|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
12-08-2010, 03:09 AM
|
||||
|
||||
كيف تكون انسانا رزلا
واحدة واحدة معايا بقى إن شاء الله هخليك
أرذل واحد فى الدنيا دى نبتدى الحصة الأولى ازاى تبقى رذل فى المواصلات لو راكب فى باص أو ميكروباص وجنبك حد نايم اوعى تسيبه نايم كل شوية اقعد قول وصلنا عشان يصحى مخضوض لو عمل ا*** صحيه وقوله مش انت نازل هنا بيتهيألى لو مش نايم متسيبوش فى حاله برضه عيب عليك متجيش ركز على سؤال واقعد اسألهوله كل شوية زى أنت نازل فين طب انت دفعت ولا لأ لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد أو قوله ماتنزل من الشباك لو انت فى أتوبيس وقاعد على كرسى وجنبك ناس واقفة استمتع بقى وخدك وقتك اتمطع بقى وقول ياسلام على الراحة الواحد مكنش عارف هيعمل أيه لو مش قاعد لو العكس بقى اقعد اسأل كل واحد انت نازل فين واقعد قول بصوت عالى ياجماعة محدش نازل قريب أصل انا عايز اقعد طول مانت واقف قول كده لحد مايقعدوك لما الكمسرى يجى ياخد منك الاجرة اسأله على تمن كذا مكان يعنى قوله هو لغاية الحتة الفلانية بكام طب لغاية الحتة دى بكام اسأل على تمن كل الاماكن اللى تعرفها لحد مايقولك ياعم خلصنى رايح فين قوله مانا عشان ابقى عارف بس وتقل فى العيار يمكن يسيبك ويمشى لما يدى حد تذكرة قوله ورينى كده لو سمحت واقعد اتأمل فيها لحد ما صاحبها يزهق ويشدها منك فى مفتش بقى ساعات بيطلع يفتش على التذاكر وبيطلع على السريع كده وينزل أنت بقى اوعى تديهاله علطول كده أزعل منك والله دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله واقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك كفاية كده بقى حرام المفروض تنزل قبل الناس ماتموت منك أستنى رايح فين أنت نازل عادى كده ولا كأنك رذل ولا حاجة وأنت نازل هيبقى فى ناس واقفة أعمل نفسك مش عارف تعدى وحاول تجاهد على قد ماتقدر وتضيع الوقت اللى تقدر عليه لحد الناس ماتشيلك وترميك بعد ماتكون جبتلهم السكر ورفعت ضغطتهم كده إنتهت الحصة الأولى واللى عنده أى إضافة مفيش مانع أهو معلومة ونستفيد منها كلنا إن شاء الله الحصص هتنزل كل أسبوع كده درس خصوصى مجانى أهو للى عايز يتعلم |
|
#2
12-08-2010, 03:11 AM
|
||||
|
||||
|
الحصه التانية كيف تكون رزلا فى الموبايل الوووووووووووووووووووووووووووووووووووووووووووووووو وووووو رد يا ابن الرزله,, ايوه يا ماما انا ابنك
الحصه التالته خلصت مردتش ااجلها لبكره بص ياسيدى أنت دلوقتى ماسك موبايلك وبتلعب فيه وبتسأل أى واحد جنبك أو حد متعرف عليه جديد رقمك كام ؟ سيبه يمليك نص الرقم كده وروح مشغل أى نغمة هو فاكرك بتسجل الرقم أتاريك بتلعب فى النغمات وهو بيملى عالفاضى بتاخد الرقم من حد مش معاك رقمه وتقوله قولى رقمك وأنا هحفظه عشان الموبايل فاصل شحن وشغل الغباء بقى كل مايقولهولك قوله غلط ومرة كده قولها صح يقولك تمام كده قوله اشطه يعنى هو كذا كذا وقوله غلط هيقولك يابنى حرام عليك بقى قوله معلش معلش عشان احفظه بس وسوق الاستهبال لحد ماتحرق دمه بتاخد الرقم من حد برضه قوله رن عليا عشان أسجل رقمك أنا حاطط الموبايل فى جيبى بس عامله صامت ومليهوله غلط بقى هيرن عليك هيلاقى اللى بيفتح عليه ويقوله آلو وقوله معلش معلش مليتهولك غلط قال يعنى حد بيتلخبط فى رقمه طريقة أضمن بقى قعد أخوك الصغير بموبايلك وقوله أنا خارج وأول ماتسمع صوت الموبايل أتكى على الزرار ده الزرار الأخضر ده ؟ أيوة ياحبيبى الزرار ألأخضر ده وأقول آلو ؟ برافو عليك تعجبنى نصاحتك قول اللى أنت عايزه وأطلع بقى يامعلم خد نمر ناس على قد ماتقدر أخوك يرد وأنت تقوله آآآخ نسيت الموبايل فى البيت وخليه يشيل بقى كل ماتتفق مع حد على ميعاد قوله أبقى رن عليا قبلها بنص ساعة عشان لو نسيت بس وأستناه فى الموعد المرتقب وأول ماتلمح اسمه رد علطول هيقولك بتفتح ليه ؟ قوله فاكرك بتتصل عشان غيرت الميعاد أو مش جاى قولت أطمن بقى بذمتك قولت أطمن ولا قولت أرذل ماشى ماشى ماعلينا قول لصحبك هات الموبايل بتاعك هعمل منه دقيقة هيقولك والله ممعيش غيرها برن بيها قوله ياعم دى مسألة حياه أو موت وخد الموبايل بقى أتصل بمامتك أيوة ياماما عاملة أيه ياحبيبتى ؟ أنتى عاملة أيه على الغدا النهارده ؟ محشى الله بموت فيه طب وأيه تانى ياماما ياماما ياماما عفوا لقد نفذ رصيدكم لو صحبك معاه كريديت كتير بقى أبقى خلى مامتك تحكيلك عملت المحشى ازاى صحبك بيتصل بس اتأكد انه بيتصل عشان حاجة مهمة عشان ميقفلش السكة فى وشك وكل شوية قوله خليك معايا كده أنت رجعت من الشغل يا بابا ؟ طب ماهو من ساعة مانت اتولدت وهو بيرجع من الشغل فى الوقت ده أيه الجديد أرجع لصحبك بقى أيوة معاك طب أستنى أستنى أيه الصوت ده ياماما أنتى فى المطبخ ؟ ماهى طول عمرها بتحضر الغدا فى الوقت ده طبعا الله يكون فى عون صاحبك اللى مش عارف ياخد منك كلمتين على بعض قول لصحبك حلوة أوى الرسالة دى هنقلها بس طويلة أوى طبعا كلنا فاهمين أنت بتلمح لأيه يارذل (هو عشان يطلع ذوق معاك هيقولك خلاص ياسيدى أبعت اللى عاجباك دى (واحدة بس طبعا فهمتوا قصدى من اللى بين القوسين أبعت بقى الرسايل كلها حتى لو فيها كلمنى شكرا وقوله بصراحة كله عجبنى بس ياخسارة الرصيد خلص كان ناقص واحدة نفسى أخدها أستلم رقم ابعتله كل يوم التلاتة بتوع كلمنى شكرا ورن عليه كل فيمتو ثانية مرة يتصل بيك أفتح ومتتكلمش ولا كلمة آلو آلو آلو رد ياحيوان وأنت باصص فى السما وعامل أ*** خليك كده بقى لحد مايغير الخط أو يبطل يشيل موبايلات بتبقى اسمها بالعربى ملاحظات ده فى نوكيا(notes)معاك موبايل فيه بلوتوث وقاعد فى مدرج الكلية أو سينما وكده أفتح الـ أكتب فيها - فكك منى - وأبعتها لكل اللى فاتحين طبعا أى حد هيستلمها هيقول أيه الرذل ده أنا يعنى كنت طلبت من خلقته حاجة قول لصحبك معرفش يا أخى الموبايل بتاعى ماله هيقولك أيه يعنى فيه أيه ؟ قوله رن عليا كده هيرن عليك أتكى على أى زرار فى الموبايل هيقوم فاتح عليه قوله شوفت بتكى على أى زرار يقوم الموبايل فاتح على اللى بيرن زيك كده (any key answer) طبعا أنت مشغل خدمة اللى هى خدمة أى زرار يرد على اللى بيتصل بيك وخليته يشيل المكالمة قول لصحبك حولى جنيه رصيد عشان أرن بيه بدل مانا مفلس يعنى يرضيك كده ولا هتستخسر فيا جنيه هيقولك لا مش هستخسر بس ازاى ؟ قوله تمام قولتلى ازاى تحولى ستة جنيه ولما يوصلوا أحولك أنا خمسة جنيه هيقولك ماشى حول بقى يامعلم ولما تيجى تردهمله هيقولك مينفعش تحول رصيد وأنت رصيدك أقل من سبعة جنيه وخليه يشيل الستة جنيه بحالهم انتظروا الحصه القادمه فى أى وقت وهى كيف تكون رزلا مع صاحبك |
