سؤااااااااال ؟؟؟؟

[نور الجنة]

السلام عليكم ورحمة الله وبركاته

لو سمحتوا انا طالبة ازهرية وعايزة اعرف لو حبيت اقدم اداب جامعة القاهرة او عين شمس

ينفع ولا لاء مع ان ده اصلا مسموح عندنا فى الازهر بس عايزة اعرف الشروط اى ؟ ومكاتب تنسيق الجامعات العامة دى هتوافق ع التحويل ولا لاء ؟ وهل هنعمل معادلة الاول شرط للدول ولا اى ؟

ارجو من عنده اى معلومات عن ذلك الرد وشكرا جزيلا

[ازهريه وافتخر]

انا ازهريه زيك وعايزة احول اداب وعملت موضوع هنا ومحدش رد عليا
وكمان انا كل ما اروح الكليه واسالهم يقولوا استنوا التنسيق وانا حاسه انهم بيطفشونا
لو عرفتى اى معلومات لو سمحتى قوليلى

[رحييق]

أنت كنتي لسه مخلصة ثانوية ولا دخلتي كلية سنة أو اتنين مثلا وعاوزة تحولي ؟؟

عامة بينطلب منك مجموعة أوراق منها
ـ شهادة من الكلية اللي كنت فيها بالرسوب مثلا
وشهادة الثانوية الأزهرية
وشهادة الميلاد أصل وصور شخصية حوالي 6
وصورة البطاقة الشخصية وصورة بطاقة ولي الأمر
بتذهبي لجامعة اللي عاوزة تلحقي بها في شهر 7
وتقدمي ورقك في شئون الطلاب بالجامعة وهما هناك الموظف هيشوف نسبة الثانوية تنفع تدخلي آداب ولا لاء
ولو أنت حاصلة ع الثانوية من سنتين مثلا وهتقدمي في آداب هذا العام بيشوف آداب من كام سنة الثانوية ونسبة هذا العام وبيشوف متوسط النسبة

مثلا سنة حصولك ع الثانوية الاداب اخدت من 80 %
وهذا العام من 82% المتوسط 81% يبقى أنت المفروض تكوني أكبر من هذه النسبة


بعد كدا يطلب منك الأوراق اللي قولتلك عليها ويقولك انتظري
قرار الجامعة على بداية الدراسة في شهر 9 أو 10 وأنت متابعة طبعا



ملحوظة لما بتدخلي بتكوني انتساب



بالتوفيق للجميع
تحياتي