حصريا الاجابات النموذجيه لأمتحان الجيولوجيا و علوم البيئة - الاستاذ الكبير/ حسن متولي

[مستر/ مينا ماهر]

حصريا الاجابات النموذجيه لأمتحان الجيولوجيا و علوم البيئه - للثانويه العامه

2012

للتحميل


الملف في المرفقات


اعداد

الاستاذ الكبير

مستر/ حسن متولي


مع ارق تمنياتنا للجميع بالنجاح و التفوق


مع تحيات

منتدي بوابه الثانويه العامه

[eljocker]

لو سمحت يا مستر انا كتبت فى الفالق انه دسر هو مش صخوره مايله برضه افقى يعنى ؟؟تانى حاجه اخر سؤال انا كتبت المخلفات الصناعيه وشرحتها وبس هو ممكن انقص كده؟؟؟؟؟؟؟؟؟

[mzm2010]

شكراااااااااااااااااااااا

[أمورة بس مش مغرورة]

[doha94]

يا غبائى طب وربنا كنت حاسه انه معكوس
وكتبت اجابتين ورجعت شطبت على الفالق المعكوس
طيب يا مستر انا كتبت كل الاسئله بس السؤال التالت غلطانه فيه كتير يا ترى هيعلملى الباقى ويدينى درجاته
ولا هياخد اول خمس اسئله بس اللى التالت منهم !!!!
تانى حاجه انا كتبت فى القشره المحيطيه اجابه مختصره مش زى دى كتبت بسبب حدوث حركه الالواح التكتونيه حيث تنشأ قشره جديده فتندس مكان القشره القديمه وهكذاااا !!
هينقصنى
والسؤال بتاع الماس كتبت ماس/ اوبال انا عارفه انها ماس بس الجمهوريه كانت كتباها اؤبال حتى انا استغربت اوووى
فاحترت فى اللجنه كتبت الاتنين هلى هيشطبلى على الاتنين !!!!!!!!


طيب فى تجدد الموارد ليه مش مثلث الثروه ؟؟؟ ما هى هى سماد جيد ومساحات صالحه للزراعه والمكافحه بالمبيدات والبحث والارشاد للانسان ما هى هى يعنى ؟؟

وشكرا ليك يا مستر على الاجابه ريحتنا والله

[medo star 2]

انا كتبت فالق دسر
ع اساس ان صخوره بتتحرك افقيا

[مستر حسن متولى]

بشرى سارة

إلى أبنائى وبناتى ممن يتساءلون عن جزئية الرسومات فى س1 (جـ) الإجابة الصحيحة الواردة فى نموذج الوزارة الرسمى هى الفالق المعكوس ولأن هذا الرسم ردىء ومحذوف من المنهج كما قلت فسوف تحتسب الإجابة صحيحة إذا كتب فالق معكوس أو فالق دسر وعليها نصف درجة .

Mr.Hassan Metwally

[مستر حسن متولى]

مطلوب نقطتين

بالنسبة للجزئية الأخيرة فى الإمتحان وهى الملوثات التى تقلل الأكسجين الذائب فى الماء مطلوب نقطتين كل نقطة عليها نصف درجة .

Mr.Hassan Metwally

[مستر حسن متولى]

أحبائى طلبة وطالبات الثانوية العامة

يمكنكم الإطلاع على نموذج الإجابة الرسمى للوزارة وعليه تقدير الدرجات فى الجيولوجيا والعلوم البيئية 2012 على هذا الرابط

http://www.thanwya.com/vb/showthread...30#post4605330

Mr.Hassan Metwally

[eljocker]

طب يا مستر لو سمحت ارجوك ترد انا عملت ف السؤال بتاع رواسب الرمل كتبت حجمها ما بين (2:64) وهى طلعت 62 ممكن انقص مع العلم انى كررتها ف رواسب الطيب بانها فى الغرين (64:4) يعنى ككررت الرقم 64 غلط مرتين والمفروض 62؟؟؟؟؟؟؟؟؟؟؟ وحاجه تانيه اخر سؤال ف الامتحان انا كتبت المخلفات الصناعيه وشرحتها بس؟؟

[eljocker]

يا مستر انا فى اخر سؤال كتبت بالظبط كده المخلفات الصناعيه ف سطر وتحته شرحتها حييث ينتج عن التلوث الحرارى للماء رفع درجه حراره الماء فيقل الاكسجين وتقل او تموت الهائمات النتباتيه وتختل السلاسل الغذائيه يعنى ف الشرح كتبت نقص الهائمات النباتيه اللى ف النموذج هتحاسب عليها ويدينى الدرجه كامله ولا لا ؟؟؟

[eljocker]

والله يا مستر حراام انا كتبت كتيييييييييير وزودت حاجات كتييييييير اوووى وهو مش كتبها ولا مدى عليها درجات وجاى فى دى وكمان كاتبها من غير شرح طب مقالش ليه اذكر عدد 2 او 3 ؟؟؟؟؟

[eljocker]

يا مستر اجابه سؤال الرعى المنظم ف الاشجار مش زياده اعدادها واحجامها ايه اللى هو مهببه ده ده كاتب الرعى المنظم العادى اللى هو غير جائر ؟؟؟؟؟؟؟؟؟ حسبى الله ونعم الوكيل

[عاشقـــ الانمى ـــة]

المشاركة الأصلية كتبت بواسطة مستر حسن متولى

بشرى سارة

إلى أبنائى وبناتى ممن يتساءلون عن جزئية الرسومات فى س1 (جـ) الإجابة الصحيحة الواردة فى نموذج الوزارة الرسمى هى الفالق المعكوس ولأن هذا الرسم ردىء ومحذوف من المنهج كما قلت فسوف تحتسب الإجابة صحيحة إذا كتب فالق معكوس أو فالق دسر وعليها نصف درجة .

mr.hassan metwally

مستر الكلام دا بجد فى كل القطاعات ولا الواحد هيلاقى نفسه ناقص عليها

[عاشقـــ الانمى ـــة]

المشاركة الأصلية كتبت بواسطة eljocker

يا مستر اجابه سؤال الرعى المنظم ف الاشجار مش زياده اعدادها واحجامها ايه اللى هو مهببه ده ده كاتب الرعى المنظم العادى اللى هو غير جائر ؟؟؟؟؟؟؟؟؟ حسبى الله ونعم الوكيل

انا سالت المستر بتاعى وقالى هو جايب الاشجار والشجيرات عشان يلخبطكوا هو عايز الرعى المنظم