اعتذار واجب ... و توضيحا بسيط

[محمد ابو مريم 84]

فعلا انا بعترف انى كان كل همى اعرف زيادة المرتب عشان بجد نبطل دروس ونشتغل بجد فى مدارسنا
وبعدين فوجئت اننا بجد اصبحنا بعاد كل البعد عن الطالب .. يا جماعة والله هتحاسب على كل دا .. وبعدين انا مقصدش معلم الرياضيات بصفة خاصة دا موقف حصل واقسم بالله 75% من الفصل اللى محلش الاسئلة دى بيعرف يكتبوا بامتياز ايها المعلم الحزين .. انت تعرف ان تدريس الرياصيات من اسهل المواد حضرتك .
بمقارنة بسيطة انا عندى اخين لى واحد فى البيترول والتانى فى البنك وابن عمى فى الكهرباء والله بيشتغلوا طحن بتاع البترول بيخرج من 7 الصبح ويرجع المغرب واحيانا بعد 10 بالليل . وبياخد كام 1800جنيه .. بتاع البنك بيروح الساعة 8 ويرجع تلاتة وطوال الوقت طالع عينه حسابات وقرف واكيد كلنا بنتعامل مع البنوك وبنشوف القرف اللى هما فيه وكام مرتبه 1600 جنيه.. بتاع الكهراباء تقريبا من 8 الى تلاتة طبعا غير الواردى الليلية ودى مشكلة على فجأة اجروا هاتوه يتصل بالليل فى سلك وقع اجرى وكام مرتبه 1600 جنيه .
احنا بقى بسم الله ما شاء الله هما اربع حصص عمى فى اليوم يعنى حوالى 3 ساعات شغل ضيف على دا مدرس يقولك انا بروح على حصتى وامشى بعدها يعنى لو بتروح الشغل 8 زيهم فبتروح 11 الصبح انا واحد بروح المدرسة 10 وامشى 1 الظهر " عارف انى مقصر " لاكن خير الخطّّائين التوابين .. ويوم ما الناظر يكلمك او موجهك ينقدك نقوله يا عمى دول طلبة بهايم ومش نافعين ... طب بنقبض كام 407 جنيه بالاضافة الى مكافأة 1600جنيه يعنى حوالى 133 جنيه شهريا اى 407 + 133 = 540 جنيه شهريا . فى شغل 3 ساعات والله يا بلاش لو بقى اشتغلنا ما يقرب من 8 ساعات ، نحسبها سوى تبقى الساعة حوالى بـ6 جنيه اليوم 18 جنيه الشهر 540جنيه
لو بقى اشتغلنا الـ8 ساعات هيكون اليوم بـ48 جنيه يبقى الشهر 1440 جنيه .. ايه رايكم مش اكتر من الحد الادنى اللى ممكن يقرروه . انا عن نفسى قسمت بالله يوم ما مرتبى يزيد الى 1000 جينه هبطل درووس نهائيا وهشتغلها مجانى لوجه الله وفى المدرسة ك يوم 4 ساعات عشان مديش لنفسى فرصة انى اشتغل دروس ..
انا اشتركت فى موقع اسمه رؤية واقترحت فكرة تخص التعليم وهى ان يتم قسمة الفصول فى المدرسة على اتنين وتبقى كل المدارس فترتين طبعا مع توفير مدارس جديدة عشان تستوعب العدد بعد القسمة بالتالى نسبة الكثافة فى الفصول هتقل كتير هتبقى حوالى من 15 الى 25 طالب " تقريبا فى حجم مجموعة درس " هيبقى نصيب الطالب الواحدم من الحصة ما بين دقيقتان او ثلاث دقائق .. طبعا نتم عارفين الفرق هيبقى كبير جدا جدا
وبالنسبة للمعلمين القائمين بالتريس حاليا هيبقم هما معلمى الفترتين الاولى والثانية وده ليه ؟ عشان عدد الساعات تزيد ونقدر ماليا على الوجه الامثل .. واهم شئ يروح المدرس تعبان مش فاضى الا لينام له ساعتين ويضيع عليه اى وقت ممكن يدى فيه درس .. وطبعا المدارس اللى هتتبنى جديد لاستوعاب العدد بعد القسمة كذلك ستستوعب اعداد كثيرة من خريجى التربية الجدد . طبعا اليوم كله هيكون دراسة . مثلا اسرة عنده 3 اطفال فى المدرسة هيكون منهم 2 الصبح و 1 مسائى المجتمع كله هيبقى مشغول بالتعليم فترة طول النهار والليل هيكون لمتابعة التلاميذ " طبعا دا من الاسرة " ويا سلام " دا بجملة الاحلام " يكون هناك منتدى جميل مثل هذا المنتدى لمشاركة الطلبة لمدرسيهم ويا حبذا ان يكون لكل مدرسة منتدى او صفحة .
بالذمة مش ممكن نتغير
اسف لو كان حد فهم موضوعى السابق خطأ
"والاختلاف فى الرأى لا يفسد للود .... " شكرا

[tatateto]

