عايزين نعرف جنسية الفار ده ايه

[الافعا]

هذا الفأر ليس مصرياً ---شر البلية ما يضحك مع أن الوقت لا مجال فيه للضحك ولكن أنهم مشغولون في تحديد هوية الفار
أقرأ تعليقات المصريين في الأسفل..
ومحتوي الخبر الطريف يقول:
القاهرة - هذا الفأر ليس مصرياً .. بهذه العبارة التي تحمل نفيا قاطعا، رفض اللواء عبدالفتاح بدران نائب رئيس شركة ميناء القاهرة الجوي، اتهامات شركة الخطوط الجوية السعودية بأن ميناء القاهرة الجوي هو الجهة المسؤولة عن الفأر الذي تم اكتشافه علي إحدي طائراتها الجامبو خلال رحلتها يوم الجمعة الماضي من القاهرة إلي جدة، والتي حملت رقم 302، موضحا أنه لا يمكن بأي حال من الأحوال أن يكون هذا الفأر مصرياً.
وقال بدران من الصعب، بل ومن المستحيل أن يستطيع أي فأر الصعود أو التسلل لأي طائرة موجودة علي كوبري التحميل بالمطار ) وهي المنطقة التي كانت تقف فيها الطائرة السعودية (، لأنها منطقة حركة الركاب، لذا فإن مطار القاهرة غير مسؤول عن هذا الفأر وعن الخسائر التي سببها للخطوط السعودية (حسبما ذكرت جريده المصري اليوم).
ومن جانبه، أكد الدكتور سامي البساطي، رئيس الجمعية المصرية لعلم الحيوان، أنه لتحديد الجهة المسؤولة عن الخسائر لابد من تحديد جنسية الفأر، وهذا يتم من خلال معرفة السلالة التي ينتمي إليها.
وقال البساطي: من المحتمل أن يكون الفأر سعوديا أو من أي دولة أخري، وقد يكون موجوداً علي الطائرة منذ 15 يوما دون أن يكتشفه أحد، ولمعرفة ذلك يمكن فحص الفأر من خلال المواصفات البيئية التي اكتسبها من البيئة التي يعيش فيها.
وكان فأر قد أثار الذعر علي رحلة الخطوط الجوية السعودية رقم 302قبل إقلاعها بربع ساعة، عندما صرخت راكبة بعد أن اكتشفت أن فأرا يسير علي جسد ابنها الذي يجلس بجوارها، الأمر الذي تسبب في وقف تشغيل الطائرة لأكثر من 24 ساعة، وإلغاء رحلتها وعودتها من علي ممر الإقلاع وعلي متنها 368 راكباً، وحدوث خسائر للشركة- التي اتهمت سلطات مطار القاهرة بالإهمال والتسبب في هذه الخسائر- بلغت نحو 3 ملايين جنيه لقيام الشركة باستدعاء طائرة أخري .

لكن الاظرف كانت تعليقات المصريين علي الخبر ومنها :
(1) حتى الفيران عايزة تهاجر وتسيب البلد

(2) الفار مصرى ابن مصرى ،بس زى حالة كتير من المصرين زهقوا من وضع البلد فكر يسافر يلقط رزقه فى السعودية، الله يعينه عنده اسرة وعياااااااااااال مش لاقى يأكلهم

(3) يا جماعه انا الى عرفتوا عن الفار ده انه ابوه مصري وامه سعودية

(4) اكيد مش مصري لان الفار المصرى اخره يوم ما يكون فار صايع قوى كبيره يطلع ماسوره مجارى ده لو قلبه ميت.

(5) اهم حاجة اوراق الفار سليمة ولا لا ؟

(6) مش يمكن الفار دة كان بيفكر يسافر على ايطاليا بس خاف يموت والمفتى يقول عليه مش شهيد فقال اركب طيارة احسن واسافر على بلد عربى وربنا يفتحها فى وشى واسيب البلد دى ويمكن ارجع بعد 50 سنة والاقى السيد الرئيس زى ما هوة اسلم علية وارجع على هناك تانى .

(7) يا بخت الفار دة والله العظيم انا بحسده انه فكر يسافر السعودية بس كان من الافضل بالنسبه للعملة انه يسافر الكويت او الامارات
و كمان عشان ما يقعش في ايد كفيل فار سعودي معندوش ضمير يسلط عليه قطط المملكة.

