استفسار بخصوص جامعة عين شمس

مميز بطبعي · #1 28-09-2011, 01:20 AM

انا شهادة معادلة وجاتلي هندسة عين شمس وأسمع كتير إنها صعبة وأصعب من القاهرة وباقي الكليات المناظرة ليها هل الكلام ده صح؟
ايه التقدير اللي الواحد لازم يجيبه في اعدادي عشان يخش هندسة مدني؟
وياريت تنصحوني بما إني لسة هدخل هندسة شوية نصائح كده؟

shady_man1 · #2 28-09-2011, 08:03 AM

yaaaaaaaaaaaaaaaaaaaaah a5eern l2eet 7d fe hndsa 3een shams m3aya :D

rehab rehab · #3 28-09-2011, 11:35 AM

اول الجيد يجيبلك كل الاقسام ان شاء الله

اه صعبة

بس عادى بيتخرج منها اكتر من الف كل سنة مش مستحيلة يعنى

مميز بطبعي · #4 28-09-2011, 02:06 PM

متشكر أوي يارحاب طمنتيني ربنا يطمنك بس سؤال هل قسم مدني كويس من ناحية الشغل ولا فيه أقسام أفضل منه؟

rehab rehab · #5 28-09-2011, 11:55 PM

اللى يقدر يعرف ايه اللى هيكون مطلوب كمان 5 سنين و البلد هتبقى عاملة ازاى هو بس اللى يقولك ايه احسن قسم فى الشغل

مينفعش حد يختار قسم عالاساس دا

لو سألت ناس من مدنى نفس الدفعة هتلاقى اللى يقولك الشغل كتير جدا و اللى هيقول مفيش شغل و هتلاقى اللى بيشتغل ب 500 جنيه و اللى مرتبه رقم خيالى و مش بالمصرى كمان

و نفس الحوار فى أى قسم

فاختار القسم اللى حابه و شايف انك تقدر تتميز فيه و اعمل اللى عليك و سيب حوار الشغل دا على ربنا