ايه الفرق بين صيدلة (كلينكال وعادي )؟

[Major Dancer]

السلآمـ عليكمـ ..
أنــآ طالب لسه فـ 3 ثانوي .. إن شاء الله أخش صيدلة
بس كنت عاوز أعرفـ ايه الفرقـ بين كلية صيدلة كلينكال وصيدلة عادي
ويا ريت كمانـ ايه أحسن من حيث المستقبل والمستوى والوظايف والمرتب وكدهـ ..
..
و تنصحوا أخش جامعة ايه .. أنــآ من المنصورة بس سمعت إن كلينكال عندنا مش كويسة ..
فـ لو حد يعرف يا ريت يقول لي ع طوووول

جزاكمـ الله خيــــــــرًا

[Ph Fouda]

من ناحيه كلينكال عندنا مش كويسه هى مش كويسه فعلا
ربنا يوفقك بس السنه دى و ان شاء الله تدخل صيدله
انا احمد فوده المنسق العام لدفعه اعدادى صيدله و مؤسس يونيون تيم و عضو اتحاد طلبه اعدادى صيدله


الحقيقه ....الموضوع ده شغل كتير من الطلاب قبل دخول الكليه

هل نقدم صيدله عادي.....ولا صيدله كلينيكال

باختصار شديد......

الصيدلي الاكلينيكي هو مزيج من صيدلي عادي و طبيب

بمعني:
ان الطبيب يشخص المرض و الصيدلي الكلينيكال يوصف الدواء...

الحقيقه:
النظام اقرب الي التطبيق في اوربا وامريكا و دول شرق اسيا عنه في مصر وافريقيا بشكل عام يعنى لو هتسافر دول اجنبيه تفكر فى كلينكال
اما الخليج او مصر مش بتفرق


و عندنا فى المنصوره تقريبا مفيش فرق بين الصيدلى العادى و الاكلينكى غير المواد مش اكتر
مش حاسين ب اى مميزات او فرق

[اميرة الرسم]

برضه مش قادرة افهم الفرق بين الصيدلي العادي و الصيدلي الكلينيكال

[Major Dancer]

المشاركة الأصلية كتبت بواسطة ahmed hamaki

من ناحيه كلينكال عندنا مش كويسه هى مش كويسه فعلا
ربنا يوفقك بس السنه دى و ان شاء الله تدخل صيدله
انا احمد فوده المنسق العام لدفعه اعدادى صيدله و مؤسس يونيون تيم و عضو اتحاد طلبه اعدادى صيدله
الحقيقه ....الموضوع ده شغل كتير من الطلاب قبل دخول الكليه
هل نقدم صيدله عادي.....ولا صيدله كلينيكال
باختصار شديد......
الصيدلي الاكلينيكي هو مزيج من صيدلي عادي و طبيب
بمعني:
ان الطبيب يشخص المرض و الصيدلي الكلينيكال يوصف الدواء...
الحقيقه:
النظام اقرب الي التطبيق في اوربا وامريكا و دول شرق اسيا عنه في مصر وافريقيا بشكل عام يعنى لو هتسافر دول اجنبيه تفكر فى كلينكال
اما الخليج او مصر مش بتفرق
و عندنا فى المنصوره تقريبا مفيش فرق بين الصيدلى العادى و الاكلينكى غير المواد مش اكتر
مش حاسين ب اى مميزات او فرق

جزاكـ الله خيرا يا دكتور أحمد ..
بجد أفدتني كتيـــــــــــــــــــــــــــــر أوي
بس أفهمـ من كلآمكـ إني لو عاوز أدخل كلينيكال .. مفكرش فـ جامعة المنصورة .. مش كدهـ ..؟

[homs tareek]

أنا احمد طارق سنة أولي صيدلة طنطا كلينيكال

اول حاجة احب اولهالك يااااااارب ربنا يكرمك وتخش الكلية اللي إنت حااببها وتكون صيدلة
اول حاجة احب اقولهالك إني كنت محتار زيك بالظبط بين إني اخش صيدلة عادي او كلينيكال ويمكن حتي تشوف بوستاتي من السنة اللي فاتت علي نفس الموقع ده وتشوف الأسئلة بتاعتي تقريبا نفس الحيرة
والحمد لله ربنا كرمني ودخلت صيدلة وكلينيكال
أول ما دخلت لقيت الصراحة العدد اكبر من اللي كان متقااالي يعني الدفع الكلينيكال هما اولي وتانية وتالتة بس ((يعني لسه ماحدش إتخرج عندنا من كلينيكال)) في الدفع اللي اكبر مننا العدد فيها
تانية العدد فيها حوالي 44 واحد عشان طبعا سنة فرااااغ وتالتة العدد فيها تقريبا 68
إحناااااابقي العدد وصل 100 معني كده إن فيه إقبال كبيييييييير واكيد السنة اللي جاية هتبقي أولي عددها أكبر
طبعا المصاريف عندنا بالنسبة لطنطا 10 آلاف في السنة ممكن تدفع 5 في ترم وخمسة في ترم تاني (((تقسط يعني )) شاملة طبعا مصااااريف الكتب والأدوات
طبعا الدكاترة معاملتهم لينا الصراحة جاااااامدة يعني اما مثلا الدكتور بيمشي بنقعد نلعب في المدرج ولا أي حد بيقول اي حاااااجة يعني إنت داااافع معاملة الصراحة
وكمان بتوع صيدلة عادي مش طااااايقينك ههههههههه
طيب نيجي للمواد :::