لاء ما هو حضرتك ما تتشرطشي علي ربنا وتقول يوم ما مرتبي يبقي 1000 جنيه هشتغل بما يرضي الله واقعد في المدرسة ال8 ساعات وابطل دروس خصوصية لاء احنا نشتغل بما يرضي الله من غير حاجة وصدقني لما تبص لعيالك وتلاقيهم كويسسسسسيييين دة عندك بمليوووووون حنيه شهري والله يا جماعة انا بشتغل مدرسة عربي يعني طالع عيني والله ما بدي دروووس وبيجيلي ولي الامر يطلب مني ادي لابنه دروس لكن برفض انا مش عايزة غير الدعوة اللي بيدعيهالي ولي الامر علشان خاطر ابنه دي بتقعد لي في عيالي ودة عندي بالدنيا
ربنا يخليلي عيالي التلاتة ويباركلي فيهم واشوفهم احسن الناس انا وصاحب الموضوع
وربنا يهدينا جميعا

[mohammed ahmed25]

بعد اذن حضرتك احنا اهم وافضل من الكهرباء و البترول و المحاسبين

و كل مهنه لها طبيعه واوقات معينه ولها متاعب خاصه بيها

اى نعم مرتبنا قليل و صداع طول اليوم لكننا صابرين

ومن الامانه انك لا تتعطى دروس خصوصيه , اذا كنت حاسس بشرف المهنه فعلا

_____ _______ ______
طبعا الواقع ان البترول والكهرباء افضل من المدرسين و ده لأن الناس تنظر للمرتب الأعلى , وممكن الفكره تختلف تماما عن كده اذا اهتمت الدوله بالتعليم , وبعدين المفروض ان البترول وغيرها من الوزارات بتجيب دخل للدوله وكل وزاره تتساوى فى المرتبات و حتى لو كانوا بيشتغلوا وقت اطول ,فهذا لا يعنى ان يكون راتبهم اكثر ... يعنى بياخدوا اكثر من حقهم...مش هى دى العداله الاجتماعيه

[رضا عبد الحميد عبد الرازق]

أنا مدرس زيك ونفس مرتبك وبعطى دروس لأن فعلا المرتب لايكفى لأن عائلتى كبيرة جدا حوالى 10 أفراد فلازم أعطى دروس ولكن المشكلة ليست فى الدروس المشكلة فينا أحنا لازم كل إنسان يعامل ربنا فى شغله ويتقى الله فى عياله

أنا مثلا حتى لا اعطى سبيلا للشيطان لكى يدخل لى كنت بدرس 3 ع بنين ارفض ان أعطى دروس لسنة تالتة اعدادى وهكذا ودروسى والحمد لله من المدارس الاخرى والفرق الاخرى لدرجة ان الموجه والله العظيم لام عليا كثرة الشرح والقواعد التى داخل الحصة
اذن اتقى الله فى شغلك يشفى لك عيالك ويبارك لك فى القليل وصدقونى هذا واقعى الذى اعيشه

نسيت أقول لازم يكون فى دخلك نصيب للمساكين والمحتاجين

[حسام جوهر]

ربنا عالقوي و هو اللي هيجبلنا حقنا

[اميرة مهران]

ربنا معاكم بتحاسبوا انفسكم انتوا احسن من الى شغالين فى الوزارة مش بيحاسبوا انفسهم ولا بيراعوا ربنا كفايه انكم انتم بتفكروا تراعوا حق الله

دا اهم شىء جزاك كل خير يا استاذ محمد

[حنين الحسينى]

انتى بتكلم على 3حصص فى اليوم فى مدرسين شغالين38حصه في الاسبوع
بمعدل 7حصص يوميا ليه لان فى نقص فى تخصصهم
فى تحضير فى درجات اعمال سنه فى امتحانات وتصحيح
بالاضافه لمصاريف icdl والدبلومه

[ahmedzoer]

ياريت من الجميع المشاركة وبلاش سلبية
دة حقنا ومش هنفرط فية ان شاء الله
وللاخوة اللى بتقول بلاش مظاهرات اقولهم سمحونى دة حقنا مش هنفرط فية احنا مش بنعمل حاجة غلط ولا حرام
وغير كدة انا كنت كتبت مشاركة مرة ان الجميع يوقع على عريضة للمطالبة بحقوقنا
ياريت ياجماعة نفعل موضوع العريضة دة ونبداء بة فى اقصى وقت ان شاء الله وانا اول واحد باذن الله هجمع اكبر توقيعات باذن الله
بس لو فية حد ممكن يكتبلنا مسوغة العريضة دى يبقى مشكور جدا
وياريت نتواصل كلنا ويبقى لينا قيادة على المنتدى نجمتع عليها كلنا ويتكلم باسمنا ويكون مسئول امام الله وامامنا عن مطالبنا
يارب نتحد ان شاء الله
ووفقنا الله جميعا

[fikry4000]

التدريس من اصعب واخطر المهن عشان كده المدرس له تقديره ومكانته في كل دول العالم الا مصر للاسف واظن ان بغض النظر غن المرتبات اللي لا تكفي حق المواصلات اليوميه فقط فاغلب المدرسين يعتبرون التدريس رساله ويعطونها حقها وان كانت كلل الظروف ضدهم من طلاب مستهترين بالمدرسه وادارات لا تقدر المعلمين وضعوط من كافة النواحي ولا يجوز مقارنة المدرسين باي مهنه لان لا يوجد مهنه ترقي لخطورة وصعوبة ومعاناة التدريس فالمدرس منالثامنه صباحا الي الثالثة عصرا لا يهدا من معاناة الحصص وتحضير الدروس وتصحيح الامتحتانات والواجبات والانشطه فحقا صدق قول الشاعر القائل
يا من تريد الانتحار وجدته ان المعلم لا يعيش طويلا