مرتب المعلم المساعد 870 جنيها

[عمروو كمال]

معذرة علي هذا العنوان حيث انه مختلف مع محتوي الموضوع ولكن هذا ما قاله المسئول في لقائه مع المذيعة ريم ماجد هل الكذب وصل لهذا الحد وهل المعلم أصبح لعبة بأيديهم لهذه الدرجة أنا ألاحظ أن الوزارة تتفنن في استفزاز المعلمين بتصريحات المسئولين المكذوبة ودور كل معلم من الآن هو محاولة إظهار الصورة الحقيقية لما يحدث للمعلم في الاعلام بكل صوره مثلما حدث اليوم من عضوي النقابة المستقلة لأن الجميع يأخذ عنا صورة مغلوطة ويجب إظهار الحقيقة
ما ألاحظه الآن ان الثورة لم تصل للتعليم ولن تصل إلا بجهود المعلمين أنفسهم ما حك ظهرك مثل ظفرك

[اسلام جابر عباس]

حسبنا الله ونعم الوكيل
اصلا هذه قناة نجيب سويرس للفتنة وكذلك المذيعة اللي شكلها ميطمنش

[المليح]

بعد المعلم المساع يقبض يحت 350 في البنك يستنه عليهم 40 سنة هتبق 870 علي فكرة ريم ماجد من اكثر القنوات و المذيعات اللي بدافع عن المعلم

[تامر على السيد]

العيب مش على المذيعه ولا مساعدى الوزير العيب على المدرسين كان لازم الرد يكون اقوى ويكون معاهم معلومات كفايه

[Mr/Ali Aswan]

حضرتك فاهم غلط همه يمكن يكونو قصدهم 870 قبل الخصم بعد الخصم 450 ههههههههههههههههه يا جماعه لازم نحرق المدارس علشن الناس تحس بينا هههههههههههههههه بس البلد مش نقصانا اصلي انتو متعرفوش اني احنا المعلمين عاله علي المجتمع وعبء كبير والله العظيم واحد معلم قالي الكلام ده انا مش عايز احبطكم بس في فئه مرتاحه ماديا ومعاهم مشاريع وفي ناس بتدي دروس خصوصيه ومرتاحه ماديا لاسف مش هينضمو ليكم وانا اهو بعلنها علي الرعم من كده انا هشارك في المظاهرات ومش هسيب حقي لاني لاسف وله معايه مشروع ولا انا غني وله انا بدي دروس حتي لو فشلنا اهو اسمنا حاولنا جايز اوي ننجح

[ihabsaid]

الصبر جميل وربنا يوفق

[mr.tifa]

حسبنا الله ونعم الوكيل

[سنوات الانتظار]

واللى يغيظ بقى انه سيادته معلقش على الاستاذ الفاضل اللى اتصل وقال انا معلم مساعد واخر مرتب قبضته 385 جنيه والله ماكان عارف يرد يقول ايه لانه متاكد من الكلام دة فعلا وحسبى الله ونعم الوكيل
ولا المذيعة وهى بترد على نفس المعلم بردة وبتقوله بتشوف ال 1600 بتوع المكافأة مرة واحدة فى السنة مفهمنهم انا احنا بنلعب بالالاف كل شهر جالها ازبهلااااااااااااال من كتر الاستهبااااااااااااال وكذب المسئولين

[محمدرخا]

عمرك اطول من عمرى يا أ/عمرو انا انا داخل المنتدى وفى نيتى اكتب نفس العنوان لان ما قاله طارق الحصرى فى هذه النقطة مستفز وجايب معاه جدول فيه المرتبات نفس لغة العهد البائد

[احزان واشجان]

شفت اللقاء واستفزنى جدا كان لازم رد المعلمين يكون اقوى من كدة وخصوصا فى جزئية ان حرام نكسر بخاطر ابنائنا الطلبة فى اول يوم دراسى وكأننا بنستخدمهم دروع بشرية وكمان لما استغرب ان المدرس بيقف امن وكأنة جاى من كوكب اخر بصراحة لولا انى معلمة وعايشة المأساة وعارفة اللى فيها كنت صدقت ان المعلمين ,,,,,, لازم ياجماعة الناس تعرف وتشوف الصورة الحقيقية لحال المعلم

[ايهاب2323]

ياريت لو حد يقدر يبعت للقناه دى ويقول لها على الارقام الحقيقية للمرتبات عشان نفضح هؤلاء المسؤلين

[rasha_ahmed]

اكيد ياجماعه المرتب ده قصده عليه بعد مايمر على المعلم 30 سنه فالخدمه



الصبر يارب لازم يعرفوا ان الصدق اقصر طرق الاقناع

[MR.Ahmed Abd Allah]

انا فعلا معلم مساعد وبقيض 3000 جنيه ايوة ثلاثة الاف جنيه عند بدااية التعيين !!مش مصدقين !!طب هاتو مصحف وانا احلفلكم عليه !!امضاء : مرتشي وفاسد وكاذب

[عمروو كمال]

المشاركة الأصلية كتبت بواسطة محمدرخا

عمرك اطول من عمرى يا أ/عمرو انا انا داخل المنتدى وفى نيتى اكتب نفس العنوان لان ما قاله طارق الحصرى فى هذه النقطة مستفز وجايب معاه جدول فيه المرتبات نفس لغة العهد البائد

يأستاذ محمد العمر كله لك وبعدين واحد المهم اننا في النهاية نقدر ناخد حقنا باتحادنا

[احمد حماد 53]

موعــــــــــــــــدنـــــــــــــــــــــــا يــــــــــــــــــــــــــــوم 10 / 9


ملــــــــــــــــــــــــــيـــــــــــــــونــــ ــيــــــة المـــــعلــــــــــــــــــــــــــــــــــــــم