بالنسبة للمواد نفس العدد طبعا ولكن المواد نفسها بتتختلف بعضها يختلف في المسميات وبعضها يختلف خاااااااااااالص ولكن اللي إنت هتدرسه في أولي صيدلة عادي هيدرسوووه مثلا في ثالتة او غيره بس طبعا إنت بتدرس تقريبا كل مواد صيدلة لحد سنة تالتة وفي رابعة وخااااامسة بتدرس مواد طب

لاقدر الله لو شيلت مااااااادة مثلا في الترم الول لازم تشوف المادة دي هل بتفتح مادة تانية ولا لأ ((بمعني إنك مش ممكن تاخد المادة اللي مترتبة علي المادة اللي سقط فيها إلا لما تنجح فيها )) طيب لقيتها بتفتح طيب إنت قدام مشكلة كبييييييييرة هتلخبط الدنيا ممكن تاخدها في الصيف ((احدي مزايا كلينيكال بس بفلوس طبعا ههههههه)) سمر كورس تدفع في الساعة 500 جنيه ولازم يكون في عدد معين ساااقط مايقلش عن العشرة لو زاد ماشي
عشاااااان طبعا هما بينزلوا دكاترة من الأول تاني وبيشرحوا من جديد وبيفتحوا معامل في الأجااااازة وحاااااجاااااات كده ممكن تكون المادة مثلا 3 ساعات او 2

طبعا في طنطا المشكلة بتاعتها إن المعامل زبااااااااااااااالة ونفس المعااااااامل اللي بياخد فيها العادي عشان كده إحنا حااااااااسيين إنهم إدونا خااااااااااااااااابور

وطبعا الفرق برضو بين الكلينيكال والعادي من حيث المواد درجااااااتها يعني مثلا مادة الأورجانك تلاقيها في صيدلة العادي الترم الول تلاقيها من 300 درجة إنما عندنا من 100 ونفس المادة دي الجزء التاني بتاعها في الترم التاني تلاقيها عندهم من 500 وعندنا برضو ب 100 مش عارف بقي مين الأحسن الدرجات الكتييير ولا القليلة بس ايام سودا ببنعيشها وخلاص هههههههههه

بس طبعا بقي بيتكتبلك في الشهادة إنك خريج صيدلة طنطا كلينيكال نظام الساعات المعتمدة
وبيقولوا طبعا إن مفيش فرص كويسة للإكلينيكيين في مصر وكده بس بتلاقي كويس في اوروبا وآسيا والخليج بقي
وطبعا بره الصيدلي الإكلينيكي مطلوب اكتر من العادي ((أكرر بالنسبة للخارج ))

...........................
اتمني اكون وضعتك علي الطريق السليم وياااارب يوفقك

[Ph Fouda]

طبعا في طنطا المشكلة بتاعتها إن المعامل زبااااااااااااااالة ونفس المعااااااامل اللي بياخد فيها العادي عشان كده إحنا حااااااااسيين إنهم إدونا خااااااااااااااااابور

الاقتباس ده من كومنت homs
ده نفس اللى فى المنصوره
مفيش فرق بين العادى و الكلينكال
مش هتحس بالفرق الا بره الوطن العربى خالص

[omnia mostafa]

لو سمحتم عايزة اعرف هى بتفرق ف التنسيق ولا ايه وانهى بيكون اعلى؟؟؟؟؟؟؟

[homs tareek]

لا لا خالص التنسيق هو بالظبط بتاع كلية الصيدلة العادية خاالص إنتي بتخشي الكلية الأول وبعد كده تفكري بقي عايزة كلينيكال ولا عادي بس

[babagamil]

بس كلينيكال مش بلوشي لازم تدفعي 14 الف جنيه في السنة اضربي بقي 14 في خمس سنين

[طالبة الجنة 2012]

انا سمعت انها فى حلوان ببلاش

[Ph Fouda]

وانا بردو اعرف انها فى حلاون مجانا o_o

[الأستاذ / المتبولى الشناوى]

مصاريف صيدله اكلينكال فى المنصوره كام اللى يعرف يرد بسرعه من فضلكم ياشباب

[ابرار الجنة]

انا سالت عن صيدلة كلينيكال المنصورة و لقيت انها ب 5 الاف جنيه كل تيرم
بس لو سمحتوا يا جماعة اللي مش عاجبه اكلينيكال المنصورة يقولنا يعنى ايه مفيش فرق بينها وبين صيدلة عادي؟؟؟؟؟؟؟؟؟؟؟؟؟؟؟؟

[alfars215]

انا سمعت انها ف القاهرة بتبقى احسن صحيح المصاريف اعلى بس التعليم احسن والتدريب كمان افضل ده غير انهم بيطلعوا تقريبا من 20 ل 30 واحد كل سنة ل بريطانيا يتدربوا هناك

بس انا لى سؤال هو ينفع ف الكلينكال برده اخد سنة ف طنطا واحول تانى سنة للقاهرة ..؟

[dr/nor pt]

يا جماعة مين الى قال الكلام دة بصوا انا لا انصح اى حد ياخدها بريطانيا اية بس الى يروحوا يدربوا هناك دة الى قالك كدة يا مش فاهم يا بيستعبط بصوا ادخل وشوف مش هتستفاد باى حاجة بعد متخلص خد دبلومة فيها افضل وهتشوف بنفسك اللهم مابلغت الهم فاشهد بلتوفيق