تعيين أ/ عمرو خالد وزير للشباب أرجو دخول الجميع

[MRsayedabbas]

كان ممكن يكون وزير فى العصر البائد لأنه مصطنع ويحب الظهور .
اما الان فنحن فى حاجة الى ناس مخلصين

[راجى طاعة الرحمن]

المشاركة الأصلية كتبت بواسطة عاصم حمزة

هو بصراحة إنسان محترم بس مش هيكون مطور طاقات الشباب
احنا عايزبن واحد يحس بالشباب ولا توجد لديه ميول طائفية
انا غير موافق لترشيحه

أحب أصلح لحضرتك معلومة:

الدكتور عمرو خالد ليست له أى ميول طائفية

[راجى طاعة الرحمن]

المشاركة الأصلية كتبت بواسطة mrsayedabbas

كان ممكن يكون وزير فى العصر البائد لأنه مصطنع ويحب الظهور .
اما الان فنحن فى حاجة الى ناس مخلصين

على فكرة عمرو خالد طردوا جمال مبارك برة مصر سبع سنين علشان كان عايز يتواصل مع الشباب ويعرف مشاكلهم ويقلهم على الحل المناسب

وطبعاً النظام البائد رفض كدة لأنه كان عايز شباب تافه وفاضى مبيفكرش فى حاجة مفيدة

واللى كان عاقل من الشباب دة شغله النظام السابق بإنه كيف يلاقى لقمة عيشه ويلاقى شقة يسكن فيها لما يتجوز

[هانى الشرقاوى]

أرفض بشدة

[بدر1973]

لا أوافق على هذا التعيين لأنه لايملك مؤهلات هذا المركز ولا مؤهلات الفتوى وكفايه عليه أكل العيش بالتكلم فى الأمور الدينيه .. آسف أكل الحلوى

[محمد خالد song]

طبعا المفروض يختاروا عمرو خالد أو غيره من الدعاة الشباب لإن شبابنا ينقصهم الإيمان بس أنا أختار عمرو خالد

[راجى طاعة الرحمن]

فى الحقيقة أنا لاأستطيع أن أقرر الآن لأن البلد فى وضع مش مناسب إن إحنا نختار وزراء جدد

خلينا مع حكومة د/شرف لغاية مانجتاز هذا المنحدر الخطير وبعدين نبدأ نرشح الحكومة الجديدة بالأشخاص اللى إحنا عايزينهم

[راجى طاعة الرحمن]

أنا دلوقتى مش بفكر فى الوزراء الجدد

أنا فى رأيى إن إحنا دلوقتى نبقى مع حكومة د/شرف لحد مانتخطى المشاكل دى

وبعد كدة نبقى نفكر فى الحكومة الجديدة المدنية اللى هى من اختيار الشعب والشعب يختار الشخص اللى هو شايفه مناسب فى الحكم

[ايثار حسن]

موافقة جداااا

و يا رب دا فعلا يتحقق لانه بجد حاسس بالشباب

اقتراح جميييييل بجد

[هويدا ابراهيم]

ارفض تماما

[أ/رضا عطيه]

يستحق بعد دوره العظيم فى المشكلة الأخيرة

[عبد الرحمن منتصر]

بالطبع لا اوافق

[الـشـيـمـ ء ـا]

اوافق بشششششششدة

لانه فعلا فعلا فى شباب كتير بتستجيب له و انه يعتبر مصلح اجتماعى وكمان كفاية بس مشروع الورش الجميل بتاعه دا
و للاسباب هى اللى موجودة فى معلومات الجروب اللى حضرتك حاطه

ان عمرو خالد قد نجح في تفعيل دور الشباب في مجال التنمية من خلال محاضراته في كثير من الدول العربية والأجنبية.

كما أنه طرح مشروعات تنموية في مجالات البطالة والصحة ومحاربة المخدرات وتشغيل الشباب, وهي أمور لم يقدمها أي داعية إسلامي من قبل.

كما أن عمرو خالد تجنب اتخاذ مواقف طائفية أو متطرفة تجاه أي فكر, وعرض فكرة التعايش وتقبل الآخر بشكل وسطي دون التفريط في الحقوق أو الهوية, مما جعل دعوته مقبولة لدي الشباب.

وهو أيضا رجل صاحب مبادرات وبيعرف يتواصل مع عقول الشباب واهدافه وبيعرف يجمع معظم الشباب ع قلب واحد
وراجل صاحب مبدأ وبيفكر ديما فالتنميه والتقدم

[scream angle]

المشاركة الأصلية كتبت بواسطة أحـمد قرنى

لا
أنتوا نسيتك أن عمرو خالد قال على الرسول إيه ، أليس هذا هو الشخص الذى ذكر بأن الرسول عليه الصلاة والسلام فاشل ، أليس هذا هو الشخص الذى ذكر بأن الاغانى حرام ولكن أغانى أم كلثوم مباحة لانها أغانى هادفة .
اتقوا الله فيمن تختاروا أن يمثلكم

اتقى الله انت هو لم يقول هذا هو قال ان المحاولة فشلت وليس الرسول اتقى الله فهو كان يدعو لعدم اليأس وتشجيع الشباب وضرب مثل محاوله الرسول


انا اوافق ان يكون رئيس للجمهورية وليس وزير فقط

[هويدا ابراهيم]

انا بحس انه وصولى وبتاع شهره