هم عايزينا ننتحر ولا نتجنن ولا ايه بالظبط؟

[yaso_yoyo]

اولا السلام عليكم ورحمة الله وبركاته
ثانيا انا طالبة في تانية ثانوي وهتجنن خلاص من القرارات المستفزة اللي عمالة تنزل كل يوم
واظن انكم كمان قربتو تجننو زيي
ممكن اعرف بقى حاجة صغننة كده
تقريبا كده اخر مرة سألت قالولي ان اليوم فيه 24 ساعة تمام
منهم 6 ساعات نوم +8 ساعات مدرسة (غصب عننا مفيش غياب عافية)+5 ساعات درس في اليوم
(والله عندي دروس بتقعد 6 ساعات)+2 ساعة صلاة واكل والحاجات دي............
المهم هيتبقى من اليوم 3 ساعات.............حد يقولي ال3 ساعات دول هنذاكر فيهم ايه؟؟؟؟
فبالتأكيد هنحاول ناخد ساعات زيادة على حساب الحاجات التانيه
اكيد مش هنعرف ناخد ساعات من المدرسة ولا الدروس (لان دي حاجة مش بايدينا)
ولا الصلاة والاكل طبعا يبقى اكيد هناخد من النوم
طيب هناخد 3 ساعات من النوم عشان نعرف نذاكر (يعني هنام 3 ساعات في اليوم)
انا عملت كده لمدة 3 ايام (منبهات بقى وشاي وقهوة ونسكافيه وطعمية وكل حاجه)
وكانت النتيجة اني وانا رايحة الدرس اغمى عليا (واحدة مش بتنام الا 3 ساعات؟؟؟؟؟؟؟)
يبقى ايه الحل ؟؟؟؟؟؟؟؟
انا خلاص قربت اخلص شعري من كتر الشد
حد يقولي ايه الحل ؟ الناس دي عايزة مننا ايه هيجننونا خلاص حرام عليهم
(انا بصراحة كنت مخنوقة وقرفانة فقولت افضفض يمكن خنقتي تخف ههههههههههه)
قولوي اعمل ايه ارجوكم لاني اتخنقت خلالالالالالالاص..........وشكرا

[الوحيده]

بصى يابنتى اهم حاجه فى الثانويه العامه متخديش كل حاجه على اعصابكوغير كده حولى بقدر الامكان تظبطى وقت الدروس بس بتهيقلى مفيش درس بيعقد 5 او6 ساعات هما على الاغلب 3 او 4
وبردو اهم حاجه راحه جسمك دى اهم حاجه ونصيحه منى لو مش بتستفيد من المدرسه استفيدى بوقتها ازاى هقولك
ابقى هاتى كتبك معاكى وذاكرى ودى حاجه كل بنات الثانويه العامه بتعملها يعنى فى طرق تظبطى نفسك بيها
ويارب اكون قدرت افيدك وشكرا

[عاشقه الدراسه]

انا فعلا بواجه نفس المشكله
خصوصا لما مدرس قال لنا اقل حاجه السنه دى 6 ساعات مذاكره وكل شهر تزودوا ساعه
يعنى ع حسابك ده فى اخر السنه مش هتنامى اصلا
بس انا قلت هتاقلم مع الوقت واقدر انظم وقتى اكتر
بس هقولك ع حاجه
انتى ممكن تتضايقى وتتخنقى واعصابك تكون بايظه فى اول السنه
انا معاكى لانى كنت بالمنظر ده السنه اللى فاتت بس شويه شويه هتتاقلمى وهتحبى الدراسه جداااااااااا وماتنسيش مفيش مجهود بيضيع

[yaso_yoyo]

المشكلة ان ال8 ساعات بتاعت المدرسة دي مالهاش لازمة لان في مدرستنا مفيش شرح
ومش بعرف اذاكر في المدرسة من الدوشة

[Farawlla]

المشكلة ان ال8 ساعات بتاعت المدرسة دي مالهاش لازمة لان في مدرستنا مفيش شرح
ومش بعرف اذاكر في المدرسة من الدوشة

كان نفسي اقول الكلمتين الي قولتيهم فوق وانتي سبقتني

الحلول التي توصلت فيها لهذه المعضلة

النوم 5 ساعات

المدرسة تزويغ مع سنة 3

و الحصص الفاضية بيبقي في صداع غير عادي (( اروح اذاكر في المكتبة ))

و الدروس بتاعتي كيمياء 3 وعربي وانجلش و فرنساوي 3

رياضة من 3 ل 8

بس علشان كدا نوعا ما في وقت شوية

و يوم الاربع اساسي غياب علشان اقدر اوفق في المذاكرة

و بس

وربنا عالمفتري

وربنا يوتلانا

[red-code]

الحل الوحيد ان احنا ننتحر فعلا


بجد هو الدروس + المدرسه حاجه تخنق صراحه


هو انا مش رحت المدرسه الا يوم واحد وحرمت اروح تانى ومش هروح اصلا وكان يوم زفت استغفر الله يعنى لازم نقعد من المدرسه عافيه يعنى عافيه زى ماهما ماشيين عافيه احنا نمشى عافيه علشان نذاكر طبعا هههههههههه قصدى علشان نقعد على النت

