عايزه اعررف كل حاجه عن علووم عين شمس

[لبني منسي]

الحمد لله انا لسه نتيجه التنسيق ظهرت ليا وجالي بفضل الله علووم عين شمس فعايزه اعرف وافهم كل حاجه عن الكليه و قرات ان في تنسيق داخل الكليه ؟؟ وياريت بالتفصيل الممل

[عاشق الفيزيـاء]

المشاركة الأصلية كتبت بواسطة لبني منسي

الحمد لله انا لسه نتيجه التنسيق ظهرت ليا وجالي بفضل الله علووم عين شمس فعايزه اعرف وافهم كل حاجه عن الكليه و قرات ان في تنسيق داخل الكليه ؟؟ وياريت بالتفصيل الممل

هوا التنسيق لسة ظاهر دلوقتي ولا ايه، ولا دي شهادة معادلة ولا ايه بالظبط؟

[match]

كلية علوم جميييييله

[لبني منسي]

ايوووووه شهاده معادلة

[عاشق الفيزيـاء]

المشاركة الأصلية كتبت بواسطة لبني منسي

ايوووووه شهاده معادلة

عمومًا النظام عندنا كالتالي:

= = الواحد وهوا رايح يقدم بياخد وررقة مكتوب فيها اربع مجموعات (علوم طبيعية وبيولوجي وجيولوجيا وجيوفيزيا) بيرتبهم على حسب رغبته.

= = بيعملوا بعد كدة مجموع معين للجيولوجيا والجيوفيزيا بحيث اللي يجيب اقل منه ميدخلش وده كله عشا في الآخر يبقى العدد محدود ميزيدش، على سبيل المثال هما حددوا العدد السنادي 60 جيوفيزيا و80 جيولوجيا وبناء عليه حددوا المجموع 375 للجيولوجيا أما الجيوفيزيا فحددوا مجموعها 382 لعلمي رياضة 384 لعلمي علوم.

= = طبعا البيولوجي والعلوم الطبيعية من غير مجموع معين يعني أي حد في الكلية مجموعه يجيب ده ويجيب ده ونستنتج من كدة ان اي حد كاتب في الرغبة الاولى طبيعية يبقى هتجيله طبيعية كاتب بيولوجي يبقى هتجيله بيولوجي.

= = بيبصوا بعد كدة لكل واحد ورغبته لو مجموعه يجيب الرغبة الاولى يدخلها مجبهاش يبصوا ع التانية لو مجموعه يجيبها يدخلها مجبهاش يبقى التالتة وطبعا مجموعه هيجيب التالتة، لأنه لو مجبش الاولى والتانية ده معناه انهم جيوفيزيا وجيولوجيا وبالتالي تبقا التالتة طبيعية او بيولوجي وطبعا دي مش محتاجة مجموع معين.

= = مع العلم ان طالب علمي رياضة مش من حقه يدخل بيولوجي وبكدة يبقى قدامه 3 مجموعات بس طبيعية وجيولوجيا وجيوفيزيا.

= = كل مجموعة بعد كدة بتتشعب في تانية لكذا شعبة فيه منها اللي متاح لأي حد أيا كان مجموعه وفيه اللي محتاج تقدير معين.

= = نتكلم دلوقتي عن تشعبات كل مجموعة في تانية.

أولا: العلوم الطبيعية/
= = ده بيتشعب لخمس شعب في تانية كالتالي:
1. فيزيا: وده بيتقسم في تالتة ورابعة لأربع أقسام: (فيزيا سبيشيل - فيزيا مواد - فيزيا حاسب - إلكترونيات).
2. كيميا: وده بيتقسم في تالتة ورابعة لقسمين: (كيميا سبيشيل - كيميا تطبيقية).
3. رياضة: ودي شعبة مش متاحة لطلبة علمي علوم وده بيتقسم في تالتة ورابعة لتلات اقسام: (بحتة تطبيقية - بحتة حاسب - إحصاء حاسب)
4. فيزيا حيوي وده بيكمل في تالتة ورابعة من غير تقسيمات تانية.
5. فيزيا كيميا وده بردو مبيتقسمش تاني في تالتة ورابعة.

