رجاء دخول جميع طلبة حاسبات كل الجامعات للأهمية

[badnamef4]

و أنا اللي كنت فاكر إننا بس اللي بنعمل الكلام ده؟
الحمد لله أنا فرحان جداً إن فيه ناس تانية عندها نفس الروح
بس فيه حاجة أنا متأكد إنها مش عندكم
New Stage
ده عبارة عن إيفنت من 6 أيام من 10 الصبح ل 4.30 بالليل و فيه حاجات كتيرة أوي مش مجرد تعريف بالكلية ده لعب و تعريف بالمسابقات زي acm و imagincup و محاضرات مشجعة جداً جداً جداً و ملهمة جداً جداً جداً و حاجات تانية كتير و أنا متأكد إنه مش زي الويلكم بارتي
بس بجد أتمنى إني أشوف النيو ستايج ده في كل كلية انتا ماتتخيلوش التأثير النفسي اللي حطه فينا
عامة أول ما ينزلوا فيديوهات و صور ليه هحاول أبقى أحطها إن شاء الله

[ya so]

المشاركة الأصلية كتبت بواسطة yami677

مش كلها كلها يعني
صح

لا كلها ب المقارنه بباقى الجامعات

انا رحت عين شمس و القاهره و لفيت لفيت و رجعت لحلوان تانى

صدقينى حلوان كلها جناين دى خروجه اصلا

و بالنسبه للكليه ف عند الباركينج جنينه و الباب التانى جنينه و شويه شجر و خضره ف كل حته كده

ده غير اصلا الجناين اللى عند رئاسه الجامعه و ف كل حته

بصى انزلى القاهره و عين شمس و انتى هتعرفى انا قصدى ايه

[ya so]

المشاركة الأصلية كتبت بواسطة badnamef4

و أنا اللي كنت فاكر إننا بس اللي بنعمل الكلام ده؟
الحمد لله أنا فرحان جداً إن فيه ناس تانية عندها نفس الروح
بس فيه حاجة أنا متأكد إنها مش عندكم
New Stage
ده عبارة عن إيفنت من 6 أيام من 10 الصبح ل 4.30 بالليل و فيه حاجات كتيرة أوي مش مجرد تعريف بالكلية ده لعب و تعريف بالمسابقات زي acm و imagincup و محاضرات مشجعة جداً جداً جداً و ملهمة جداً جداً جداً و حاجات تانية كتير و أنا متأكد إنه مش زي الويلكم بارتي
بس بجد أتمنى إني أشوف النيو ستايج ده في كل كلية انتا ماتتخيلوش التأثير النفسي اللي حطه فينا
عامة أول ما ينزلوا فيديوهات و صور ليه هحاول أبقى أحطها إن شاء الله

لا مش عندنا ده خالص بصراحه بس عندنا الحاجات اللى بيعملوها دى بيعملوها عندنا بس مجهود فردى مش جماعه بتقوم بيه و كده

بس ما شاء الله هى فكره حلوه انه بيتعمل ف الاول كده علشان يحبب الناس

عموما انا قربت اتخرج خلاص و مش بعيد حد يشوف الفكره دى و تتنفذ و مش بعيد اكون انا من المنفذين كمان

[as.smsm]

وااااااااااااااا حسرتاه
الموضوع حلو اوى بس للاسف معندناش زيه خالص
او معرفش بصراحه بس انا مسمعتش اى حاجه عن الكلام دا
المفروض ان كليه حاسبات جديده ف مصر يعنى ع الاقل نضيفه
للاسف دا مشفتوش خالص لما رحت قدمت
والكليه عباره عن نص شارع او حاره صغيره اه حاره متستغربوش
كفايه انهم حادفينا فى اخر الدنيا وبعيد عن الجامعه يعنى معزولييييييييييين
وطبعا لا كورسات ولا اهتمام
طبعا عرفتو اناجامعه ايه
ايوه مفيش غيرها هى جامعه الزقازيق
الواحد اصلامتعقد من قبل ما يدخلها وبعيد عن صحباتى لدرجه الواحد فكر يحول تجاره او اى حاجه
للاهمال الواضح الى عندنا ولو كان ينفع احول جامعه تانيه طبعا كنت حولت فورى بس تحكمات الاهل
وكل املى فكرتى تتغير لما ادخلها فعلا
استرها يارب

[ya so]

