كورس تدريس الرياضيات بالانجليزية

[vip_ame]

السلام عليكم

انا مدرس رياضيات مساعد وناوى ان شاء الله اخد كورس تدريس الرياضيات باللغة الانجليزية بجامعة عين شمس

اتصلت وسألت على رقم التليفون الخاص بيهم

وعرفت ان فيه امتحان يوم 30-1 ان شاء الله

والتقديم ب 70 جنية وصورة البطاقة

مافيش حد عنده فكرة عن الامتحان ده هايبقى عبارة عن ايه

لانى كنت شايف موضوع بيتكلم عن الكورس ده قبل كده

وهل هو فعلا مفيد ليا كمدرس رياضيات ؟؟ افادة علمية ولا مجرد شهادة !!

[vip_ame]

دى الصفحة الخاصة بمركز تطوير تدريس اللعة الانجليزية بكلية التربية جامعة عين شمس
على الفيس بوك
http://www.facebook.com/pages/mrkz-t...35378459808786

ياريت اى حد عنده تفاصيل عن الكورس ده يكتبها

[mr khaled]

الامتحان ده عباره عن امتحان لغة انجليزيه لتحديد المستوى هو يبكون شديد شوية بس معظم الناس بتعدى منه
ولو لاقدر الله محصلش بتدخل تمهيدى حوالى اربع محاضرات لرفع مستوى الانجليزية
وبالنسبسبة للاستفادةانت لومااشتغلتش ماس هيديك مفاتيح بدايه شغلك بالاضافة ان الشهاده معترف بيها

[m.mosba7 sa2r]

جزاك الله خيرا

[شيماء الجارحى]

انا اخدته فى مركز تطوير اللغه الانجيليزيه وبصراحه ملهوش لزمه شهاده وبس

[vip_ame]

انا خلصته انا كمان من هناك فى الصيف

فعلا مالوش لازمة

الافضل منه مليون مره بتاع الجامعه الامريكية بس مشكلته فى الوقت انه 9 شهور

[mr/elsayed zakarya]

انا اخدته من عين شمس أى كلام كله ف الفاضى ممكن تذكره لوحدك بس الشهادة معتمدة

[zakzuka]

لا الكورس بتاع عين شمس انا اخدتة وشايفة ياجماعه انه مفيد لحد الصف الخامس الابتدائي هتعرف من خلال الكورس انك تستوعب لحد منهج خامسة وتقدر تشرحه كمان للطلبه بعد كده محتاج انك تمارس وتدرب اكتر عشان تشرح للاعدادى

[شعبان شرف]

يعتبر المستوى الاول في قواعد النطق والجرامر وانا شايف لنه مفدنيش اوي
اما مستوى التخصص ففيه الاستفادة الحقيقية بصراحة انا استفدت اوى من المستوي التخصصي

[rony.mic]

انا اخذته من 7 سنين وللاسف الاستفادة العلمية من التخصص مش كافية بس هو شهادة معترف بيه لو انت عبز تبقي مدرس شاطر عليك الاعتماد علي نفسك في مذاكرة المادة العلمية ونصيحة من مدرسة اشتغلت في التجرببات الا هتمام باللغة كلغة من حيث النطق الخ

[حودا رومانس]

انا اخذت الكورس في عين شمس سنة 2005 م وكان تقديري امتياز . وبقالي 7 سنوات شغال في اللغات وبقيت سوبر فيزو في مدرسة خاصة لغات
وبأمانة الكورس بيديك الخطوة الاولى والموضوع سهل جدا بالاهتمام والممارسه

[محمود جمال ابو اسماعيل]

لزم تاخد الكورس ده في الجامعه الامريكيه او في الاكاديميه العربيه للعلوم والتكنولوجيا بالاسكندريه ميامي وايضا معتكد من الجامعه الامريكبه وهتعرف الماس

[hot_souce]

طيب في حد يعرف معلومات عن كورس الجامعه الامريكية او الاكاديمية العربية

[saif2013]

علي فكره موضوع تدريس الرياضيات بالانجليزي سهل وانا فعلا قريت في المناهج هي بس عايزه حفظ للمصطلحات لكن اريد ان اسال مدرس ف ياللغات بتشرح وتتكلم مع الاولاد بالعربي ولا انجلش وايه الشهاده التي تؤهلك الي ان تشتغل في مدارس لغات

[abo.ahmed666]

ششششششششششششكرا