مسيرة لطلاب الثانوية العامة والمغتربين تتجه إلى ماسبيرو

[medo star 2]

خرج عدد من طلاب الثانوية العامة والمغتربين من أمام مقر وزارة التربية والتعليم العالى متجهين إلى مجلس الوزراء، حيث توقفت المسيرة 10 دقائق ثم توجهت إلى شارع وزارة الداخلية ثم توجهوا الى مبنى ماسبيرو، للتأكيد على مطالبهم والمتمثلة فى إلغاء الاختبار التحصيلى الذى لابد من اجتيازه بالنسبة للمغتربين بعد امتحانات الثانوية العامة، وتقليل نسبة القدرات من 15 إلى 20%، وزيادة نسبة القبول فى الجامعات بمعنى زيادة مقاعد المغتربين بالجامعات.

وتتمثل مطالب طلاب الثانوية العامة فى خفض درجات تنسيق العلمى من 93.9 إلى 90%، مطالبين بمراعاة الظروف وأحداث الثورة وتأثيرها على المذاكرة ، مشيرين إلى أن عامل الفراغ يتيح أماكن أكثر للطلبة بالجامعات، كما طالبوا بضم الجامعات الخاصة إلى الجامعات الحكومية لتمكين الطلاب من الالتحاق بالكليات المرغوبة بتكاليف منخفضة.

مرددين هتاف "يا وزير يا وزير التنسيق فيه تزوير، الطلبة تريد حد أدنى جديد، يا أهالينا انضموا لينا التنسيق هيقضى علينا".

[x_hunter2008]

انا شايف ان الثورة ماثرتش عليهم لوحدهم دى اثرت على الطلبة كلهم . والتنسيق مرتفع عشان المجاميع مرتفعة مش اكتر وشايف ان كلية الطب والهندسة هما اللى موجودين بس فى كليات تانية كتير تستحق الاهتمام بس طريقة تفكيرنا دى هى اللى ودتها فى داهية وممكن تودى مصر كلها فى داهية !!! (مجرد رأى)

[مى فاروق]

نفسى ينزلوا كليات القمة للادبى ل91,2

[kamel51]

انا مش فاهم بيقلولك عشان ظروف الثوره اومال الأمتحانت الل جات دى كانت عشان ايه ده مستوى الأمتحان كان اقل من العادى يعنى الراجل يعمل ايه

[فهف]

انا جايب 94% يعنى مش هحصل هندسة
بس بصراحة الأمتحانات كانت سهلة يعنى طبيعى المجاميع عالية أنا ترتيبى 19655 على الجمهورية و هندسة طول عمرها بتاخد حوالى 18 الف بالنسبة للدفع الفراغ إمكانيات الجامعات ما تشيلش العدد الكبير فلو سمحتم نشغل دماغنا و بلاش عواطفنا
2007 الأمتحانات كانت سهلة جدا التنسيق كان عالى
2008 الأمتحانات كانت صعبة جدا التنسيق كان واطى
والله العظيم أنتوا كده بتستغلوا الثورة و بتستهزأوا بأرواح الشهداء حرام عليكم
يعنى الشهداء ماتو عشان يكون فى حرية مش كل واحد ليه مصلحة يعمل مظاهرة خليكوا قد المسئولية حرام عليكم

[x_hunter2008]

المشاركة الأصلية كتبت بواسطة فهف

انا جايب 94% يعنى مش هحصل هندسة
بس بصراحة الأمتحانات كانت سهلة يعنى طبيعى المجاميع عالية أنا ترتيبى 19655 على الجمهورية و هندسة طول عمرها بتاخد حوالى 18 الف بالنسبة للدفع الفراغ إمكانيات الجامعات ما تشيلش العدد الكبير فلو سمحتم نشغل دماغنا و بلاش عواطفنا
2007 الأمتحانات كانت سهلة جدا التنسيق كان عالى
2008 الأمتحانات كانت صعبة جدا التنسيق كان واطى
والله العظيم أنتوا كده بتستغلوا الثورة و بتستهزأوا بأرواح الشهداء حرام عليكم
يعنى الشهداء ماتو عشان يكون فى حرية مش كل واحد ليه مصلحة يعمل مظاهرة خليكوا قد المسئولية حرام عليكم

ونعم الكلام والله انت بتفهم وباذن الله تلحق هندسة عشان مش كل اللى قابليك هيدخلوا هندسة بس منهم اللى بيدخل بترول ومنهم البنات اللى ساعات بيدخلو الكليات الادبية زى سياسة واقتصاد او السن او اعلام وبعض الطلبة اللى بيدخلو فنية عسكرية او كليات تانية هما بيفضلوها اكتر من هندسة حتى وحتى لو ملحقتش هندسة تفكيرك ده باذن الله هيخليك حاجة حلوة فى اى كلية تدخلها وربنا يوفقك ويوفقنا كلنا باذن الله