ايه اخبار تعيين أوائل الكليات ياجماعة؟

[د.عبدالرحمن المنياوي]

المشاركة الأصلية كتبت بواسطة alaarabie

حمد الله علي السلامة يا دكتور عبد الرحمن وحشتنا جدا جدا..وعندي سؤال شخصي لحضرتك.هو حضرتك خريج سياحة وفنادق جامعة المنيا؟ أصل من ساعة ما حضرتك قلت إنك من 6 أكتوبر بالمنيا وأنا عندي إحساس إني أعرفك شخصيا؟ يا رب تكون حضرتك د.عبد الرحمن اللي في بالي واللي أنا أعرفه كويس جدا ..فرب صدفة خير من ألف ميعاد..مع تحياتي علاء ربيع

ماعتقدش فيه حد غيري في 6 أكوبر من سياحة في المنيا .. ولو حضرتك علاء ربيع انت بقى خريج إيه علشان أنا ماعرفش حد بالاسم ده غير أخ عزيز علي كان خريج ألسن المنيا ومن أوائلها وكان زميلي منذ الابتدائي ..

[د.عبدالرحمن المنياوي]

المشاركة الأصلية كتبت بواسطة imenesi

من غير زعل ولاحاجة يا أخي .. اللي مكتوب لنا هنشوفه بإذن الله
موضوع الأثر الرجعي دي مشكلة ... أساسا الخريجة الحديثة عدد العاطلين منهم اكتر من الخريجة القديمة
متقنعنيش ان خريج 2003 مثلا قاعد لحاد دلوقتي .. ده ان مكانش اتجوز وخلف
لكن الخريجة الحديثة هتلاقي عدد العاطلين منهم كتير جدا
وموضوع الـ5 أو الـ10 الأوائل ده هيبقى فيه ظلم كبير .. لأنه القرار ده لما نزل زمان خالص سنة 99 كان نازل للـ20
مش هييجوا دلوقتي يغيروا فيه على مزاجهم بعد ما عشموا الناس ... كانوا مقالوش من الأساس انهم هيعينونا
ويعشمونا احسن .. ع الأقل فيه ناس كتير وقفت حياتها مستنية الوظيفة دي تيجي الأول
وضيعت فرص كتير .... اكيد فيه ناس كتير كدة
عامة ربنا يقدم إللي فيه الخير

أولا حضرتك انا عارف إنك جديد في المنتدى وجديد على الصفحة هنا .. ومفيش حاجة في كلامك تدعو للزعل .. لكن حابب أقولك حاجة انا لما اتكلمت أو لما بانشر حاجة بأحاول أكون دقيق في كلامي ولو كنت عاوز أقول رأي خاص أو توقع كنت كتبت الفترة اللي فاتت .. لكن ماحبتش اتكلم دون وعي وده أسلوبي منذ البداية والحمد لله الناس هنا وكل جروبات أوائل الخريجين عارفين كده .. وانا بس حبيت أقول ده علشان أعكس مصداقية كلامي عند حضرتك والباقين ..

ثانيا انا بس حابب يا أخي أوضح لك إن من دفعة 2003 لغاية انهارده أغلب الناس اللي اتجوزت أو مش لاقية تتجوز فإن الصنفين مش لاقيين ياكلوا .. لأنهم يا إما بيشتغلوا في أعمال مؤقته أو بالحصة في التربية والتعليم أو في القطاع الخاص اللي على كف عفريت .. ولم يتوظف منهم حتى اليوم في الحكومة إلا نسبة لا تتعدى الـ5% وهم أصحاب الكوسة الكبيرة جدا أو اللي دفعوا 20 و 30 ألف جنيه للتعيين الحكومي .. فأنا أحب أصحح وجهة نظرك .. وأقول الناس دول لو حددنا الأولوية فهم الأحق بالتعيين من خريج امبارح ..