[عاشقة الطفولة]

والله بقيت حاجة تزهق وتقرف

ازاي يعني نروح المدارس واحنا بنكون تعبانين وبناجي وموش ب نعرف نزاكر

حسبي الله ونعم الوكيل

[lokyyy]

طب وليه كل ده في حل لو مفيش شرح في المدرسة و مفيش طبعا خد الملازم و في المكتبة الفصل اي حتة و ذاكر واهو تبقى استفدت من ساعات المدرسة الضايعة

[yaso_yoyo]

المشكلة في مدرستنا مفيش هروب ولا تزويغ مدرسة فقر
وحسبو الغياب من اول يوم وقرف وتحكمات وخلاص
بيحاولو يعوضو السنين اللي فاتت فينا

[lalian lali]

اقولكم احنا ننتحر لية
احنا ملناش ذنب
احنا كلنا نتجمع ونعمل مظاهره
وندعى كلنا فنفس واحد ربناااااااا ينتقم منة
ويمكن ربنا يستجاب
بجد دى مشكلة جامدة
انا فكرت انى اذاكر فى المدرسة
يعنى ازوغ فى اى حته واذاكر
بس المشكلة ان مش مدينا فرصة حتى نزوغ
كماااااان المصيبة عايزنا نحضر حصص
والمدرسين اصلا غلسين ومش بيدوا حاجة
بيصدعونا
وبنروح تعبانين
ومخنوقين والجو حر
يدوب غسل وشنا
وننزل الدرس
وبعديييييييييييييين يا شباب
لحد امتة
السنة دى باينة من اولها
ربنا على الظالم

[Mr. Muhammad Sobhy]

هو فى حد بيروح المدرسة .........غريبة

ربما يقول قائل المدرسة أجبارى

هرد عليه وقول له ...الجيش بيقول أيه ؟

اتصرف .......يعنى اعمل أيه

يعنى تغيب تغيب طول الترم

أكيد هتتعب مرة فى السنة ...كويس

معاك شهادة مريضية وعندك اعادة قيد

ولا نتعب نفسينا ولا حاجة

[ahmed khalid yehya]

و الله عندك حق كان نفسي اقول البوقين دول من زمان بس يالا انا بمشي كل يوم بيومه و ربنا يستر

[Alsunian1]

بجد بجد قلتى كل ال جوايا
الواحد اتخنق خلاص
هانت كلها كام شهر ونخلص من بعبع الثانوى دا

توقيعك جامد اووى ههه بس عقوبة صعبة اوووى

والمشكلة ان ال حوالينا مش حاسين بينا خالص

[highlight]

جماعة انا عايزة اقولكوا حاجة...
اسوا حاجة فى الثانوية العامة هى التوتر النفسى
انا يا دوب اعتبر سايبة الثانوية العامة من اقل من 6 شهور بس
و الفرق بينها و بين الكلية فى حاجات كتييييييييييييييييييير
اولها طبعا مفيش الضغط النفسى اللى احنا كنا فيه ده
والله بدخل الامتحان السؤال اللى مش عارفاه...حادى بادى و اختار
صح ...يبقى خير و بركة....غلط.. مع السلامة مش مهم
مش خايفة يضيع منى درجة ولا 10.....
على عكس الثانوى انت بتبقى خايف يضيع منك نص درجة واحدة
فى الكلية عندك حرية و قشطة و اللى انت عايززة...
مش عاجباك المحاضرة امشى و سيبها براحتك
و من غير استئذان كمان....خد حاجتك و امشى
و لا تقعد بقى تتعب نفسك طول السنة فى المذاكرة و يقولك امتحان و مش امتحان...
هو قبل الامتحان بيوم دح....و خش حط فى الورقة وامشى
والله بننسى شكل الورقة كان ايه ولا احنا كتبنا فيها ايه
و لو على المدرسة...طاوعوهم كده عادى و لحد شهر 2 و كله بيختفى
و محدش هيحاسب على الغياب........
و يا ياسو ال 3 ساعات دول حلوييييييييييييين...والله ما كنت بذاكر اكتر من 3 او 4 ساعات
فا متفكريش كتير احسنلك و عدى السنتين دول بالطول ولا بالعرض
و اعصرى على نفسك 6 او 7 كيلو لمون كده.....و السنة هتعدى هوا
لما تخشى كلية....... هتعملى حاجتين بس....
تروحى محاضراتك..دا لو روحتى اصلا...و تيجى تنامى....بــــــــــــــــس

[حسونة بيه]

هههههههههههههه 8 ساعات تقضيها فى المدرسة دا تسيب دا استهتار بجد والله حرام عليهم يعملوا فيكم كدة بس على فكرة مدارس ومدارس طب انا مروحتش من اول السنة روحت اول يوم اعرف فصلى فين وكتر المذاكرة فى البيت نسيت هو انى دور خلوها على الله