فيه بنت محترمة تدخل المنتدي بعد الساعة 12 بالليل؟

[maha youness]

المشاركة الأصلية كتبت بواسطة yara attia

اسمحيلي اقولك حاجة

مش في حد هيدخل ويقولك اه رايك صح ولا موافق عليه

لان اساسا محدش هيقول كده

لان دي فكرة الناس المعقدة والمعقدة اوي اوي كمان وافتكر ان كل الي دخلوا رفضوا الفكرة

وهبه عندها حق الولد مسموح ليه ناه يقعد ليل ونهار والبنت يقولوا عليها مش محترمة !!!!

والله متهيالك المعقدين زي ما انت بتقولي ماااليين البلد بس فيه ناس منقدرشي نقول عليهم معقدين يعني مثلا تلاقي أخوك يرفض انك تسهري ع النت علي الرغم من انه واثق فيك برده ممكن يرفض باباك مش معني كده انهم معقدين فيه شيء من الحرص أما بالنسبة لموضوع الولد فزي ما انت عارفة وكلنا عارفنا في مجتمعنا الأكثر من رائع ده الولد ولد مفيش حاجه تمسه حتي ولو عمل مليـون حاجة غلط يعني موضوع تاني مش ليه علاقة بالدين ولا الأخلاق

[maha youness]

صحيح مش أخدت باااااااااالي انتي بتقولي مفيش حد هيقول علي رأيك أولا انت لو قراتي الموضوع مظبووط كنت عرفتي ان ده مش رأيي وانا مش معاهاااااااا خاااااااالص ده رأي بعض الناااااااس وشكرا علي مرورك يا جميلللل

[عبد الله الرفاعي]

رفقا بالقوارير ...........
يعنى البنت من بعد ما بتخلص دراسة وتقعد من المدرسة ومن الدروس بتكون رهينة البيت لا بتخرج ولا بتروح ولا الشارع بيشوفها طول فترة الأجازة غير لو فى زيارة عائلية أو حاجة زى كدا ، وفى بنات كتير بيقتلوا الملل دا عن طريق القعدة قدام الكمبيوتر والنت والمنتديات ، وطالما إن المنتدى اللى البنت مشتركة فيه محترم يبقى ايه المانع انها تسلى وقتها قدامه وخصوصا انها بتستفيد وبتفيد ولا لازم نكتم على قلبها لحد ما تموت من القهرة وتكون الحبسة والسجن برة وجوه وساعتها البنت بتكون عاملة زى الشاعر الكبير أبو العلاء المعرى ..... (رهينة المحبسين).

[heba nabil]

المشاركة الأصلية كتبت بواسطة yara attia

اسمحيلي اقولك حاجة

مش في حد هيدخل ويقولك اه رايك صح ولا موافق عليه

لان اساسا محدش هيقول كده

لان دي فكرة الناس المعقدة والمعقدة اوي اوي كمان وافتكر ان كل الي دخلوا رفضوا الفكرة

وهبه عندها حق الولد مسموح ليه ناه يقعد ليل ونهار والبنت يقولوا عليها مش محترمة !!!!

ايوة معاكي حق يا يارا...

ويامها لو البنت واثقة من نفسها تدخل مدام هي عارفة انها مش بتعمل حاجة غلط والي يتكلم عليها يتكلم هو حر بس اهم حاجة انها واثقة في نفسها

[نقاء الروح]

نظرة سطحية جداً ..

[maha youness]

المشاركة الأصلية كتبت بواسطة عبد الله الرفاعي

رفقا بالقوارير ...........
يعنى البنت من بعد ما بتخلص دراسة وتقعد من المدرسة ومن الدروس بتكون رهينة البيت لا بتخرج ولا بتروح ولا الشارع بيشوفها طول فترة الأجازة غير لو فى زيارة عائلية أو حاجة زى كدا ، وفى بنات كتير بيقتلوا الملل دا عن طريق القعدة قدام الكمبيوتر والنت والمنتديات ، وطالما إن المنتدى اللى البنت مشتركة فيه محترم يبقى ايه المانع انها تسلى وقتها قدامه وخصوصا انها بتستفيد وبتفيد ولا لازم نكتم على قلبها لحد ما تموت من القهرة وتكون الحبسة والسجن برة وجوه وساعتها البنت بتكون عاملة زى الشاعر الكبير أبو العلاء المعرى ..... (رهينة المحبسين).

بجد كلام أكثر من راااااائع ياااااا ريت كلنا نشوف الموضوع من الزواية دي

[maha youness]

المشاركة الأصلية كتبت بواسطة heba nabil

ايوة معاكي حق يا يارا...