ثانيًا: البيولوجي/
== ده بيتشعب لشعبتين في تانية كالتالي:
1. بيولوجي: وده بيتقسم في تالتة ورابعة لاتناشر قسم كالتالي/
أ - نبات.
ب - حيوان.
ج - حشرات.
د - ميكروبيولوجي.
هـ - كيميا حيوي.
و - نبات - كيميا.
ز - حيوان - كيميا.
ح - حشرات - كيميا.
ط - ميكروبيولوجي - كيميا.
ي - كيميا حيوي - كيميا.
ك - حشرات - ميكروبيولوجي.
ل - حشرات - كيميا حيوي.
2. فيزيا حيوي: وده مبيتقسمش في تالتة ورابعة.

ثالثًا: الجيولوجيا/
= = ده في في تانية بيتقسم لشعبتين كالتالي/
1. جيولوجيا: وده في تالتة ورابعة بيتقسم لقسمين كالتالي/
أ - جيولوجيا.
ب - جيولوجيا - كيميا.
2. جيولوجيا - جيوفيزيا: وده بيكمل في تالتة ورابعة من غير تقسيمات تانية.

رابعًا: الجيوفيزيا/
= = ده بيفضل زي ما هوا من غير أي تشعبا ولا تقسيمات في أولى وتانية وتالتة ورابعة.

ـــــــــــــــــــــــــــــــــ

= = محاضرات علوم طبيعية بياخدوها كلهم مع بعض في نفس المدرج لكن السكاشن اللي هيا العملي مبتكفيهمش فاتقسموا لست مجموعات من أ 1 لـ أ 6 والبيولوجي نفس القصة بس من ب 1 لـ ب 6.

= = ده رابط الاقسام كلها بس على نضيف:
http://www.facebook.com/photo.php?fb...&type=1&ref=nf

= = وده رابط لجروب طلبة علوم عين شمس جميع الصفوف وجميع الأقسام:
http://www.facebook.com/groups/Science.AinShams/
ممكن تنضمي فيه وتستفسري ع اللي انتي عايزاه وهتلاقي اللي يجاوبك إن شاء الله.

= = وده رابط لجروب أولى علوم عين شمس - قسم علوم طبيعية فقط:
http://www.facebook.com/groups/Natur...ment.AinShams/
لو انتي اختارتي علوم طبيعية ممكن تنضمي للجروب ده وبردو تستفسري ع اللي انتي عايزاه وكمان هتلاقي المحاضرات اللي فاتتك إن شاء الله.

ـــــــــــــــــــــــــــــــــــــــ

ملحوظة:

= = لو انتي جاية من السعودية فمفيش عندكو علمي رياضة وعلمي علوم وفي الحالة دي يبقى من حقك تاخدي اي قسم يعني من حقك تاخدي بيولوجي ومن حقك تاخدي رياضة.
= = بقية الدول معرفش ايه نظامها بس هيا غالبًا زي السعودية.

ـــــــــــــــــــــــــــــــــــــ

معلش ع التطويل بس انتي اللي طلبتي بالتفصيل، ولو فيه أي استفسار أنا جاهز إن شاء الله.

ونسأل الله لنا ولكم التوفيق والسداد، إنه ولي ذلك ومولاه وهو على كل شيء قدير.

[لبني منسي]

طب ومجالات العمل لكل قسم ؟؟
ولك جزيــــــــــــــــــــــــــــــــــــــــل الشكرر

[عاشق الفيزيـاء]

المشاركة الأصلية كتبت بواسطة لبني منسي

طب ومجالات العمل لكل قسم ؟؟
ولك جزيــــــــــــــــــــــــــــــــــــــــل الشكرر

ممكن تدخلي ع الرابط ده
http://www.cima4arb.com/movies/showthread.php?t=69514