المشاركة الأصلية كتبت بواسطة as.smsm

وااااااااااااااا حسرتاه
الموضوع حلو اوى بس للاسف معندناش زيه خالص
او معرفش بصراحه بس انا مسمعتش اى حاجه عن الكلام دا
المفروض ان كليه حاسبات جديده ف مصر يعنى ع الاقل نضيفه
للاسف دا مشفتوش خالص لما رحت قدمت
والكليه عباره عن نص شارع او حاره صغيره اه حاره متستغربوش
كفايه انهم حادفينا فى اخر الدنيا وبعيد عن الجامعه يعنى معزولييييييييييين
وطبعا لا كورسات ولا اهتمام
طبعا عرفتو اناجامعه ايه
ايوه مفيش غيرها هى جامعه الزقازيق
الواحد اصلامتعقد من قبل ما يدخلها وبعيد عن صحباتى لدرجه الواحد فكر يحول تجاره او اى حاجه
للاهمال الواضح الى عندنا ولو كان ينفع احول جامعه تانيه طبعا كنت حولت فورى بس تحكمات الاهل
وكل املى فكرتى تتغير لما ادخلها فعلا
استرها يارب

بصى هو انا مش هفتى لان معرفش نظام الكليه عندكوا ايه بس انا اسمع ان فيها انشطه و اهتمام

انا مش متاكده طبعا بس هى مش سوده اوى ذى م انتى شايفاها لان انا شفت كذه ايفينت كانوا معملوين ف حاسبات الزقازيق

ف اصبرى لما تتدخلى و مش تخديها بالشكل يعنى

جامعه عين شمس تعتبر من احسن الجامعات ع مستوى مصر و الدول العربيه كمان بس رغم ده مش مهتمين بشكلها و ممكن تتخدى و مش تفتكريها جامعه اصلا بس رغم ده ممتازه اوى و محدش يقدر ينكر ده


ف ان شاء الله تكون عكس توقعاتك و تكون كويسه جدا كمان بس اصبرى ،، ابدأى احكمى عليها من سنه تانيه ع الاقل او الترم التانى كده

و لو فضلتى حاطه ف دماغك انك كرهاها صدقينى لو تحفه و احسن كليه بس هتكرهيها برضه
و الككلام ده عن تجربه شخصيه يعتى

و عموما ربنا معاكى و تفائلى

[badnamef4]

ya so ولو احتجتوا أي حاجة في التنظيم أو الإعلام و الأنشطة و كده اسألونا احنا من أساسه نفسنا نكرر التجربة دي في كل كليات مصر و قريب قوي إن شاء الله هيبقى فيها جمعية أهلية باسم 180 درجة ( الأسرة اللي منظمة الإيفنت ده)
as.smsm أنا هاقول لك الصراحة فيه واحد فعلاً في المنتدى كان في حاسبات الزقازيق و كان متضايق قوي من الإهمال
بس فيه نقطة مهمة. الكلية دي بتاعتك مش بتاعة حد تاني. طالما إنك خلاص قاعدة فيها يعني قاعدة يبقى انتي اللي هتغيريها و مش حد غيرك
احنا ماكانش عندنا في الكلية أي حاجة من اللي بقول عليها لكن بدأوا باتنين بعد كده بقوا أربعة و بدأوا يشتغلوا على الكلية من غير ما يستنوا لا دكتور ولا إدارة لحد ما انتشروا و عددهم زاد و بتغيرهم النظام بتاع الكلية ذات نفسه بدأ يتيغير و الكلام ده من قبل الثورة فتخيلي كمان بعد الثورة
يعني أنا من رأيي تبدأي أول حاجة تحاولي تنشري الفكرة مين عايز يصلح مين عايز يساعد و تدوري على الناس المحتاجة مساعدة و تساعديهم و ساعتها هتلاقي الناس دول بينضموا ليكي و بيساعدوا هما كمان
و بالنسبة للدراسة هي كده كده مش كل حاجة بتديها الكلية فدوسي مع نفسك في النت و المراجع
و أنا عارف إن ده مش هيبقى سهل خالص و هتلاقي اللي يحبطك كتير و هتلاقي نفسك بتقولي لنفسك ماكبر دماغي و خلاص بس ساعتها و ساعتها بس هتبقى الكلية فعلاً
و انتي معندكيش فكرة احنا بنبص إزاي لمؤسسي 180 درجة. واحد منهم جيه في يوم من أيام النيو ستايج بجد الواحد بيقدر الناس دول لأنهم إزاي ماستنوش حد و اشتغلوا على نفسهم و على كليتهم مع إن أكيد كان فيه ناس تحبطهم و واقفة ضدهم. ده حتى لحد دلوقتي الئيس بتاع 180 درجة بيقول لنا انتا ماتتخيلوش احنا حاربنا إزاي عشان نعمل الإيفنت ده
فربنا يوفقك الصراحة أنا مش في موقفك عشان أعرف شعورك لكن أنا اتحطيت في مواقف زيها كتير
و عامة أهو لينك الصفحة بتاعة 180 درجة http://www.facebook.com/pages/180-Da...8940632?ref=ts
و أهو جروب النيو ستايج لو عزتوهم في أي حاجة ماظنش إنهم هيتأخروا http://www.facebook.com/groups/NewStage4/

[bloodyman]

تمااااااااااااااااااااام

[badnamef4]

المشاركة الأصلية كتبت بواسطة bloodyman

تمااااااااااااااااااااام

شكراَ على مرورك الكريم