اضراااااااااااااااب اضراااااااااااب حتى تحقيق المطالب

[dahy_m]

احنا مش عاوزين فلوس بس احنا عاوزين اصلاح لمنظومة التعليم كلها احترام قيمة المعلم وتقدير دوره ودور مهنته مناهج تخدم العملية التعليمية لا لإزدواجية اللغة على الأقل فى التعليم الابتدائى ودا اللى درسناه فى كليات التربية عاوزين خطوات جادة للتقليل من الدروس الخصوصية عاوزين وزير حاسس بالمعلمين وزير يكون معانا مش ضدنا يحب وزارته وأبناءه اللى شغالين معاه وزير مش مغرور وزير يسمع للمعلمين
وعشان اصلاح العملية التعليمية لازم نبدأ بالمعلم لازم نرضيه عشان يعرف يشتغل داخل الفصل مش خارج الفصل المعلم وظيفته من وظائف الرسل والأنبياء على الأقل يتساوى بوكيل النيابة الادارية اللى واخد حقوق من 50 % وقاعد على كرسى زى الاداريين وبيقبض اد المعلم عشر أضعاف ليه كده حرام عليكم هنشتغل ازاى واحنا حاسين بالظلم دا على فكرة الدولة هى اللى بتشجع على الدروس الخصوصية اذا كان الوزير بيدى لإبنه عند اغلى المدرسين الخصوصيين واكيد كمان رئيس الوزراء طب اللى مش معاه فلوس للدروس الخصوصية يعمل ايه فى ولاده يطلعهم شحاتين احسن
أنا مش عاوز 200% ولا حتى 300% أنا عاوز المدرس يقبض 3000 جنية وعاوز مكانه اجتماعية للمدرس واحترام وافلام ومسرحيات عكس مسرحية مدرسة المشاغبين لازم المدرس يروح شغله ببدله جميلة لازم اللى يدخل كلية التربية يكون بيحب التدريس مش عشان مجموع لازم يتجاوز الاختبارات التربوية والأخلاقية عاوزين العجز يتسد مش مدرس يشتغل فى 3 مدارس و3 مناهج مختلفين ومدرس تانى يشتغل فى منهج واحد وبحصص قليلة .
فيه حاجة مهمة كمان مش عاوزين زيادة فى الأجور ودا مؤقتا عشان حال البلد لأ عاوزين الأسعار تقل وتبقه زى زمان

[توفيق رفعت عجيز]

والله انت علي حق

[dr.mhmud]

مطالبنا عندهم
ولسنا في عجلة
إضراااااااااااااااااااب

[أبو الأحلام]

والله انت كلامك حلو

[كتكوت الامير 10]

الكلام ده هو المطلوب

[mmhabo]

أخى الفاضل كلامك رائع وتستحق التقدير لانه نابع من قلب يحب مصر ويريد التقدم لها ، ،ولكن هؤلاء التنابلة لايريدون لمصر تعليما ولا تقدما ؛فهدفهم الاسمى هو لهف اموال الشعب واموال الوزارة.