz]

المشاركة الأصلية كتبت بواسطة *تائبة فى رحاب الله*

أولا:حضرتك كلمة نغمة قديمة تقصد بها الدين..!!
ترضى ان حد يقول كدة على دينك...
وبعدين أعتذر يعنى عن الكلام اللى هقوله ....
طريقة تفكير حضرتك فى الموضوع ده تفكير 90% من الشعب المصرى
وبيعتبروا الدين ده خنقة وكتمة
مع ان الدين مش كدة.........!!
وبعدين المحترم يُحْترم...
أنا مش بشتم فى المتبرجات والله بدعيلهم ربنا يهديهم وبعدين هم السبب الرئيسى
ومقلتش يستاهلوا اللى حصلهم كان ممكن أنا أكون مكانهم أو غيرى..
بس الدين هو الأساس وواضح ان حضرتك من الناس اللى ترفض قيام الشريعة فى مصر
ديننا عاد قديم وكبتة وخنقة...!!
وبرد الشباب عليهم مسئولية بس البؤرة الاساية هم البنات
وبعدين مين المفروض يكون فى صف مين؟؟!!
حضرتك تقبل على اختك كدة؟...
وبعدين لو البنت هقول تانى التزمت باللبس الاسلامى فى قوله تعالى فى سورة الاحزاب
{يـآ أيها النَّـبِىُّ قُلْ لِأزْواجِكَ وبَنَاتِك وَنِسـَاءِ المُؤْمِنِين يُدْنِينَ عَليْهِنَّ مِنْ جَلَأبِبهِنَّ ذِلكَ أدْنَـــى
ألّا يُعْرَفْنَ فَلَأ يُؤذَيْن وَكانَ اللهُ غَفُوراً رحِيما}
اقرأ الآية واعرف ايه الغرض
وجزاكم الله خيرا

حضرتك قلبتى على موضوع الدين ليه
انا مالى بالدين
انا بقول
طبعا رجعت النغمة القديمةبتاعت ان البنت نفسها هى السبب
ولو هنقول على الدين
ان حضرتك تقولى ان من حق الشب الى مكبوت ومش عارف يتجوز ان يتحرش ببنت لانها مش لابسه كويس
هل بقى الدين بيقول كده
او بمعنى اصح
نحط راسنا فى الرمل ونقول البنات تلبس كويس والحال ينصلح
هل الدين بيقول كده

ولو اعتبرنا ان فى واحدة حيوانة متجردة من الحياء ماشية لابسة من غير هدوم
هل من حق حيوان متجرد من الرجولة انه يتحرش بيها

[Pro Saher Abdel-Aziz]

مش من حقك تقول للبنت احترمى نفسك عشان احترمك او عشان المجتمع يحترمك
مش من حقك تختلق عذر لحيوان

[مريم السباعى.]

السلام عليكم
معلش انى شاركت مرة تانية بس الموضوع واضح سخن قوى بس ياجماعة ان شايفةان الموضوع ليه خيوط شبه خيوط العنكبوت
1_دلوقتى لا يختلف اثنين ان تبرج بعض الفتيات ااذ مكنش اغلبهم سبب رئىسى فى زيادة اعداد جرائم التحرش وال****** والكلام دة
تمام

2_محدش ينكر ان الظروف الاقتصادية الى فى البلد الى سببت ازمة وان الشباب مش قادر يتزوج
عملت سبببين اساين تمام
اولا /الشباب بقا يقولك وانا اعمل ايه مهو مفيش جواز و دول ماشين بتابرج دة كانهم بيغيظو فينا طب بالعند بقا حنخلى عيشتهم مرار لانهم اذونا بتبرجهم قبل محنا ناذيهم بس بطريقة غير مباشرة

ثانيا /خلت اتجاه البنات انهم يلبسوا او يميلو لتبرج علشان يبقو حلوين ويجلهم عرسان وان البلد ماشية بالمظاهر
والبنت متدخلش ادوبك ثانوى وتبدى الام تزين فيها وتجيب هدوم والكلام دة علشان تقولك البت عايزة سوقها يمشى كانها كيلو طماطام مثلا وتقولك اعمل ايه مهو كل العرسان ميحبوش غير كدة

والشباب يقولك منا لازم اخد واحدة جميلة ومتبرجة علشان تملى عينى فى ظل الضغوط الخارجية من تبرج والكلام دة ومش مهم ابقا اهديها بعد الجواز


طبعا فى طرف تالت هااااااااااااااااااااااام جدا لازم يتحط فى المقام طبعا
لانه اثر على ثقافة كلا ال***ين وتصرفتهم
وهى الثقافة الغربية وزيادة المجهودات العظيمة الى بتتعمل لتصدير الثقافة الغربية من *****ة ودعوة لتبرج علنى وخصوا فى الملابس وانا عن نفسى كبنت بتطلع عينى فى شرا الهدوم لان اغلب الازوق الى نازلة بتقو كونى متبرجة بثلث وعلشان تلاقى لبس كويس وشيك فى نفس الوقت تطلع عينك بقا
دة من ناحية
وزيادة نسبت وتصدير كل انواع ال*****ة من تلفزيون لنت لواقع لكله لزيادة كبت الشباب وتبديد طاقتهم الداخلية

