ارجوووووووووووووووووووووو المساعده بخصوص التقديم

[ايمان هارون]

المشاركة الأصلية كتبت بواسطة #semsema

طب لو سمحت علي فكره انا نفس صاحبه الموضوع ده بس العضويه التانيه حصل لغبطه وكده
المهم
انا كده هروح المدينه الجماعيه بجامعه القاهره وياتري في دفع مصاريف ولاايه وكمان انا عاوزه اداره سياحيه عربي يبقي هدفع كام ؟
واقدم المطلوب كده
بعدها بقي هعمل ايه
يعني ايه المطلوب بعد كده وبجد انت متاكد اني لسه فاضل علي التقديم ولا خلاص راااااحت عليااااا ارجوك طمني بسرعه

بصى اخر يوم ف القدرات يوم 15 يعنى انتى ككدة لخر يوم بكرة ليكي انتى بتروحى مكتب التنسيق الى ف المدينة الجامعية ف القاهرة وبتطلبى استمارة القدرات بيبقا معاكى صورتين ليكي وصورتين لرقم الجلوس و وخودى معاكى اد 200 جنية كدة ادفعى حق الاستمارة معرفش 25 ولة 20 مش فاكرة وبعدين هو بيكتبلك الميعاد على الاستمارة تروحى امتى اكيد هيكتبلك اخر يو م الى هو 15 هتروحى ساعتها الكلية بدرى وبتقدمى ورق الاستمارة هناك وبتدفعى 100 او ممكن ازيد شوية ف الخزنة وبتاخدى ورقة وتختارى عاوزة تخوشى انهو قسم وبعدين بيتحددلك ميعاد تطلعى فيه عشان الانترافيو مش بتبقى لوحدك متخفيش المهم بتعملى المقابلة وبتكونى مختارة القسم ف الورقة الى ادوهالك ومدوقيش اوى على حتت انك تختارى اختارى سياحة عشان اسالتها بتبقا اسهل من ارشاد وبعد متختارى سياحة ممكن بعدين لو حبيتيى تحولى ارشاد لم تيجي تقدمى عادى انتى بتقوليلهم وبتدفعى مصاريف ارشاد عادى جدا اهم حاجة وانتى راحة بردة تاخدى معاكى صور ورقم الجلوس دول اهم حاجة وتقريبا شهادة ميلادك او انا مش فاكرة اوى وبس كدة كل حاجة خلصت بس لازم تلحقى وبعدين النتيجة تطلع واتاكدى انك جايبة ف اللغة الاولة والتانية ف كل واحد
35 من 50 وبكدة استنى بقا التنسيق والى في الخير ربنا يقدمة

[ايمان هارون]

المشاركة الأصلية كتبت بواسطة mohamed mo7md

بعد ترشيحك لكلية سياحة وفنادق
بتجهز الاوراق المطلوبة منك وبتروح الكلية عادى وتقدم الورق
وبعدين هما بيحددوا مواعيد المقابلة الشخصية
ماهى المقابلة الشخصية؟
هى عبارة عن لقاء بينك وبين طرف مسؤل بشكل عام
اما بالنسبة للكلية :
فالاسئلة كالاتى/
1- اسمك وعنوانك وهواياتك ؟
2- وظيفة الوالد؟
3- دوافع اختيارك للكلية؟
4- تحب تدخل قسم ايه وليه؟
5- وطبعا منساش الاسئلة العامة( عملات البلاد - احدث الاخبار- وزير السياحة - رئيس الوزراء - اليوم العالمى للسياحة - محافظ مدينتك - ............. الخ)
طبعا فيه حاجات تانية عامة .
بتدخل على اكثر من دكتور وبيسالك الاسئلة دى وغيرها
مراعات هامة عند عمل المقابلة الشخصية
المظهر: بالنسبة للطلبة (الذكور) تقليم الاظافر / قص الشعر بطريقة مناسبة ولائقة بعيدة عن الطرق الغير تقليدية / ويجب الاهتمام بالمظهر لان المظهر اول مايلاحظ اثنا دخول الطالب لعمل المقابلة.
ويجب عدم وضع عطور نفاذة
بالنسبة للآنسات:
عدم وضع مساحيق التجميل بصورة بالغة او استخدام الاكسسوارت بطريقة ملفتة للنظر.

ويفضل عند عمل المقابلة الشخصية ارتاء ملابس كلاسيكية
وهناك اشياء اخرى
لابد ان تكون مبتسما وتراعى الاتصال البصرى مع الممتحن باستمرار لان عدم النظر اليه يوحى بالخجل وعدم الثقة بالنفس
لابد ان تكون الاذرع فى وضع استرخاء وقبضة اليد منبسطة وذلك يوحى بالهدوء والراحة.