ويامها لو البنت واثقة من نفسها تدخل مدام هي عارفة انها مش بتعمل حاجة غلط والي يتكلم عليها يتكلم هو حر بس اهم حاجة انها واثقة في نفسها

أكيــــــــــد عندك حــــق بس لازم نسمع وجهه نظر الآخر ولا ايه

[maha youness]

المشاركة الأصلية كتبت بواسطة نقاء الروح

نظرة سطحية جداً ..

يا ريتها سطحية وبس لو فيه حاجة فوق السطوح تبقي هيااا هههههههههه

شكرا علي مرورك يا جميل

[المياة]

ايه الكلام ده ما اللي عايز يبعت رسايل هيبعت ولو حتى في عز الظهر

هو مثلا هيقابلها ولا حاجه فلازم بالليل علشان محدش يشوفه

طبعا كلام ملهوش اساس

[scream angle]

ههههههههههه شئ مضحك بجد انا واصحابى بندخل بالليل عادى المهم اننا مش بنكلم حد ولا بنعمل حاجة غلط وعلى راى البعض يعنى احنا فى الشارع ما احنا فى بيتنا

[نسمه يسرى]

بجد مش عارفه اقول ايه
وفيهاا ايه زى ماهو بيقعد هى بتقعد حتى لو لحد الصبح هىى فى الشارع ده فى بيتهاااااااااا

[بسمة123]

انا اول مادخلت الموضوع دة فكرت ان صاحب الموضوع بيهزر
بصراحة موضوع تافهة اوووى معلش دة رايى

[LoOoLy El Treikawya]

المشاركة الأصلية كتبت بواسطة usernamo

لا و النبى !... يعنى اللى تخش بليل متأخر تبقى كفرت و تبقى مش محترمة .. ليه هى داخلة المنتدى مش لابسة كويس !! حاجة تضحك و الله .. و لا المنتدى ده فى اول الشارع ولا ايه ..

ههههههههه هى كدة هترجع البيت متأخر اوى

المشاركة الأصلية كتبت بواسطة herocaeaser

يا جماعه اللي حصل ده مبدا من مبادئ علم النفس
نوع من الارتداد النفسي العكسي
يعني مبعني ادق انت معملتش اللي انت عايزه ف اخليك تحس بالذنب او اخليك تبص لنفسك بطريقه وحشه
و طبعا ماقيهاش حاجه خالص انها تعد لحد تاني يوم حتي بس غلط علي العين
و السلام عليكم

مع حضرتك حق .. كلام تمام

بس احيانا بيبقى دة الوقت اللى فاضية فيه او اى ظروف ودة منتدى تعليمى محترم وكمان ولا فيه شات ولا شئ يعنى اللى بتدخل بتدخل تشوف توبيكات وموضوعات اغلبها موضوعات هادفة

وشكرا على التوبيك اللى خضنى دة

[engi11]

هههههههه حاجه تضحك والله
وهى تفرق ايه يعنى
ماهى قاعده الصبح زيي فى الليل
ومش هاتفرق
انا مش متفقه مع الراى اللى بيقول ماينفعش تدخل بهد12 منتصف الليل ده دا رايي غلط ومش معقول ومش مضبوط بالمره
وبعدين يعنى هى داخله فين هى داخله حاجه عيب ولا حرام دى داخله منتدى تعليمى وثقافى

[منار على]

بصراحه انا بشوف ان اللى رايه كدا يبقى حاجه من اتنين اما متخلف وسطحى وخساره مناقشته واما من الناس اللى سلوكياتهم مش مظبوطه يعنى انا مثلا لو شخصيه مش مظبوطه وداخله اعمل حاجه غلط وبشوف ان بالليل هو افضل وقت
طبيعى انى هشوف غيرى زيى ودا واضح جدا من الحوار اللى فى الموضوع واللى بيشوف ان بالليل وقت الغلط اكبر بالنسبه للبنت بصراحه منطق غريب الرقيب على اى بنت هو ضميرهاوخوفها من ربنا ودا بيرجع لتربيتها ولو اى بنت عازت انها تعمل اى حاجه فى اى وقت حتى لو الساعه 3 العصر هتعملها ومحدش يقدر يمنعها حتى لو عليها رقابه 24 ساعه
كمان دى واحده قاعده فى بيتها ايه المشكله يعنى والله حسيت من الكلام انها سايبه بيتها وداخله مكان مشبوه ولا حاجه زيها زى ماتكون قاعده تتفرج على فيلم بالليل بعد 12 ايه الفرق بين كدا وانها تدخل تشارك فى منتدى محترم بعد الساعه 12 لو حست بالزهق مش جريمه يعنى لكن هنعمل ايه بقى فى العقول اللى مش مظبوطه