استفسار عن كلية الالسن جامعة عين شمس

همسة اشواق · #1 14-11-2010, 02:07 AM

السلام عليكم

عندي استفسار بنسبه لجامعة الالسن ياتري هي اخر تنسيق كانت بتقبل من كام

و كمان انا ان شاء الله اذا دخلت عايزه ادخل قسم الالماني او التركي تنصحوني بايه..؟؟

و ياتري انا باخد في السن انجليزي و لغة تاني و لغة واحد بس و اى المواد التانيه اللى باخدها؟؟؟

Ashrafchico · #2 29-11-2010, 08:36 PM

أهلا بكى أنا خريج كلية الألسن قسم انجليزى وأنصحك بأن تدخلى قسم اللغة الانجليزية لأن مجالات عمله واسعة

مندو22 · #3 05-12-2010, 11:24 PM

انا اختى طالبة فى السن قسم صينى وهى الماده مش صعبه بس محتاجه حبت مذاكره والمواد التانيه عربى وانجليزى كلغه تانيه واللغه الاولى الى بتختاريه بتكون ليها فروع زى قواعد مقال ومطالعات ونصوص وترجمه

Beutiful Mirna · #4 19-12-2010, 11:13 AM

أنا ثانوية عامة الان و عايزة أعرف الآلسن بيقبل من كام و الافضل أدخل قسم الفرنسى ولا التركى ف الواقع انا حبة اللتنين و كمان سؤال لو ألسون فرنساوى لازم أكون مدرسة فرنسية مع العلم انا بدرس الفرنساوى من أولى أعدادى يا جماعة حد يساعدنى و يلحقنى من دلوقتى و شكرا لمن يساعدنى

Beutiful Mirna · #5 22-12-2010, 06:59 PM

أيه يا شباب محدش رد عليـــــــــــــــــــــــا أنتم مش هتساعدونى ولا أيه

sranty · #6 03-01-2011, 11:18 AM

اقتباس:

المشاركة الأصلية كتبت بواسطة همسة اشواق

السلام عليكم

عندي استفسار بنسبه لجامعة الالسن ياتري هي اخر تنسيق كانت بتقبل من كام

و كمان انا ان شاء الله اذا دخلت عايزه ادخل قسم الالماني او التركي تنصحوني بايه..؟؟

و ياتري انا باخد في السن انجليزي و لغة تاني و لغة واحد بس و اى المواد التانيه اللى باخدها؟؟؟

انا تانيه السن
التنسيق كان بيقبل على سنتى من 92
بس هى فى العموم بتاخد من 93 او94

قسم الالمانى لو انت واخد المانى قى ثانوى يبقى تدخله من غير تنسيق
لكن لو مش واخده يبقى بياهد اعتقد من 46 لدرجة الانجلش
التركى من غير تنسيق يعنى ممكن تدخله عادى

بالنسبه للالمانى القسم صعب جدااااااااااا احنا كل اللى عندنا بيشتكوا من المانى وقواعده

التركى سهل ولذيذ

بالنسبه للغات فهى بتكون لغه اولى ولغه تانيه
يعنى لغه اولى اساسيه زى مثلا الالمانى اللى انت عايزه وبيكون بتنسيق
ولغه تانيه انت لتختارها وبتمتحنها فى اخر السنه

المواد التانيه بتكون
عربى نحو وادب ومقال ومراجع مادتين فى الترم الاول ومادتين فى الترم التانى
اللغه : استماع ومحادثه وقواعد و ترجمه من والى و ادب ونصوص

بس المواد سهله وحلوة
يارب اكون افدتك

سورى على صيغه المذكر

sranty · #7 03-01-2011, 11:24 AM

اقتباس:

المشاركة الأصلية كتبت بواسطة beutiful mirna

أنا ثانوية عامة الان و عايزة أعرف الآلسن بيقبل من كام و الافضل أدخل قسم الفرنسى ولا التركى ف الواقع انا حبة اللتنين و كمان سؤال لو ألسون فرنساوى لازم أكون مدرسة فرنسية مع العلم انا بدرس الفرنساوى من أولى أعدادى يا جماعة حد يساعدنى و يلحقنى من دلوقتى و شكرا لمن يساعدنى

لازم قسم الفرنساوى تكونى دارسه فرنساوى فى مدرسه تجريبى لغه فرنسيه

انا اعرف ان التركى حلو جدااااااااااا وسهل
بس الفرنساوى شغله موجود بس صعب

Hazem67 · #8 09-01-2011, 10:34 PM

لازم تكونى خريجة مدارس فرنساوى على حد علمى وعلى العموم أنا هاسألك و أتأكد من الموضوع
وعلى العموم متيأسيش أبدا و خلى حبك للفرنساوى يشجعك على دراسة بقية اللغات
اذا احتجتى أى سؤال تانى اسألى و هنكون كلنا سعداء بالرد عليه

الالفي2000 · #9 13-03-2013, 12:03 PM

بليز كلية السن بتاخد من كام
ولازم اكون جايبة كام فى الانجلش و الفرنساوى

UAE17 · #10 13-08-2016, 05:02 AM

السلام عليكم
انا طالب مصري و عايش بالامارات في تانية ثانوي و خلصتها و رايح 3 ثانوي نفسي و امنيتي ادخل كلية الأليسون قسم لغة فرنسية او قسم لغة انجليزية تنصحوني بايه منهم و اي القسمين افضل و مين فرص عمله اكتر و قسم اللغة الفرنسية بالذات شروطه ايه لازم اكون دارس لغة فرنسية في المدرسة مع العلم اني مادرستهاش خالص لاني في مدرسة اماراتية وهنا ما بيدرسوش مواد اجنبية الا الانجليزي بس اما المدارس الخاصة بيدرسوه و مش اي مدارس خاصة الاجنبية بس و انا في مدرسة حكومية هل قسم الفرنساوي محتاج شروط و شكرا وارجو الافادة بسرعة لاني ان شاء الله نازل مصر السنة الجاية

ادعولي بالتوفيق