ملحوظة: عمل المقابلة الشخصية باللغة الانجليزية.
ستسأل عن درجات اللغة والتاريخ


مقابلة بتكون بالانجليزى فى اشياء
زى التقديم
وبالعربى فى اشياء تانية

وعموما كله بيعدى هو اختبار روتينى ومحدش يقلق من الاختبااااااااار ده

محدش بيسال عن اللغات الكلام دة كان زمان لانهم عارفين ان القدرات معموله قبل النتيجة فبالتالى مش هيتسالو الكلام دة كان لم القدرات بتتعمل بعد النتيجة

[ايمان هارون]

المشاركة الأصلية كتبت بواسطة yousra yasser

انا عاوزة اعرف انا يوم ايه اعرف ازاى والتقديم والامتحان يوم واحد ولا يومين ؟؟

لما بتروحى مكتب التنسيق بيكتبلك اليوم الى انتى هتروحى تمتحنى فيه ف الكلية وبيكتبلك الميعاد وهو كدة كدة يوم لمكتب التنسيق ويوم للكلية يعنى هتنزلى يومين ربنا معاكى ومتخافيش انتى ف الغالب اخر يوم لانك ي ربنا يوافقك

[Ahmed Asko]

المشاركة الأصلية كتبت بواسطة ايمان هارون

بص احلا حاجة خليك ف الوسط سياحة كويسة قسم الدراسات السياحية وانما لو بتحب التاريخ اوى اعرف انك هتدرسة باللغه الانجليزية يعنى الانجليزي الى هو نص نص مش هينفع معاهم وهتاخد هيروغليفي وحاجات كتير بس ف كل تلك الحالات اى قسم هتخوشو هيحتاج انجليزي فيما بعد لان عندك مواد التخصص بتبقا انجليزي لو كنت ارشاد او كنت دراسات سياحية فهتحتاج بعد كدة تقوى اللغة عنددك بكورسات لكن الافضل دراسات سياحية انما لو حابب تبقا مرشد خوش ارشاد وربنا معاك بس انتة مقولتليش انتة اختارت اية ف الورقة بتاعت القدرات الاستمارة الى انتة بتسلمة للدكتور الى بيعملك الانترافيو كتبت ارشاد ولة دراسات سياحية

انا كتبت دراسات سياحية بس الموضوع معقد ناس قالتلى هتخوش دراسات مجالات الشغل بتاعته وحشة
قولت اخش إرشاد بما أنى بحب التاريخ قالولى كلوا بالانجليزى + انا مش عاوز اطلع مرشد وشايف ان حرام
بعد اربع سنين دراسة فى إرشاد مطلعش مرشد فاشكلى هكمل فى دراسات سياحية بس مش عارف اختاره انجليزى ولا عربى

[احمدك يارب]

طب لو سمحت انت ايه الاسئله الي اتسالتها

[ايمان هارون]

المشاركة الأصلية كتبت بواسطة Ahmed Asko

انا كتبت دراسات سياحية بس الموضوع معقد ناس قالتلى هتخوش دراسات مجالات الشغل بتاعته وحشة
قولت اخش إرشاد بما أنى بحب التاريخ قالولى كلوا بالانجليزى + انا مش عاوز اطلع مرشد وشايف ان حرام
بعد اربع سنين دراسة فى إرشاد مطلعش مرشد فاشكلى هكمل فى دراسات سياحية بس مش عارف اختاره انجليزى ولا عربى

مين الى ضحك عليك وقالك ان دراسات سياحية وحشة دى انتة ممكن تشتغل منها تور ليدر يعنى قائد فريق انتة الى بتاخد السياح وتوديهم الاماكن السياحية ف مصر للمرشدين وكمان ممكن تشتغل ف العلاقات العامة ف المطار او موظف حجز تذاكر ف المطار او مضيف ارضى او جوي او كمان ممكن تبقا منظم برامج يعنى تعمل الرحلات كل دة وانتة قاعد مش بتتحرك يعنى بتبقا قاعد تنظم البرنامج بتاع الرحلة وانتة باشا بص يا ابن الناس ارشاد حلو بس عاوز اللغة تكون تمام اوى اوى وكمان انتة بتشتغل يوم وعشرة لا ف ارشاد انما دراسات ممكن تشتغل ف الدعاية والاعلان وكمان ف التسويق يعنى مش قادرة اوصفلك دة اكتر قسم مليان شغل ف الاقسام التانية وناس لسة متخرجة من القسم دة السنة الى فاتت ونزلو تبع شركة امريكانا شغالين ف الدول العربية مدير مساعد بمبالغ حلوة انا بعرف مستقبل الكلية من مصلحة الكلية انك تخوش ارشاد عشان تاخد فلوس اكتر ومن مصلحتهم انك تخوش فنادق عشان ميبقاش ف ضغط على قسم دراسات سياحية فنادق بيبقا اقل قسم وارشاد بيبقا مليان زية زى سياحة بس ارشاد بتشتغل يوم وعشرة لا واغلبية الوقت بتبقا برا بيتك ربنا معاك بقا انا كدة وضحتلك

[ايمان هارون]