وكمان على فكرة نسبة كبيرة من الاوائل دول بتوع 2003 و 2004 و 2005 أنهوا تقريبا الماجستير يعني أصبحوا أعلى في الدرجة العلمية .. يعني متجوزين ويعولوا وأعلى علميا وحقهم من زمان وأكبر سنا .. وانت دلوقت تقوللي الأصغر أولى ؟؟؟؟

وبعدين انت دلوقت بتنقد المقترحات اللي الحكومة بتناقشها مش اللي انا حاططها علشان تختاروا منها يعني انا نقلت لكم اللي بيدور جوه وانتم تتحركوا .. وانا مؤيد تماما لتعيين الجميع لأن الأوائل في وجهة نظري هم أوائل ومتفوقين ويستحقوا التكريم أيا كان سنهم وأيا كانت دفعتهم ..

ومعلش اندفاعك للدفاع عن دفعتك الحديثة هي نظرة متحيزة وليست عادلة وشاملة .. وده رأيي ..

[د.عبدالرحمن المنياوي]

تلقيت منذ قليل مكالمة اسعدتني جدا .. جاءتني من أخي وصديقي الأستاذ علاء ربيع بدوي وهو صاحب التعليق السابق وهو صاحب رحلة كفاح منذ الابتدائية والإعدادية والثانوية وقد اختار لنفسه الألسن واخترت لنفسي السياحة إلا أن صداقتنا لم تشوبها شائبة ومن علينا الله بالتفوق كلينا .. ولولا ظروف المعيشة لما افترقنا ..

أخي العزيز .. شكرا لاستعادة بعض الذكريات الجميلة .. وكما قلت أنت : رب صدفة خير من ألف ميعاد !!!!

[محمود المصري 2010]

لو سمحت يا دكتور عبد الرحمن عندي كذا سؤال :
الأول : أيه إن مشكلة حملة الماجستير قربت تنحل علشان أنا معايا ماجستير .
الثاني : أنا معلم مساعد ومفيش زيادة لحد دلوقتي وسمعت إنهم هيزودونا 75% بس يعني مش هنوصل إلي 700 جنيه ياريت الأخبار الجديدة والأكيده لإني لحد دلوقتي مقبضتش مرتب شهر 7 ومحدش عارف حاجه خالص وشكرا ً .

[د.عبدالرحمن المنياوي]

المشاركة الأصلية كتبت بواسطة محمود المصري 2010

لو سمحت يا دكتور عبد الرحمن عندي كذا سؤال :
الأول : أيه إن مشكلة حملة الماجستير قربت تنحل علشان أنا معايا ماجستير .
الثاني : أنا معلم مساعد ومفيش زيادة لحد دلوقتي وسمعت إنهم هيزودونا 75% بس يعني مش هنوصل إلي 700 جنيه ياريت الأخبار الجديدة والأكيده لإني لحد دلوقتي مقبضتش مرتب شهر 7 ومحدش عارف حاجه خالص وشكرا ً .

بالنسبة لتعيينات الحاصلين على الماجستير والدكتوراة فإن الوزير بدأ في التفاهم والأمور كلها هيتم الإعلان عنها في المؤتمر الصحفي غدا ..

أما بالنسبة للحد الأدنى في التربية والتعليم فمفيش حد أدنى للمعلمين لأن مجموع حوافزهم وبدلاتهم بالكادر يساوي 208% .. ولكن ترر صرف حافز أداء لهم بواقع 75% للمعلم المساعد و50% للمعلم و25% للأعلى .. على أن يتم صرف هذه الإضافات مع مرتب شهر 9 القادم على أن يتم صرف فروق شهري 7 و 8 بأثر رجعي أيضا مع مرتب 9 ..

[سامح الجعيدي]

كل عام وانت بخير يادكتور عبد الرحمن
وحمد الله علي السلامة يا دكتور عبد الرحمن وحشتنا جدا جدا..وعندي سؤال لحضرتك يعني ممكن دفعة 2008 يتأجل تعيينها للعام القادم لو أخذوا كل ثلاث سنوات مع بعض بأثر رجعي ولا ممكن التعيين يكون للكل وهو الموقف صعب جدا لدرجة انهم لم يستطيعوا أن يأخذوا قرار إلي الآن ومن وجهة نظرك ممكن الحكومة تنفذ اي قرار وممكن فعلا ينفذوا قرار الخمس الأوائل

