شغال فى غير تخصصك ....اجمع هنا بالخطوة السريعة (ارجو التثبيت للاهمية)

[ranad2003]

يا جماعة كل شغال فى غير تخصصة او مش فى نفس المرحلة اللى طلع عينة فى الكلية وذاكر واجتهد فيها ياريت كل الناس تيجى هنا تسجل اسمائها علشان نشوف عددنا اد اية وهنعمل اية ؟؟؟

[ranad2003]

مستر محمد ناصف كتبلنا صيغة فاكس جماعى نبعتة كلنا فى وقت واحد وهو


صيغة الفاكس

بسم الله الرحمن الرحيم
تظلم
السيد الأستاذ المحترم /
تحية طيبة وبعد
مقدمة لسيادتكم /
حيث انني حاصل علي ( بكالوريوس - ليسانس ) تربية عام قسم /
ونعمل بالمرحلة ( الاعدادية / الثانوية ) لفترة من الزمن وعندما تم التعاقد في التربية والتعليم تم التعاقد معنا (علي المرحلة الابتدائية ) وحاولنا بشتي الطرق تغيير التعاقد علي المرحلة المناسبة لنعمل في تخصصنا والمرحلة التعليمية المناسبة لة لكن نظرا لكثر الفساد والواسطة والمحسوبية في العهد السابق ضرب بكلامنا عرض الحائط وكانت النتيجة الحتمية لهذا الجمود هو اننا امتحنا علي تخصصات ومراحل لا تتناسب مع تخصصاتنا التي درسناها لمدة اربع سنوات فقد ادينا امتحان لمدة نصف ساعة ادي تغييير تخصصاتنا ومراحلنا فباللة عليكم كيف يغير امتحان هذه الاكاديمة العقيم ما تعلمناه 4 سنوات فان دل ذلك علي شئ يدل علي عدم اعتراف الدولة بجامعاتها العريقة
ولذا نرجو من سيادتكم العمل علي اصلاح ما افسدة النظام السابق واعادة الحق لأهلة وذلك من اجل تطوير التعليم في مصر وذلك بان يعمل كل مدرس في تخصصة و المرحلة التعليمية المناسبة لذلك

[Rafael.Nadal]

انا معاكم امتحنت الكادر ابتدائى بس انا خريجه تربيه عام هنعمل ايه بقا

[ا/عبد الفتاح شبانة]

والله انا معاك لانى مدرس دراسات ومتعاقد مدرس فصل

[mhegazi]

استاذي الموضوع ده متكرر وياريت نركز في مكان موضوع واحد
حتى الان لدينا خيارات
رفع قضايا كل مدرس بمفرده
رفع قضية جماعية
ارسال الفاكس المقترح في المشاركة السابقة
التجمع والذهاب للوزارة وانا لا اؤيد هذا الحل لانه كفانا مظاهرات

[wael mostafa]

القضايا مشوارها طويل
لازم يكون قرار سريع ومنشوار رسمى يصدر من الوزير بتعديل التخصص كل مدرس حسب شهاده الكليه بتاعته
وممكن يتم التنفيذ بعد انتهاء الترم الثانى علشان كل مدرس فصل او اى مدرس مش شغال مش فى تخصصه الاصلى يكمل مع التلاميذ لانتهاء الامتحانات وبعدها يتم تعديل التخصص علشان لو تم التعديل دة الوقتى محدش هيوافق انى كل مدرس واخد فصل او بيدرس ماده هيسيبها ويمشى وبكده الدراسه طبعا هتتوقف .........
يبقى لازم دة الوقتى نعدل التخصص بتاعنا الاول ويصدر قرار رسمى من الوزير ويتم بيه فعلا التنفيذ بعد انتهاء الامتحانات فورا
لو سكتنا حقنا هيضيع دى الفرصه الوحيدة كل واحد دة الوقتى بيطالب على لازم ياخده
كفايا اشتغلنا ثلاث سنوات واحنا مش فى تخصصنا

[honeynoga3]

انا خريجة تربية فلسفة واجتماع ودبلوم مهنية ودبلوم خاص تكنولوجيا التعليم واعمل مدرسة كمبيوتر ابتدائي مع انه من المفروض اكون مدرسة ثانوي

[ranad2003]

طيب اية رايكم نعمل الاول موضوع الفاكسات
بعدها نشكل وفد مننا 50 مثلا يروحوا الوزارة ويتكلموا فى الموضوع دة باسمنا
اخر حاجة هنلجأ لها هية القضاء
بس يا جماعة عايزين ننشر لينك الموضوع دة فى كل الموقع علشان نجمع اكبر عدد ممكن

[tryurty]

انا دكتوراه مناهج وطرق تدريس دراسات اجتماعية واعمل مدرس فصل ابتدائي

[محمد أحمد ناصف]

معاكي يا ا/ دينا دا مطلبنا من زمان وحاولنا كتير تغير الكلام ده بس للأسف مفيش فايدة دلوقتي لازم يكون لينا دووووووووووووووور

[micha sam]

انا خريج تربية عام لغة فرنسية واعمل مدرس فصل...ههههههههه

[مسيو عاطف]

وانا زى حضرتك بالظبط

[شريف الهادى]

وانا تربية عام فيزياء وكيمياء 2003 جيدجدا واعمل مدرس علوم اعدادى ومقيد فى الأدارة مدرس فصل تعاقد1/12/2008

[nagwa2010]

انا مدرسة دراسات اجتماعية وعقدي مدرس فصل ولكن ادرس الدراسات الاجتماعية

[emey_102]

انا تربية عام لغة عربية ونفسى اثيت على مرحلتى اعدادى كفاية شغل فى ابتدائى ده فية خرجين اصغر مننا شغالين اعدادى وفية متعاقدين نعليم اساسى اصلا وشغالين اعدادى وحدين مكانا انا معاكم يا ريت نكون ايد واحدة ونصلح فساد الموظفين اللى وزعونا ابتدائى لازم نكون مجموعة مننا تذهب تتكلم مع الوزير باسمنا كلنا التثبيت يكون بالمؤهل على حسب المرحلة حرام كفاية ظلم