يــــــــــومـيــات سـعــــديــــة فـــى الجــــامـــعــة(ارجو التثبيت )

[marium ali]

ازيكوا يا شباب و يا بنات عاملين ايه
يا رب تكونوا بخير
ده بقي اول موضوع مستمر ليا هنا يارب تعجبكو القصه
الموضوع عبارة عن يوميات لبنت صعيديه اسمها سعديه
و التنسيق بتاعها وداها على جامعه القاهرة و هتحصل مواقف طريفه هناك
و سافرت عند عمها اللى فى القاهرة علشان تبقى قريبه من الجامعه

[marium ali]

يلا نتعرف على الشخصيات

شخصيات القصه

(سعديه وميدو)

(جنى صاحبه ميدو)

(ندى صاحبه سعديه)

الحلقه الاولى

جه جواب التنسيق لسعديه وفتحت الجواب لقت جامعه القاهره
سعديه : يا دى اليوم الاسود انهرده يادى النيله
ام سعديه : ايه يابتى مالك
سعديه : الحجى يامه جواب التنسيج جه القاهره
ام سعديه : وماله يابتى عمك هناك روحى عند عمك
سعديه : انا مش بطيج مرته دى الى عامله زى ام اربعه واربعين
ام سعديه :معلش يابتى ايام وجضيها وخلاص
سعديه :امرى لله انا عارفه حظى اسود من يومه
هروح وخلاص

وجه معاد السفر

ركبت سعديه القطر وفى طريقها للقاهره
سعديه : يا سوادى هى السكه مالها طويله جوى ليه كده
يا مهون هون علشان انا زهجت ومليت من الجعده دى
وصلت سعديه وراحت عند عمها خبطت على الباب فتحت مرات عمها

سعديه : اهلا يا مرت عمى
مرات عمها : مين سعديه
سعديه : ايوه سعديه امال هيكون عفريتها ولا ايه
مرات عمها : ازيك يا بنتى منوره
عمها يجري على الباب و يقول مين سعدية
ازيك يا بتى واللي في البلد عاملين ايه
سعديه : طيب مش تدخلونى وبعدين تسلموا
ولا هنجضيها سلامات من على الباب الشنطه خلعت كتفى
عمها : ادخلى يا بنتى اهلا وسهلا
ورحبوا بيها وسلمت على عمها واولاده
وتانى يوم كان الدراسه
صحيت بقى سعديه واستعدت وراحت على الجامعه مع عمها
لانها متعرفش السكه دى اول مره هتروح فيها
وصلها عمها وشرحلها الطريق
دخلت سعديه الجامعه
لقت بنات بقى وشباب استايل اوى
اول مره تشوف كده
سعديه : وى وى وى وى وى يا بوى
ايه الى البنات عاملينه فى نفسهم ده
المحزج والملزج وايه الالوان الى فى شعرهم دى
استغفر الله العظيم يا ربى
والولاد مالهم كده مطولين شعرهم وموجفينه زى ما يكونوا مكهربين
دول ما يجلوش حاده عن البنات

عشنا وشفنا وانا مالى انا الحج بجى محاضراتى

ودخلت بقى سعديه قاعه المحاضرات
بتدور على مكان تقعد فيه

سعديه : ايوووووووووه يا ولاد ايه الى بيحصل ده

الاولاد جمب البنات كده وملزجين فى بعض

انا هجعد زيهم كده لا والله لا يمكن ابدا

انا هفضل واجفه احسن

دخل الدكتور لقى كل الناس اعده الا هى
بيقلها يا بنتى اعدى
سعديه : اجعد ازاى يا دكتور جمب الولاد كده عادى لا والله ما يحصل ولا يكون

هه اعدى جمب اى بنت
طيب اى حد يا بنات يقعدها جمبه
وحده من البنات قالتلها تعالى هنا جمبى
اعدت سعديه واتعرفت عليها انتى اسمك ايه قالتلها اسمى ندى
وانتى قالتلها سعديه المهم بعد ما خلصت المحاضره
اتعرفوا على بعض وبقوا صحاب اوى
وخلص اليوم وخلصت المحاضرات وجه معاد انها تمشى لبيت عمها

خرجت سعديه هى وندى

وبعدين

يا جماعة مش هنزل الحلقة الجديدة الا لما اشوف تقبلكم عجبتكو اوك ... مش عجبتكو بردو اوك مش مشكلة ولا كأن الموضوع موجود

[amalsayed]

القصة جميلة ومسلية اوى وانامستنية الحلقة الجاية وانشاء الله هتابع معكى شكرا جدا على الموضوع الرائع

[marium ali]

المشاركة الأصلية كتبت بواسطة amalsayed

القصة جميلة ومسلية اوى وانامستنية الحلقة الجاية وانشاء الله هتابع معكى شكرا جدا على الموضوع الرائع