وشكرا لسعة صدرك
وبارك الله فيك

[أبو عمر وإلياس]

دكتور عبد الرحمن.. كل عام أنت بخير.. رمضان كريم .. ربنا يبلغنا وإياك ليلة القدر.. اللهم آمين

لي سؤال بعد إذنك ... هل فعلا تم إلغاء القرار رقم 75 بتعيين معلمي الأجر والعقود على درجة معلم مساعد ؟؟؟ مع العلم إني من أيام قمت بإمضاء إقرار القيام بالعمل وإجراءات التثبيت .. ؟؟؟؟؟؟؟ هل فعلا الكلام على إلغاء التعيين للي اتعين صحيح ؟؟؟؟؟؟؟

[نوجة نوجة]

كل سنة وحضرتك طيب يا دكتور احنا هنعمل اخر حاجة ممكن نعملها يوم 16 الثلاثاء الجاى فى اعتصام للاوائل امام مجلس الوزراء وفى مجموعة من الاجراءات هنحاول نوصل ليها ونفهمها بجد لان كل واحد عايز يشوف مستقبلو وشغلو المتعطل وننسا مووضع التعيين دا لو هو مش هيحصل ربنا يجزيك خير عن كل حاجة بتقدمهالنا

[sherif 20II]

بسم الله الرحمن الرحيم....أنا عضو جديد من أوائل المنصورة و الحمد لله لقيت اسمى على موقع الأكاديمية رقم 13 فى ال 20 الأوائل
رمضان كريم على الجميع.... سؤالى للدكتور عبد الرحمن ....أنا دفعة 2009 ولسه مسجل تمهيدى ما جستير السنة الدى 2011 ...من كلام حضرتك الأرجح هيكون التعيين بأثر رجعى يعنى أنا ممكن أتعين السنة الجاية وطبعاً انا نفسى النهاردة قبل بكرة
اللى سمعته أنه اللى هيحضر ماجستير ممكن يتعين معيد بالجامعة.... أنا اسمى ممكن أدخلوا فيهم لو تأخر تعيينى...على الأقل أكون استفدت بانتظارى وبدل ماتعين ادارى أتعين معيد؟؟؟؟

[boskovice]

السلام عليكم

وحمد الله على سلامتك يا دكتور عبد الرحمن وكل سنة وانت طيب

بس حبيت اوضح حاجة


لو الحكومة نفذت اقتراح كل سنة دفعتين او دفعة دة يبقا الدفع الجديدة كدة بيس

واللى اتبنى هيتهد تانى مش دى حكومة ؟ ليها مسؤليات ؟ لازم تتعب ؟

لازم تعانى ؟ حكومة لية ؟ عشان تحل المشاكل مش تتهرب من المشاكل


يعنى دفعة 2010 تستنى 3 سنين عشان تتعيين ؟ يبقا كنتو توقفو التعليم العالى لحد ما توظفووو

الدفع الى فاتت بقا لية نظلم دفعة 2009 و 2010 و 2011

التعيين للكل لائما بلاش ودفعة واحدة لو الحكومة مش اشتغلت وتعبت دلوقت هتتعب وتشتغل امتة

لما حسنى مبارك جديد يوصل شعار الحكومة ( حكومة متواطئة حكومة فاشلة )

انا عن نفسى دفعة 2010 وحقى اللى مقدرتش اخدة بالمجان هاخدة بالفلووووووووووس

وطظ فى زل الحكومة للواحد الشغل موجود والله العظيم وكثيرررررررررررررررررر ويفووووووووووق

العدد دة بس حكومتنا بتستهبل وتقولك مفيش درجات لا فى كدابين كفاية زل وكفاية تباطئ وتواطئ فى كل

حاجة ( حكومتنا = شاهد مشفش حاجة )


وربنا يوفق الجميع ولاخر مرة بقولها الاعتصامـــــــــــــــــــــــــ هينفذ مطالبكم وهتعرفوو ان الحكومة بتتحجج

والوظائف موجودة

[sherif 20II]

