سجلت ف المنتدى هنا عشان عندى طلب معين ممكن تساعدونى

[goodday165]

الطلب هو باختصار انى اتخرجت من كلية التربية قسم لغة عربية وحاسة انى متعلمتش حاجة الصراحة كل اللى استفدته شهادة تفيد انى مدرسة لغة عربية


نفسى اخد كورس لغة عربية بجد ( نحو وصرف وبلاغه ) نفسى احس ان الشهادة دى بتعتى فعلا
وطلب العلم مش حرام ولا حاجة تخجل

فهل ممكن الاقى هنا حد يساعدنى

ولكم جزيل الشكر

مع العلم انا من اسكندرية

[عماد الدين2]

صدقينى كلنا كنا كدة فى اول الطريق وكنا لانعرف حتى تقسيم السبورة
لكن مع مرور الوقت والاحتكاك بالطلاب والمنهج تتكون الخبرة
معنا احد المدرسين كان ما يعرفش الاسم من الفعل ...........والله دلوقتى بيعطى دروس خاصة للثانوية العامة

[MAHMOUDSLAMA1]

انا نفس المشكلة و عندما طلعت من الجيش لا أعرف شيئا عن اللغة العربية و بفضل الله ثم مساعدة صديق لى عزيز على اصبحت مفبولا من وجهة نظرى اقرأ كتب النحو و الصرف و البلاغة و لخص و ربك يعينك كما اعاننى بأصدقاء يأخذون بيدك

[salah saad salah]

المشكلة يا أساتذة ان الدراسة فى الكليات ليس لها علاقة نهائيا بالواقع التدريسى فعلى كل معلم تثقيف وتنمية نفسه ليس من خلال الكورسات ولكن من خلال الاطلاع على الكتب والممارسات التطبيقية

[ام علاء]

\بصى التدريس مهنة احترااااااااااااااااف
انا معاكى انك لازم تقتنعى انك فاهمةالمقصد ده ممكن تحققيه
وانتى بتزاولى التدريس لان تنويعك للمناهج ده شىء مفيد
ازاى ترسمى شخصيتك ادام الطلبة بتوعك ده مهم جداااااااااا
ازاى تقدرى توصلى المعلومة فى حد ذاته احتراااااف
على العموم الموضوع كبير وكلنا حسينا احساسك ده قبل ما ندحل الحياة العملية
ربنا معااااااااااااكى وان شاء الله موفقة----------------------------تحياتى

[الأستاذ أحمد راشد]

اشكر كل ال ردوا على حضرتك

واقدم لكى كتاب انا اعتقد انه من اهم الكتب فى الاعراب

ولكن ان لم تمتلكى الاساسيات

فلا داعى له

لانه موجز برغم كونه فى نفس الوقت موسوعة

فابن هشام فى رأى كان اعلم من سيبوية بالعربية

برغم كونى بصرى المذهب

أسرار النحو

[ثانويات]

الانسة صاحبة المشكلة انا مدرس من الاسكندرية اسمى شعبان محمد حسن اعمل بمدرسة الفريق عبد المنعم واصل التجريبية لغات مدرس أول للمادة والايميل الخاص بى هو hasan_hasan3005*********** وتليفونى 01529676993 وانا ممكن اوفر المساعدة بصورة مباشرة ونعرفك ازاى تحضرى وازاى تتعاملى وممكن تقرئى ايه وانا سعيد بالمنتدى لانه بيقرب ابناء مهنة التدريس من بعض

[الشوكي55]

والله كلنا هذا الشخص الحال من بعضه ولكن بالممارسه الحال تغير للأحسن والحمد لله

[أحمد عبقر]

أعتقد أن الذى درستيه بالكلية يؤهلك للتدريس