ما تيجى نساعد بعض-ابناء الشرقية-

[mr_maro]

ياجماعة كلنا تقريبا قرينا الاوراق المطلوبة
ممكن نساعد بعض ونعرف هنخلص ونجيب الاوراق ديه منين؟؟ وازاى؟؟
يعنى اولا
الدوسية والدبابيس من شارع المكتبات
طيب الدمغة بتتجاب منين؟؟
كل الاستمارات المطلوبة بنشتريها ولا بتتطبع ولا تمامها ايه
ثانيا كعب العمل بيتجاب منين وبكام؟؟
ثالثا اقرار الزمة المالية ؟؟
مكتوب شوية طلبات ومكتوب اذا لم يسبق تقديمها .......هل اللى قدم هيتاكد منين ان مازال الاوراق موجودة فى المنطقة؟؟
مباشرة عمل اول مرة ديه بتتعمل زاى من اول معهد اشتغلنا فيه؟؟ ولا المعهد الحالى
مكتوب كمان مباشرة عمل برقم السجل الجديد ..طيب هاعرف منين السجل الجديد وهم مش سامحين نشوف الاسماء
حد يساعدنا بقي ويشرحلنا الطلبات

[mr_maro]

فى انتظار الشراقوة

[ابو امل2]

الدمغة .....البريد
اقرار الذمة المالية.....البريد
الاستمارات...... المكتبة
كعب العمل....مكتب العمل(المؤهل الدراسى+شهادة التجنيد+صورة الرقم القومى+الرقم التأمينى)

[هشام أبو محمد]

بسم الله الرحمن الرحيم أولا ً أنا جبت كعب العمل اليوم من مكتب العمل التابع لمركزك ويتم استخراج الرقم التأميني الأول علشان محتاجين منه صورة ويكون مطبوع ثانياً عاوزين شهادة المؤهل وكذلك شهادة الجيش وصورة البطاقة دة كله صور والأصول للأطلاع أما إقرار الذمة المالية فيتم الحصول عليه من البوستة وثمنه أربعون قرش ويوضع عليه 30 قرش دمغة

[mr_maro]

فين بقيت الشرقاوة
وشكرا للرد ياجماعة

[جوجو***]

احنا لما جينا نتثبت في منطقة المنصورة واحد زميلنا راح المنطقة اشتري لنا كلنا
الملف جاهز وفيه كل المطلوب من البوفيه وخلاص ريحو نفسكو وشوفو حد بيبيع الملف كامل في المنطقة
ربنا يوفقكم

[m.medhat ramadan]

بالنسبة للي باشر العمل فى 1/2/2007 ده يعتبر مسابقة 2006 أم 2007 يلريت اللي يعرف يخبرنااا علشان نشوف موعد تسليم الملف

[جوجو***]

المشاركة الأصلية كتبت بواسطة m.medhat ramadan

بالنسبة للي باشر العمل فى 1/2/2007 ده يعتبر مسابقة 2006 أم 2007 يلريت اللي يعرف يخبرنااا علشان نشوف موعد تسليم الملف

يعتبر مسابقة 2006
بالتوفيق لحضراتكم جميعا