مش هنطاطى مش هنام ..... إحنا هنا فى إعتصام

[Mr.Zing0]

السلام عليكم و رحمة الله و بركاته
اليومين اللى فاتوا حصل عندنا موضوع (متكرر) بس حبينا نوقفه
إحنا و لله الحمد فى مدرسة ثانوى سمعتها زى الــــــــ و بالتالى تقريباً كل المدرسين اللى فيها منتدبين بالعافية و محدش عاوز ينقل لها و فيها عجز شدييييد, و المدرسة فترتين : صباحى = تانيه و تالته , و مسائى = أولى

المهم طالب من الصف الثانى دخل الفناء و أراد لعب الكره بالقوة فى بداية الفترة المسائية. المدرسين حاولوا يخرجوه بلا جدوى هو و زملاؤه. و دخل أتهجم على مدير المدرسة فى مكتبه و ضربه بطفاية الحريق

إحنا ( معظم المدرسين) أضربنا عن العمل حتى فصل الطالب, و مدير عام الإدارة التعليمية قال أكتبوا تقارير و أنا هفصلوا 3 أيام

طبعاً 3 أيام و لا ليهم لازمه. و بالفعل الطالب دخل المدرسة اليوم ( مع دخول الطلاب صباحاً رغم أنه مفصول) و أراد التعدى على المدرس اللى كتب له قرار الفصل, و خبط رأسه فى لوح زجاج علشان يعوّر نفسه و يتهم المدرسين بالزور. بس الحمد لله الزجاج إتكسر و راسه زى الفل , راح خابطها تانى فى الحيط و عمل مجنون.....

المهم سمعت أن فيه قانون 515 لسنة 98 بشأن فصل الطالب نهائياً لسوء السلوك - يا ريت لو عند حد يرفعهولنا
و ننتظر منكم النصائح

[Mr.Zing0]

يبدو إن بالفعل مفيش أى قانون يحمى المعلم, يعنى سابوا كلابها على ديابها بلا أى عقوبه تأديبية أو قانونيه. و فى الآخر يبقى شعار التربية و التعليم.....
لأن المعلم يستحق أفضل مكانه ( أجتماعية و لا تكريمية و لا علمية و لا ..... أفضل مكانه فى البهدله و قلة الكرامه)
عالعموم أشكر الزملاء الأفاضل و المشرفين فى هذا القسم المميز عن باقى أقسام المنتدى بالتجاهل و عدم الإكتراث للطلبات.
إحنا نعمل زى مبيعملوا: نلم من كل مدرس 5 جنية و نديهم للطالب علشان ييجى على نفسه و يرضى يعتذر للمدير أمام الطابور.
لنا الله