الغربية000اتنصب علينا ولا اية؟

[s.skr79]

الموضوع فى الغربية تشوية شائبة فلاجراءات مختلفة عن كل محافظات الجمهورية فلا يوجد خطاب ترشيح ولايتم ارسال اقرارات القيام بالعمل الى الماهيات ولا الحسابات وانما تبقى فى قسم التعيينات

المهم انى سألت رئس قسم التعيينات فى موضوع ضم السنوات السابقة من خلال استمارة (103)
وكان ردة استنى لما يطلعلكم قرار التعيين فقلتلة هوة لسة مطلعش امال اية قرار المحافظ رقم 2549 واية قرارى الوزير رقمى 53 و 74 قام قللى بصوا مريحنيش لا هوه انتو اتعينتوا بس لسة مطلعلكوش قرار لان الاجراءات دى كلها اتعملت علشان يهدوكم خصوصا وان عقدكم انتهي والقرارات دى مش كانت هيه المطلوبة ولكن المطلوب هوة قرار التنظيم والادارة لكن اللى حصل دا كلة ميعتبرش اى حاجة اتعملت لحاد ما يجى قرار التنظيم والادارة ثم يعتمد من المحافظ بعد كدة ويتبعت للتربية والتعليم لاستصدار الامر التنفيذى ليتم بعد ذلك التعيين بشكل صحيح


ارجوا من الجميع عمل التحليل اللازم لهذة التصريحات حتى نصل معا الى الحقيقة حتى ولو كانت مرة كى نتحرك بسرعة فى الاتجاة الصحيح لان شكلنا بينضحك علينا ولا اية؟

[s.skr79]

الواحد مش مستريح

[aleman]

ربنا يكرمكم يارب ويكرم الجميع

[عمروو كمال]

هيه الدنيا ملخبطة كدة ليه؟

[سمسم رشاد]

الاجراءات مالها دى كمان مفيش مشكله فى الاجراءات متقلوقوناش والنبى احنا عملنا الاقرارات القيام بالعمل وتم توزيعها على التعيينات والمهيات والاجازات والتوجيه وكله وكمان طلبت مننه الاداريه فى المدرسه 10 اقرارات وتم عملها النهارده ورحنا للتعينات قلولنا الملف بتاعكو كله هنا مش مطلوب منكو اى حاجه تانيه ومكتوب فى الاقرارات الدرجه التالته ايه اللى قلقكوا بقى فهمونا

[biro2010]

يا جماعه قالو الى مر عليه اكتر من3 سنين واحنا بقالنا7 ايه الحكايه وهنعمل ايه لازم نتحرك لان القرارات بتيجى لحد المحافظه وتقف مش عارفه ليه لازم نفكرهم بينا ولا ايه؟

[ا/عبد الفتاح شبانة]

ارحونا يعم والله تعيين على الدرجة التالتة وتم تسجيل اسمنا مع المعينين حسب الترتيب الابجدى وتسجيله على الكمبيوتر
الاخ ده حم مش عاوز اكمل لانهم كتير والحاقدين كتير مستكترين 13سنة خدمة

[حسام حبيبى]

يا جماعة الا قرارات وصلت المدارس اليوم انا من ادارة شرق طنطا واليوم حصلت على صورة اقرارات العمل وتوصيلها للمدرسة

[تسنيم رمضان محمد فرج]

احنا بس يا جماعة عايزين نتأكد هل هيجى لينا جوابات تعيين رسمية من الإدارات ولا لأ او يمكن احنا مش مصدقين لأن الأمور حصلت اسرع مما كنا نتخيل

[تسنيم رمضان محمد فرج]

وبعدين ياجماعة لو كانوا بينصبوا علينا ماكنش الورق راح التنظيم والإدارة
ولاكانوا هيصرفوا لنا كادر من أول شهر 3

[أ/محمد على عاشور]

والله اللى حصل عملتا اقرار قيام بالعمل فى المدرسة 10 نسخ وودناه الادارة مع صورة اخر عقد فقط
ولم يطاب مننا شىء اخر

[تسنيم رمضان محمد فرج]

بصراحة هو دى اللى قالق الواحد

[s.skr79]

بس عندتا فى كفر الزيات خدوا مننا صورتين فقط من الاقرار وحطو واحدة منهم فى الملف والتانية تنت معاهم وخلاص على كدا وبيقولوا لنا مفيش كادر دلوقت لسة بدرى على الكلام دة لما يجى قرار التنظيم والادارة

المهم انى اتصلت بالتنظيم والادارة وسألتهم وقالولى انهم فحصوا اوراقنا وخلصوها من يوم الخميس وبعتوها للجهاز فى مدينة نصر علشان يجيبوا الدرجات المالية ودا هياخدلة حوالى شهر تقريبا
والله الكلام دا اللى حصل بالضبط معايا النهاردة وكل واحد عقلة فى راسة يعرف خلاصة

[وليد غربية]

يا جماعه روقم بس احنا كنا فين وبقينا فين احنا الحمد الله عدينا 80% من المشور انا كنت بكلم مع وكيل الادارارة قالى احنا خلاص رقناكم على درجة معلم اما موضوع الدرجة دى مما تخلصها تبقى تبعتها برحتها المهم نتم خلاص اتسكنتو عندنا على درجة معلم وتنزل ليكم الدرجة الثالثة من التنظيم والادارة مع الامر التنفيذى

[وليد غربية]

بصم يا جماعه الامر التنفيذى ده مهم فى التعين طبعا انت اول ما اشتغلت بالعقد كان ليه امر تنفيذى برقم
اما قرار السيد المحافظ فدة لتسكين على وظيفة معلم وان شاء ينزل الامر التنفيذى فى القريب العاجل
مسئله وقت

يمكن كنت اول واحد منكم الى نادى بالواقفه قبل كدة علشان محدش يكتب عقد تانى وطالبنا بالتعين الناس عملو الى قدرو عليه نسبهم بس يشتغلو واحنا كدة كدة اقدميتنا محفوظة خلاص من 1/3
من تاريخ استلامنا على درجة معلم
نرجو عدم القلق واحنا اهو بنتحاور مع بعض ومفيش مشكلة للراى والراى الاخر

اخوكم فى الله