250جنية لكل موظف بمناسبة العيد

[طه حسين رأفت]

يااستاذة بحراوية انا مش بقر انا بس مستعجب ان 20يوم و250ج في محافظتكم بس !!!!!!!!!!!!!!!!!!!!!!!!!!!!!! اما لاحس ولاخبر يمكن الوزارة بتبدأ من الشمال الي الجنوب تبدأمن البحيرة ثم تتجه جنوبا ثم تنعطف شرقا ثم تدخل علي القاهرة الحمدلله وصلنا

[duchess1]

المشاركة الأصلية كتبت بواسطة sally2009

فى المنوفيه ادارة أشمون ولا عندها علم بأى حاجه ...
حتى المرتب بعد التعيين لشهر 7 كان 365 جنيه ولشهر 8 كان 384 والمرتب بدون الحوافز
علما بإنى تعيين 1/7/2011 بالقرار رقم 244/2011

ايوه فعلا انا فى محافظة الشرقية إدارة ههيا المرتب هو هو قبل التعيين زى بعد التعيين ومسمعناش عن العيدية ولا ال20 يوم
هو احنا مهاجرين ولا أية

[yearner for paradise]

مفيش فى الدقهلية الكلام ده

ممكن يكون قرار من محافظ البحيرة ..

[midoo ahmed]

بصراحة التعليقات كلها جامدة بس واللهى دا بجد مش كلن وخلاص


وبحراوية من دمنهور أكدت كلامى

ياللى من البحيرة وياللى من................أي حته الكلام ده بجد

[عصام الفنان]

الناس دى عايشة فين بالظبط ..هو احنا مش فى مصر برضه ..ولا فى جزر الواق الواق

[طه حسين رأفت]

خلاص ياعم ميدو ماتزعاش هنيأن عليكم محافظ البحيرة ويارب يجي عندنا شويه

[fmfmm]

ايوه فعلا يا جماعة انا من البحيرة ادارة ادكو واخدنا العشرين يوم 153 جنيه والاساسلا فعلا 231 وقروش
ونقيب المعلمين كان فى المدرسة انهارده وقالنا ان فى خلاف على 250 يوم ممكن ناخدوهم وممكن
ويجعله عامر يا جماعة

[Lazersun]

ماعلش يا جماعة لأن المعلمين كانوا زمان أيام شيخ العامود في الأزهر الشريف أما الآن فجميع الحكومات المصرية المتتالية نسيت ان في وظيفة اسمها معلم وبالتالي فلا حرج على من ينسى ربنا ينسيهم اسمهم كما نسونا رسالتنا السامية وجعلونا تائهين في الدنيا جريا ولهثا وراء لقمة العيش وسد أعباء المعيشة وحسبنا الله ونعم الوكيل في كل من يساندهم لتدمير التعليم والمعليمن

[fmfmm]

معلش قصدى 250 جنيه مش 250 يوم

[عرفةابومنى]

احنا فى الشرقية اول مرة نسمع الكلام دة
يعنى دة اكيد فى مصر

[mmisss]

المشاركة الأصلية كتبت بواسطة sally2009

فى المنوفيه ادارة أشمون ولا عندها علم بأى حاجه ...
حتى المرتب بعد التعيين لشهر 7 كان 365 جنيه ولشهر 8 كان 384 والمرتب بدون الحوافز
علما بإنى تعيين 1/7/2011 بالقرار رقم 244/2011

احمدي ربنا يا سالي انا اقدم منك تعيين 1/3 وتعاقد 1/2007 وقبضت شهر 8 كان 355 وحوافز 7و8 كانت 98 والعمل قبض 950 حوافز اللهم ما لا حسد

[sally2009]

المشاركة الأصلية كتبت بواسطة mmisss

احمدي ربنا يا سالي انا اقدم منك تعيين 1/3 وتعاقد 1/2007 وقبضت شهر 8 كان 355 وحوافز 7و8 كانت 98 والعمل قبض 950 حوافز اللهم ما لا حسد

الحمد لله على كل حال طبعا
على فكره أنا دفعة 2003 وعملت بالأجر والمكافأه الشامله حتى أخدت عقد معلم مساعد فى 1/11/2008 والحمد لله وبعد طول انتظار اتعينت على درجة معلم فى 1/7/2011
وعلى فكره حتى الان فى المنوفيه لم نأخذ الدرجات الماليه يعنى انا معلم اه ولكن بدون درجه ماليه ... منهم لله

[mohamed halawa]

ايه يا جماعة من انتم ههه .. مفيش حاجة عن الكلام ده خالص عندنا فى كفر الشيخ دا جد عشرين يوم و 250 جنيه بجد

[النسر المصرى]

طبعا احنا مالناش فى الليلة دى

[محمدمحمدحسينى]

يا جماعة هو في اية 20يوم و250جنيه بتوع اية احنا مش سمعنا حاجة خالص بالنسبة لنا فى الازهر ولا حتى ادونا مكأفاة تصحيح الثانوية لعند دلوقتى