شكرا لمرورك يا قمر
شرفتينى جدا بمرورك
واستنى الحلقة الجاية تعجبك باذن الله

[ضياء الدين سعيد]

نحن في إنتظار كل جديد

تحياتي

[marium ali]

ياجماعه وده الجزء التاني من القصه بس بجد والله

تانى يوم راحت بقى سعديه على الجامعه

اول اما خلصت اول محاضره

سعديه : يا ندى انا جعانه جوى تعالى نجيب اى حاجه ناكولها
ندى: خلاص تعالى يا سعديه نروح كافتريا الكليه

سعديه : لا دى كولها مليانه شباب ياختى انا مش هروح هناك
ندى : لا تعالى بس احنا ملناش دعوه بحد هناك

سعديه : طيب يلا اما نشوف
راحت سعديه وندى الكافترياواول اما اعدوا كان اعد قصادهم مين عمنا ميدو بقى

ميدو اول اما شاف سعديه اعد يضحك بقى بصوت عالى
سعديه بصتله بقرف اوى وقالت

سعديه : هوه ماله الواد ده الى شبه الديك الازعر بيضحك ليه كده
ندى : احنا مالنا يا سعديه هوه بيضحك وخلاص

سعديه : ليه يا بت شايفنا ارجوزات جودامه ده واد حيوان وعايز يتهزج
ندى : بصى احنا ناكل ونمشى من هنا

سعديه : طيب احسن بردو انا جولتلك بيومك لاسود ده انا مش هاجى الكافتريا دى
خلصوا اكل ودخلوا قاعه المحاضرات

واعدوا دخل طبعا وراهم الاستاذ الفاضل ميدو
وكانت معاه وحده صحبته
وشاف سعديه بردو واعد يشاور عليها ويضحك

سعديه اتنرفزت اوى طبعا والعرق الصعيدى طلع
سعديه : بصى يا بت يا ندى بيعمل ايه الواد ده بيضحك تانى

ندى : انت حضرتك بتضحك ليه
ميدو : ههههههههههههه لا ولا حاجه يا انسه ههههههه

سعديه : فرحان جوى وانت فاتح خشمك كده جاتك نيله عليك وعلى بوزك الفجرى
ميدو : وليه الغلط يا ااااااااا؟

سعديه : يا اااااااا ايه ما تنطج
ميدو : يا حجه هههههههه

سعديه : تعرف انك مش محترم وعيل جليل ادب وعايز تتربى
ميدو : انتى انتى انتى تربينى انا

وطبعا الاستاذ ميدو بيستفزها بمياعته وبالحركات الى بيعملها
ندى : طيب ممكن اعرف بتضحك ليه

ميدو : انتى مش شايفه جمبك تحفه فنيه بجد ههههههه
سعديه : تحفه فنيه ما تحطنى فى متحف الشمع يا خوى

انا تحفه وانت تبجى ايه بشعرك الى مكهربه ده وبنطلونك الى هيوجع منك ارفع منطلونك وبعدين اتكلم

ميدو طبعا مش معاه غير انه يضحك هوه وصحبته
سعديه : يلا يا ولاا انت خد الفرخه بتاعتك دى وغور من هنا اتكشح يلا

ميدو : دى فرخه دى جنى صحبتى
سعديه : جنى ولا عفريت وانا مالى غور احسن افرج عليك الجامعه كلها

ميدو : انا مش ارد عليكى انتى مش من مستوايا
سعديه : مستوى مسن يا بو مستوى انت حوساله وعره الشباب كمان ولو

شفت وشك هنا هضربك بالبولغه
ندى : خلاص يا سعديه هوه فعلا مش محترم بس انتى بردو هزقتيه

سعديه : انتى مش شايفه حيلت امه بيعمل ايه
ندى : معلش
المهم ندى هدت سعديه وخلصوا محضراتهم ورواحوا

وانتظرونا الحلقه الى جايه
قولولي ايه رايكو بجد ياريت تعجبكو واستنو
باقي الحلقات

[ضياء الدين سعيد]

قصة جميلة وأنا أو المتابعين
بس مش كل الصعايدة بيقولوا على القاف جيم
وبجد كدا مطلعه سعديه مش سعديه خالص

بس قصه شكلها بتقول انها جميلة

أسجل إعجابي

[amalsayed]

وانا لسه متابعة معكى شكرا جدا على القصة المسلية

[Ahmed Magdy Beshr]

جامده موووووووووووت بليز كملى

[Rebonzel]

مستنين نعرف مغامرات سعدية فى الجامعة القاهرية

[bent aboha]

قصة جميلة جدا
متابعة

[marium ali]

انا شايفة ان فية اقبال عليها
والله بجد كويس فرحتونى

(الحلقه التالته)

بعد اما خرجت سعديه من الجامعه علشان تروح
خرج وراها طبعا عمنا ميدو هوه وجنى صحبته بالعربيه بتاعته
واعد يرخم عليها ويدايقها