انا متفق 100% مع boskovoice أنا فى الأول كنت شايف أنو كتر الاعتصامات هيعطل مصالح البلد بس بصراحة لما الموضوع بقى يخصنى اكتشفت أنو البنزين اللى بيحرك مصالحنا ... و الشئ الوحيد اللى يخليهم يعينوا الناس كلها السنة الدى هو... الأعتصامات

[كيميائى اسلام الشاعر]

موجود يا كيميائى بس مش عارف اقول اية


هههههههههه


الحكومة متباطئة فى كل حاجة ومنفضة لاوائل الجامعات كل اهتمامها حاليا بالازهر


وحملة الماجستير ودة طبعا لان اوائل الازهر رجالة دايما قد المسؤلية بالاعتصامات

ومن خلال دة صوتهم وصل للمسؤلين فبداوو يخافوو من الازهر وبكدة ماشيين فى موضوعهم


كل الى اقدر اقولة ان البلد لسة بايظة النظام السابق لسة موجود مش اتغير سواء الكبار

لسة الصغار موجودين وهما دول اساس كل حاجة حكومتنا عاوزة الاعتصامات والعنف

مش عاوزة الاحترام عشان الحق يظهر لازم اعتصامات حتى تنفيذ المطالب

وكل كلمة بتتقال قريبا وبدانا دة مجرد تخدير للاوائل لحد الانتخابات

صدقونى مفيش حل غير الاعتصاممممممممممممممممممممم

وربنا يوفقكم ويجبلكم حقكم المرة دى



انا رأيى من رأيك يا بوسك كل ده مجرد تخدير لحين حدوث انتخابات مع كامل الاحترام لكلام الدكتور عبد الرحمن -اللى بقوله الأول حمد الله على سلامتك و كل سنة وحضرتك بألف صحة و سلامة - بإن قرار التعيين مش توصية و إن دة قرار وزارى لا يلغيه الا قرار وزارى ولكن أنا شايف و دى رؤية شخصية إن حال البلد لا يستوعب لا موظف زيادة ولا خمسة ولا عشرين وأساسا هو ذلة لسان وزير مش عارف البلد هتستوعب موظفين أد إيه ازاى أخد قرار العشرين من غير ما يرجع للتنظيم والادارة الأول مش العكس لإن أنا شايف إن الآلية ماشية بالعكس بمعنى ان الوزير يرجع للتنظيم والادارة يشوف عشان يعرف الدولة ممكن تستوعب موظفين جدد أد إيه اللى هية الدرجات المالية ثم بعد كده يتم حصر الأوائل اللى يشغلوا الدرجات دى و فقط مش اقوم مطلع قرار وانا قاعد بمنشة و الجو حلو و طراوة بتعيين العشرين الاوائل ثم بعد كده الاقى مفيش و ظايف للناس اللى عشمتها دى و نقوم نكسر طموحهم و نفقدهم الثقة فى أى قرار سيادى بيتاخد ..

عموما ربنا ييسر الحال يعديها على خير..

[meslmat]

السلام عليكم ورحمة الله وبركاته
وكل عام وأنتم بخير وغفر الله لنا وةلكم الذنوب وتقبل الله صيامنا وقيامنا





كلمة للدكتور عبد الرحمن المنياوى

لماذ كل هذا الحب والشوق اليك
فى العالم الافتراضى والمنتدى


انا بصراحة بحقد عليك " قلبى قايد نار "
ما السبب
فى كل هذا الاحترام
ولماذا انت دون غيرك
الكل يغيب ولا يسأل احد عنهم
اما انت فالكل متلهف عليك
منتظر لنصحك
ولرأئيك النافذ
وبصيرتك الحادة
ومعلوماتك الدقيقة
وكلماتك الرقيقة
.................



من أجل ذلك أنا احقد عليكم



والسلام عليكم ورحمة الله وبركاته

[meslmat]

من أجل ذلك أنا احقد عليكم

[خالد عقيبى]

يا ترى ايه الجديد فى تعيين أوائل الأزهر معيدين المفترض أن اليوم الأحد كان اخر ميعادللانتهاء من الاجراءات والبيانات المطلوبه من الجامعه بناءا على ما نشر فى اليوم السابع هل انتهوا بالفعل أم سيتم التأجيل كالعاده