ربنا معاكوا يا كيمياء النهارده

[doha94]

ربنا معاكوا يا جماعه وان شاء الله الامتحان يجى سهل وتخرجوا منه مبسوطين
وتاخدوا الاجازه على خير وختامها يبقى مسك

ابقوا قولولنا عملتوا ايه فى الامتحان

[صدى الدمعة]

ربنا معاهم ان شاء الله ويختموها على خير
والله يا ضحى مش قادرة اصدق ان احنا هنخلص بعدبكرة
حاسة ان انا بحلم والله

[bright stars]

يييييييييييييييييييييااااااااااااااااااااااااااااا اااااااااااارب
دعواتكم ياجماعه لانا حاسه اني راحه الحضانه لاول مره

[mohamed oun]

ربنا يسترها معانا ان شاء الله

[A Muslim Girl]

ربنا معاهم إن شاء الله

[EZEL coming]

ربنا معهم ويحلوا كويس

[منه الله(منمن)]

ربنا ييسر لهم الصعب يا رب

[doha94]

يااااااااااااااااااااااااااااااااااااااااااااااااا ااااااااااارب

[منه الله(منمن)]

ضحى خلصتى علم نفس ولا مش فتحتيه زيى؟

[smsmzeros]

يااااااااااااااااااااااااااااااا رب
وفق اخونا فالكيمياء يا رب

[بقايا قلب]

كمياء .... ربنا معاهم

اسهل ماده فى الدنيا كلها الكمياء والله

سنه 2 ثانوى دى فرصه لن تتكرر


ربنا معاهم .. ومعانا

[*تائبة فى رحاب الله*]

ربنا معاهم وكلنا ندعيلهم
اللهم وفقهم وسدد اجاباتهم وابعدهم عن الخطأ والنسيان

[smsmzeros]

زمانهم طلعو دلوقتى ان شاء الله يطمنونا

اليوم السابع الكيمياء تعيد السعادة لطلاب الثانوية العامة بالجيزة


الكيمياء تعيد السعادة لطلاب الثانوية العامة بالجيزة

الأحد، 1 يوليو 2012 - 12:05
سادت حالة من السعادة والفرحة على وجوه طلاب المرحلة الأولى من الثانوية العامة بمحافظة الجيزة، عقب انتهائهم من أداء امتحان مادة الكيمياء، وذلك بعدما جاء الامتحان سهلاً، ووفقاً للتوقعات النهائية ومن المناهج المقررة دراسياً.

وفى مدرسة الجيزة الإعدادية النموذجية بنين، خرج طلاب المرحلة الأولى قبل نهاية الوقت المقرر، فمنهم من خرج قبل انتهائه بساعة، ومنهم من خرج قبل الانتهاء بنصف ساعة عقب انتهائهم من الإجابة عن الأسئلة مباشرة، مبررين ذلك بسهولة الامتحان الذى تمكن أغلبهم من إنهائه قبل انتهاء الوقت.

وتضمن امتحان الكيمياء 6 أسئلة أساسية يسمح للطلاب باختيار 5 من بينها، وأثنى الطلاب على واضعى الامتحان الذى جاء مناسباً وسهلاً لهم.

وانعكست حالة الفرحة والسعادة التى سيطرت على أولياء أمورهم المتواجدين خارج اللجان فى انتظار أبنائهم، فى حين اشتكى عدد قليل من الطلاب من طول الأسئلة والمعادلات، إلا أنهم أكدوا أن فى مجمله سهل مقارنة بامتحانات المرحلة الثانية.

من جانب آخر، أكدت نعيمة عبد الجليل، مدير مديرية التربية والتعليم بالجيزة، أن التقارير المبدئية لغرفة عمليات امتحانات الثانوية أكدت سهولة امتحان مادة الكيمياء وخلوه من أى تعقيدات، كما أن المديرية لم تتلق أية شكاوى حتى كتابة هذه السطور.

[doha94]

المشاركة الأصلية كتبت بواسطة البشمهندسة منمن

ضحى خلصتى علم نفس ولا مش فتحتيه زيى؟

انا زهقت اصلا واستهبلت بادئه فيه متأخر
انا خلصت اخر تلاته علم نفس بس وقعت الاتجاهات وايزنك لسه هذاكرهم دلوقتى
وخلصت اخر تلاته علم اجتماع بفنش فى الاخير يعنى

ناقصلى الباب الاول والتانى علم نفس سهلين كنت مذكراهم قبل كده
وناقصلى الاول علم اجتماااااااع واكون خلصت

[ahmed khalid yehya]

الحمد لله انا جيت من الامتحان الامتحان سهل باستثناء مساله في السؤال الرابع اول مرة نشوفها و مسأله في السادس انما المتحان الحمد لله كويس و في مستوي الطالب المتوسط زي ما بيقولوا) المهم انا خلصت الحمد لله