المشاركة الأصلية كتبت بواسطة احمدك يارب

طب لو سمحت انت ايه الاسئله الي اتسالتها

اختارى دراسات سياحية ف الاستمارة عشان تتسالى اسالة خفيفة هيسالك تعرفى نفسك بالانجليزى ويقولك عاوزة تخوشى الكلية دى لية وكمان عاوزة قسم اية دة كله انجليزى مكنن تترجمى الاسالة دى على جوجل وتحفظيها انا عملت كدة السنة الى فاتت لانهم بيركز على النطق بتاعك احيانا وبيتكلمو بسرعة هتتسالى بعد كدة بالعربى بقا عن الاماكن السياحية الى تعرفية ف مصر ممكن تقولى الاهرامات والمتحف المصرى وخلاص ومتقوليش مكان انتى متعرفيش عنوانة عشان حصلت معايا وقالى طب تعرفى دة موجود فين تنحت قولى الاهرامات والمتحف وكمان ممكن يسالك عن عاصمة اى دولة زى السعودية عاصمتها الرياض المانيا عاصمته برلين والعملة يورو لدول اوروبا ودولار لامريكا وكندا واستراليا تقريبا بس كدة

[احمدك يارب]

طيب ياقمر هيا الاسئله معروفه ولاايه اصل انا راحه بكره والواحد قلقان اوي
وياتري بيدققوا اوي يعني في الاجابه
وبتعرفي انتي نجحتي ولا امتي

[احمدك يارب]

اه نسيت معلش اسائلك ياايمان هو انتي في سنه كام وجيبتي كام علشان تدخليها وطبعا كل كلامي علي حلوان ؟؟؟؟؟؟؟
وكمان انا هكتب دراسات سياحيه عربي مجموعها يبقي في حدود من كام لكام يعني

[ايمان هارون]

المشاركة الأصلية كتبت بواسطة احمدك يارب

اه نسيت معلش اسائلك ياايمان هو انتي في سنه كام وجيبتي كام علشان تدخليها وطبعا كل كلامي علي حلوان ؟؟؟؟؟؟؟
وكمان انا هكتب دراسات سياحيه عربي مجموعها يبقي في حدود من كام لكام يعني

انا راحة سنة 2 هى الكلية سهله ومجموع الكلية ف حدود ال80 وانتى طلعه مش بتقل عن كدة بس بم ان السياحة مضروبة ممكن تقل انا مجموعى كان 85 كنت مرحلة اولة السنة الى فاتت عشان كدة اتقبلت فيها وف ناس كتير مراحتش القدرات فكانت الاولوية لينا

المشاركة الأصلية كتبت بواسطة احمدك يارب

طيب ياقمر هيا الاسئله معروفه ولاايه اصل انا راحه بكره والواحد قلقان اوي
وياتري بيدققوا اوي يعني في الاجابه
وبتعرفي انتي نجحتي ولا امتي

متخفيش هى الاسئلة الى قولتلك عليها وبتكررررر ربنا معاكى

[mohamed mo7md]

المشاركة الأصلية كتبت بواسطة ايمان هارون

انتة ف سياحة المنصورة

ياااااااااااااااااة يا ايمااااااااااااااااااان انا محمد محمد انتى نستينى ولا ايه

[ايمان هارون]

المشاركة الأصلية كتبت بواسطة mohamed mo7md

ياااااااااااااااااة يا ايمااااااااااااااااااان انا محمد محمد انتى نستينى ولا ايه

ياااااااااااااة اية يا اخى متقول كدة من اصبح ولة لازم اقعد اسالك دة انتة غلس اوى فكرتك مش انتة عشان مغير العضوية بتاعتك ليك وحشة ياكبيرة والله زمان فكرتيني بالذى مضا السنة الى فاتت هههههههههههه

[mohamed mo7md]

المشاركة الأصلية كتبت بواسطة ايمان هارون

ياااااااااااااة اية يا اخى متقول كدة من اصبح ولة لازم اقعد اسالك دة انتة غلس اوى فكرتك مش انتة عشان مغير العضوية بتاعتك ليك وحشة ياكبيرة والله زمان فكرتيني بالذى مضا السنة الى فاتت هههههههههههه

هههههههههههههه ما انا عمال ااقول من الصبح يا ايماااان وانا غيرت العضويه لانى نسيت الباسورد وانتى كمان لكى ووووووووووووووحشه موووووووووووووووووووت

[ايمان هارون]

المشاركة الأصلية كتبت بواسطة mohamed mo7md

هههههههههههههه ما انا عمال ااقول من الصبح يا ايماااان وانا غيرت العضويه لانى نسيت الباسورد وانتى كمان لكى ووووووووووووووحشه موووووووووووووووووووت

ههههههههههههههههههههههههههه اوك انا اخدت بالى خلاص انك نسيت العضوية هههه انا شوفتك مرة قولت منورة يا ايمان قولت انا معرفهوش اصلا ههههههه وبعدين قولت يلهوى لو محمد وطلعت انتة عفريت يا واد ومبروووووووووووك النجاح عقبال الامتياز تانى ف اخر السنة