طيب يبقى هى تقريبا زى شبكة العنكبوت
وناس حتقولى طب اشمعنا ايم السيتنات والسبعينات مع انى كان الحجاب مش منتشر بالعكس احنا بنشوف الناس زمان كان لبسها ايه كان ميكر جيب وعادى ماشية فى الشارع ودة كان طيبعى اشمعنا؟؟؟

حقول اولا دة راجع لاسباب كتيرة قوى من رقى وتربية وظروف اقتصادية كانت تقدر تخلى اى حد يجوز وفى وضع معقول يعنى خيوط كتير

طيب الدين حل الموضوع دة فى منتهى البساطة
امر الشباب بغض البصر وامر المراءة بالحجاب
وحطط كدة زى متقوله اسس للعلاقة بين المراءة والرجل فى كل موقف من ماقف الحياة حتى السلام بالايد
فالحل للعودة الى الدين
ومحدش يقولوى مهو فى منقبات بيتعكسو
ب سبذمة لو وانت واقف ولقيت بنت لبسة زبالة بتتعاكس وبنت تانية محتجبة وماشية بما يرضى الله وبتتعاكس من جواك مش لو التانية اتعكس ممكن تروح تمسك فى رقبته على عكس التانية لان من جواك حتقول طب مهى السبب

انا مش بقول مبررت لدة بس طيبعى حد عجان جدا جدا وكل الى حوليه بيورلى صور الاكل وبيعلومو المستحيل علشان ميكلش من ظروف اقتصادية وبطالة وابحية مجرد محيشوف اكل ماشى قدامه غصب عنه حتى لو معلش حاجة من جواه حيبقى مدايق لانها فعلا كدة هى بتاذيه



وفى امر تانى مهم صحيح مش قوى بس يجب التنبيه عليه زى مفى بنات بتتبرج فى برضه شباب كدة وبيعملو افعال شنيعة فياريت نظرتنا تبقى واحد بس طبعا معرفو مين الى عليه بؤرة الاهتامام اكتر مين الى ممكن تكون سلاح يستغلو اليهود والكفرة لتدمير الشباب ومين الى ممكن تكون خير متاع الدنيا المراءة الصالحة

التغير يبدا من الداخل لو كل اسرة رعت ربينا فى عيلها وربتهم على دين ربنا صح حيطلع عندنا بنت غير متبرجة فلا تلفت الانظار اليها
وابن بيغض بصره

معلش طولت واعتذر عن كلامةى ازاكنت اكلمت بتفصيل شوية

[*تائبة فى رحاب الله*]

المشاركة الأصلية كتبت بواسطة ساهر عبد العزيز

حضرتك قلبتى على موضوع الدين ليه
انا مالى بالدين
انا بقول
طبعا رجعت النغمة القديمةبتاعت ان البنت نفسها هى السبب
ولو هنقول على الدين
ان حضرتك تقولى ان من حق الشب الى مكبوت ومش عارف يتجوز ان يتحرش ببنت لانها مش لابسه كويس
هل بقى الدين بيقول كده
او بمعنى اصح
نحط راسنا فى الرمل ونقول البنات تلبس كويس والحال ينصلح
هل الدين بيقول كده

ولو اعتبرنا ان فى واحدة حيوانة متجردة من الحياء ماشية لابسة من غير هدوم
هل من حق حيوان متجرد من الرجولة انه يتحرش بيها

حضرتك عدت نفس الكلام ....
وبعدين فعلا ديننا بيقول البنت تلبس كويس والحال هينصلح ولا حضرتك شايف حاجة غير كدة ؟!
{وبعدين مايلفظ من قول الا لديه رقيب عتيد}
لازم حضرتك تاخد بالك من الكلام كويس...
العيب ع البنات والشباب...فى نفس الوقت
بس مش ينفع تحط الولد مثلا فى مدرسة مختلطة والبنات فيها مش بيلتزمه بالزى الشرعى وتقوله غض بصرك ....
يبقى العيب عليك انت...لان انت حطيته فى وسط مش كويس
وطبعا مش من حق اى شاب انه يعاكس...لان عليه مسئولية بردة
وبالنسبة لحكاية الزواج
فالرسول _صلى الله عليه وسلم _{قال من استطاع منك الباءة فليتزوج ومن لم يستطع فعليه بالصوم فإنه له وجاء}
والله لو اتمسكنا بديننا مش هيكون فى مشاكل بس هنقول لمين
....لاحياة لمن تنادى....
أسأل الله أن يهدى بنات وشباب الامة ...
جزاكم الله خيرا...

[E.P.A]

نحن نبحث اذا بحثنا عن اصل المشكلة فاذا حاربناه حلت المشكلة
فما المغزى من ارتداء الفتاة لمثل هذه الملابس
فالمشكلة بالاصل هو نقص الدين
صحيح ان هناك لوم و خطا على الشباب
و لكن هل تعتقد ان الفتاة لا تعلم ان زيها هذا سيعرضها للتحرش ؟