سعديه: انت يا واد احترم نفسك وامشى بعيد عن هنا بدل ماخلى يومك اسود
ميدو : بجد انا مش هسيبك انهرده هوه الضحك عليكى انهرده هخليكى تحرمى تكلمينى باسلوب مش كويس يا انتى

سعديه : والله انت شكلك كده جبته لنفسك فى يومك الجوتران ده ونويت تحجز لنفسك سرير ونفر زياده فى المستشفى

جنى : الحق يا ميدى دى بتقول هتدخلك انت مستشفى
سعديه: دى ومالها دى ياعين تيزه والنعمه شكلك هتتجطع انهرده انت والدزمه الى معاك دى

سعديه: الحجونى يا ناس الولا ده بيتحرش بيا وبيجولى كلام جلت ادب وخدش حياجى الحجوووووووووووووونى

طبعا سعديه اعدت تصوت والناس اتلمت عليها وضربوا ميدوا
ادوله علقه سخنه وجنى مش معاه غير انها تصوت
جنى : يا وحوش حرام عليكوا هوه مش قدكوا
سعديه : مش جدهم علشان يحرم تانى مره
كده هوه اتعلم الادب

ومشيت سعديه وجنى اتصلت بالاسعاف جم خدوا ميدو
بعد اما روحت سعديه عند بيت عمها

مرات عمها فتحتلها الباب بتقلها ازيك يا سعديه
سعديه طبعا مش ردت ودخلت وهى بتقول كلام كده مش مفهوم

( انا كان مالى ومال البلد بت الدزمه دى شكلى كده هتبجى وجعتى سوده ما انا كنت فى بلدى وجاعده كويسه بس بردو مش فشيت غليلى اةةةةةةةةةة يا بوى )
مرات عمها دخلت قالت لعمها بقى
عمها راح لسعديه

عمها : مالك يا بنتى مرات عمك بتقول انك مدايقه
سعديه : ماليش ياعمى ( فى سرها طبعا بتقول : والنبى روح بعيد كده مش ناجصاك انت كمان وكمان مرتك لحجت توصلك لسانها مش بيتبل فيه فوله ربنا ياخدها )

عمها : لا بجد احكيلى يا بتى
سعديه :الولاد عندكوا ياعمى البنات ارجل منهم يا بوى واد ياعمى مش محترم جل ادبه عليه

عمها : ليه يا بتى انتى عملتيلوا ايه
سعديه : معملتلوش حاجه والله ( وحكت سعديه لعمها الى حصل )
عمها : طيب ليه يا بنتى كده ده تلاقى الشباب بهدلوه خالص
سعديه : احسن انا كمان مش فشيت غليلى انا كان نفسى امسكوا من شعره

الى ماسكاه الكهربه ده واجصهوله خالص واعمل فى الناس جميله بادل ما تتازى من شكلوا العفش يا رب يكون مات علشان ارتاح من خلجته الفجريه
طبعا ميدو اعد فى المستشفى حوالى 15 يوم ومش بيجى الجامعه خالص
وسعديه حكت لندى الى حصل ندى

ندى : على فكره يا سعديه هوه غلط بس مش لدرجه انك انتى تخلى الشباب يموتوه كده خالص
سعديه : استفزنى جوى يا ندى والله خلانى فجت اعصابى

ندى: خلاص بصى انتى تيجى معايا نروح نزوره فى المستشفى
ونعتزرله ونهدى الموضوع ونصلح الى حصل
سعديه : انتى حسستينى بالزنب انا خلاص هروح معاكى بس مش هعتزر لحد انا هشوفه بس واطمن عليه

ندى : خلاص اوك هنروح انهرده بعد المحاضرات
سعديه : ماشى يا ستى

راحت ندى وسعديه المستشفى وجابوا ورد وهمه رايحين
دخلت ندى عند ميدو وحدها وقالت لسعديه خليكى انتى هنا اما اندهلك ادخلى

سعديه : بس خلى فى بالك يا بت انا مش جايه معاكى علشان اعتزرله علشان ضميرى بيوجعنى بس مش اكتر
دخلت ندى

ندى : (فى سرها طبعا: يا لهوى ده ميدو مكسر خالص يخرب بيتك يا سعديه
ايه الى عملتيه ده فى الولا)

ازيك يا ميدو عامل ايه
ميدو: اهلا يا ندى انا خلاص مبقتش انفع تانى صحبتك المتوحشه شوفى عملت فيا ايه

ندى :معلش يا ميدو انت نرفزتها وكمان انا عملالك مفجأه ( ادخل ياسمسم )

ودخللت سعديه وتحصل المفاجأه
ونشوفكوا الحلقه الجايه

[Rebonzel]

بجد ميدو ده بايخ يستاهل اللى عملته فيه

[Gi!DO]

حلوه بجد القصه دي
وياريت تكملي ..

[marium ali]

شكرا لمروركم احباااااااااائي
وانتظرو باقى الحلقات