(8) حتى الفئران عايزة تهاجر جتنا نيلة فى حظنا الهباب والنبى لو تعرف يا سيد فار تجبلى عقد عمل ابعت لى.

(9) صعب نحدد جنسيته و انا رأيي يسيبوه لغاية ماتش مصر مع السعوديه.. ويقولوله يومها ان مصر كسبت ونشوف رد فعله.. لو فرح يبقي مصري.. ولو اتضايق يبقي برضه مصري بس نفسه المدرب حسن شحاته يمشي...

(10) تعليق من السعويه: انا اقول يا جماعه نحط له صحن كبسة و صحن فول ووين ما ياكل نعرف انه مصري والا سعودي

ههههههههههههههههههههههه امجاد يا عرب امجاد

و الله ضحكتوني - اضحككم الله دنيا و اخرة و ابكي قلوب اعدائكم و ادماها دنيا و اخرة ان شاء الله.

[MohammeD el_SadaT]

عالم فاضيه
هقول إيه
لا تعليق

[postan algana]

هههههههههههههه
ياريت حضرتك تحاول تقرا موضيع القسم ده
عشان تعرف مكانه هنا ولا لا

او ينفع
اقصد من حضرتك رتب مفكرة مواضيعك بانك تطلعلنا الهدف من الموضوع
ايه الاستفاده

ويستحسن ان الموضوع يكون بخط ايدك
يعني من مفكرة عقلك

[مسيو محمد عياد]

very nice topic

حتى الفيران عايزة تهاجر وتسيب البلد

thx

[شهدالجنة]

ههههههههههههه

ناس فايقة ورايقة والله

[الرهينه]

والله ده فى حد ذاته شئ جميل جدا

هما يحطوا المشكله دى جمب مشكلة الشرق الاوسط ويفكروا للاتنين مع بعض:D

[لسه بهون عليكى]

بس انا عارف

ياريت تقولهم علشان ميتعبوش نفسهم
فار اصفر وصغير بحجم عقله الصباع من صحراء السعودية
ابيض مغربى
واذا كان لونه بقه بحلقى ده يبقى صينى علشان انت عارف
جوده الصين مش قوى
فار ايه ياعم انت
دول بشر يفكروا يلاقوا ناس من اللى بتموت كل يوم دول ويدوروا على هويتهم
مليون واحد بيموتوا كل يوم

[بورسعيدى]

(10) تعليق من السعويه: انا اقول يا جماعه نحط له صحن كبسة و صحن فول ووين ما ياكل نعرف انه مصري والا سعودي


والله انا شايف ان ده افضل حل لمعرفة جنسية هذا الفار

[محترف الأدسنس]

زي ما بيقولوا :
شر البلية ما يضحك.
مشكككككككككككككككككككوررررررررررررررررر

[أ/ عثمان ربيع]

المشاركة الأصلية كتبت بواسطة الرهينه

والله ده فى حد ذاته شئ جميل جدا

هما يحطوا المشكله دى جمب مشكلة الشرق الاوسط ويفكروا للاتنين مع بعض:D

تصدق بالله ...... ساعتها هيقدروا يحلوا مشكلة الشرق الاوسط ..... لان جالهم المشكلة اللي اصعب منها

جزاكم الله خيرا

[أ/ عثمان ربيع]

المشاركة الأصلية كتبت بواسطة بورسعيدى

(10) تعليق من السعويه: انا اقول يا جماعه نحط له صحن كبسة و صحن فول ووين ما ياكل نعرف انه مصري والا سعودي


والله انا شايف ان ده افضل حل لمعرفة جنسية هذا الفار

وافرض لومرضاش ياكل

يبقا مؤكد دة فار من الصومال متعود علي الجوع

هههههههههه

[goda2]

هههههههههههههههههههه والله انتم فاضين

[ahmed_asran2020]

هههههههههههههههههههههههههههه
نكتة زالت هم الامتحانات شوية
يارب يوفقنا كلنا

[الطيب الحنون]

المشاركة الأصلية كتبت بواسطة MohammeD el_SadaT

عالم فاضيه
هقول إيه
لا تعليق

عند حضرتك حق عالم فاضى

[الطيب الحنون]

المشاركة الأصلية كتبت بواسطة ahmed_asran2020

هههههههههههههههههههههههههههه
نكتة زالت هم الامتحانات شوية
يارب يوفقنا كلنا

ربنا يوفقك ويوفق كل الى فى الثانوية