سؤال لو سمحتم حاجة خفيفة كدا

[Academy of the Face]

انا انور بصو هو انا جايب مجموع 316.5 يعني 77.1
وقدمت حقوق اليكس ودي اخدت من 281

وانا مستخسر بصراحة المجموع خصوصا اني فاشل حبتين المهم
انا جبت في الانجلش في السنتين
27.5

وفرنش 41.5

وعربي 18+18.5

يعني انا في اللغات مأفور شوية تفتكرو اي قسم من الاقسام يناسبني ولا مفيش خالص
بالله عليكم تردو .. .

[tarek-10]

تقدر تشوف هنا مكتوب جميع اقسام كليه اداب لو عايز تختار

http://www.thanwya.com/vb/showthread.php?t=86282

[bent aboha]

الف مبروك ع المجموع
حقوق مش وحشة بالعكس جميلة جدا
وانك داخلها بمجموع عالى لك الاولوية فى كل حاجة وهتبقى متميز
شد حيلك فيها شوية وان شاء الله ربنا يكرمك
لو انت عاوز تدخل اداب شوف اى قسم انت مرتاح له
هو فى اقسام كتير حلوة
ما فيش حاجة مستحيلة ولا بعيدة ع ربنا

[Academy of the Face]

المشاركة الأصلية كتبت بواسطة tarek_elking

تقدر تشوف هنا مكتوب جميع اقسام كليه اداب لو عايز تختار

http://www.thanwya.com/vb/showthread.php?t=86282

انا مقدر تعب حضرتك بجد ميرسي بس تقريبا اللينك دة فية يعني ا ية تربية بس انا راضي بأي حاجة بس انا عارف انو بيعتمد علي مجاميع اللغة ...

المشاركة الأصلية كتبت بواسطة bent aboha

الف مبروك ع المجموع
حقوق مش وحشة بالعكس جميلة جدا
وانك داخلها بمجموع عالى لك الاولوية فى كل حاجة وهتبقى متميز
شد حيلك فيها شوية وان شاء الله ربنا يكرمك
لو انت عاوز تدخل اداب شوف اى قسم انت مرتاح له
هو فى اقسام كتير حلوة
ما فيش حاجة مستحيلة ولا بعيدة ع ربنا

انتي بجد رجعتي الامل فيكي وانتي فعلا بنت مصلا بس ممكن اسأل يعني يعني اية لك الاولوية .؟؟!

[bent aboha]

احنا فى وقت صعب كل واحد فينا بيبقى متردد
واكيد بنكون محتاجين نسال ونعرف

[هيدى عمر]

يا جماعة انا مش عارفة اعمل اية محتارةبجد انا جاتلى ادب وكمان مجموعى اكبر منها ب 2 فى المية وفى ناس كتير بيقولولى حقوق بس بصراحة مجموعى هيبقى عالى جدا جدا جدا على الحقوق وبجد مستخسراة لان الحقوق من بلدى واخدة من 66 فتخيلو بقى الفرق احول حقوق ولا اتوكل على الله واقدم ورقى وخلاص

[tarek-10]

المشاركة الأصلية كتبت بواسطة هيدى عمر

يا جماعة انا مش عارفة اعمل اية محتارةبجد انا جاتلى ادب وكمان مجموعى اكبر منها ب 2 فى المية وفى ناس كتير بيقولولى حقوق بس بصراحة مجموعى هيبقى عالى جدا جدا جدا على الحقوق وبجد مستخسراة لان الحقوق من بلدى واخدة من 66 فتخيلو بقى الفرق احول حقوق ولا اتوكل على الله واقدم ورقى وخلاص

طالما مجموعك يدخلك اداب توكلى على الله و قدمى ورفك ,, هوه اساسا حقوق صعبه فلو مش حاباها متدخليهاش ,, دا يعتمد على رغبتك برضه يا هيدى .

[tarek-10]

المشاركة الأصلية كتبت بواسطة academy of the face

انا مقدر تعب حضرتك بجد ميرسي بس تقريبا اللينك دة فية يعني ا ية تربية بس انا راضي بأي حاجة بس انا عارف انو بيعتمد علي مجاميع اللغة ...

لأ اللينك ده فى جميع اقسام اداب .

[bent aboha]

المشاركة الأصلية كتبت بواسطة هيدى عمر

يا جماعة انا مش عارفة اعمل اية محتارةبجد انا جاتلى ادب وكمان مجموعى اكبر منها ب 2 فى المية وفى ناس كتير بيقولولى حقوق بس بصراحة مجموعى هيبقى عالى جدا جدا جدا على الحقوق وبجد مستخسراة لان الحقوق من بلدى واخدة من 66 فتخيلو بقى الفرق احول حقوق ولا اتوكل على الله واقدم ورقى وخلاص

والله انا كنت زيك بردو يا هيدى مجموعى يجيب حقوق وتربية اساسى بس انا جاتلى اداب
وقررت باذن الله انى اقدم ورقى على اداب وهى فيها اقسام كتير حلوة
وكمان حقوق مش وحشة دى جميلة جدا بس لازم الى يدخلها يكون بيحبها لانها صعبة
ربنا يوفقك باذن الله

[هيدى عمر]

طيب انا خلاص هتوكل على الله واقدم ورقى بس اية رايكو ادخل قسم علم نفس ولا اجتماع ناس بتقول علم الاجتماع سهل وحلو وناس تقولى لا علم النفس اسهل ولية مجالات يا ريت تقولو اية الاحسن منهم واقدر افهمو واجيب تقدير كويس فية وميكنش معقد لان فلسفة قالولى لو دخلتيها هدوجى فياريت ترتبولى من حيث الاسهل والى يتفهم مبين علم نفس علم اجتماع فلسفة

[bent aboha]

اهم حاجة انتى عاوزة ايه
اصل كل واحد هيقولك لا بلاش ده وادخلى ده
انتى كدة هتدوخى نفسك شوفى نفسك هتتفوقى فى ايه
مش مشكلة الواحد يتعب اهم حاجة يلاقى نتيجة تعبه
وربنا معاكى ويوفقك باذن الله

[هيدى عمر]

يارب منا تايهة معرفش دا بيتكلم عن اية ولا دا بيتكلام عن اية ولا اعرف الدكاترة عاملين اية فعلشان كدا بسال ناس مجربة

[bent aboha]

مش تحيرى نفسك
انتى السنة دى كنتى بتحبى اكتر علم النفس ولا علم الاجتماع
ولو احترتى اوى ممكن تعملى استخارة
وربنا معاكى باذن الله

[هيدى عمر]

يا رب ان شاء الله دا الى هعملو وربنا يقدم الى فية الخير