|
#3
12-08-2010, 03:14 AM
|
||||
|
||||
|
الحصة التالتة ازاى تبقى رذل مع صحبك
لو خارج مع صحبك مشوار أو بتروحوا حتة معينة كلية أو مدرسة أو أى حاجة أتصل بيه قوله إوعى تنزل غير لما أفوت عليك وطبعا هو مش هيشوف وشك يرن عليك نفض يتصل بيك نفض سيبه لحد مايطق وينزل لوحده طبعا أنت عارف الأوقات اللى بينام فيها ولو من النوع اللى بينام بعد الكلية كلمه على تليفون البيت وقول للى يرد عليك يصحوه ضرورى وهما احتمال كبير مش هيكونوا سايبلنه عدة تليفون فى أوضته عشان طبعا ميقعدش يحب بيه طول الليل فا هيضطر يمشى لحد الصالة أقعد أرغى معاه ورذل عليه واحد هيقولى طب أرذل عليه ازاى طب خلاص متزعلش أعلمك يعنى مثلا تقوله خبر يزعله جدا حاجة حلوة تصدمة كده وتخليه بدل ماكان عايز ينام عينيه هتطلع من مكانها وفى الاخر قوله بهزر المهم أفضل أستفزه لحد ماتطير النوم من عينه لو صحبك بيتكلم فى التليفون حاطط السماعة على ودن وأستلم أنت بقى الودن التانية الفاضية خليه يحس إنه واقف فى مولد مش عارف الكلام جى منين بالظبط دبس صحبك فى كل حاجة مثلا فى مواصلات أو فى كافيه أو فى سينما أدخل سنترال إتكلم وقوله معاك فكة أصل معييش غير مجمد قال يعنى معاك ورقة بمليون جنيه أو قوله نسيت المحفظة فى البيت أو الفلوس ضاعت ولا إتسرقت أو متخانق مع باباك ومدكش فلوس خليه مش فاضل غير بعد كده ياخد مصروف ليه وليك لو صحبك رايح أى مشوار هيقابل حبيبته مثلا وقالك لو حد من بيتنا أتصل بيك قوله إحنا بنذاكر وأول ما حد يتصل قولهم لا والله هو تحت مش عندى وقوله يعنى أنت عايزنى أكدب قال يعنى الإيمان مقطع بعضه وصادق فى كله جت على دى لو لسه مخلصين إمتحانات الشهر فى المدرسة أو إمتحانات الميد تيرم فى الكلية ودرجات صحبك وحشة قوله أنا لازم أجى أذاكر معاك النهارده وطبعا هتشوف باباه ولا مامته وهيسألوك عن المذاكرة وكده قولها والله إحنا بنذاكر بس مش عارف هو جاب درجات وحشة وسيحله بقى خليهم يستلموه ويكبسوا على نفسه طول السنة ياسلام لو اتأخرتوا 5 دقايق كده عن المحاضرة والدكتور قال مش مدخل حد بعدى وطردكوا يبقى لازم تروح بيته وتشتكى لباباه ومامته وتعمل برئ ومظلوم دانتوا يادوب اتأخرتوا خمس قايق بس هتخليهم يخلوه يروح يفتح الكلية بنفسه من الساعة ستة الصبح عشان ميتأخرش عن المحاضرة خارج أنت من البيت بقى وبتستأذن باباه أو مامته بيقولوك ماتخليك ياحبيبى تتغدى معانا قولهم شكرا صحيح يابنى أنت عملت شيت مادة كذا وطبعا أنت متأكد إنه لا عمله ولا جه ناحيته الباشا بقى فى نص هدومه وهيرد باباه ولا مامته لا طبعا ويعمل ليه هو فاضى للحاجات دى والأهل مش بيتفاهموا فى حكاية الدراسة دى بالذات يعنى أقلبها نكد على صحبك قبل ماتمشى خد موبايل صحبك من غير مايحس وخبيه وخليه يفتكر إن الموبايل ضاع ولا إتسرق لحد مايجيب آخره لو هو مفتح شوية وواخد باله يبقى على نفسه برضه قوله ورينى الموبايل بتاعك كده وفى وسط القعدة استأذن مثلا هتجيب حاجة ولا هتعمل حاجة وخده وروح وخليه يدوخ عليك فى المكان ويتصل بيك مليون مرة لحد مايجى ياخده منك من البيت وياسلام لو مفاتيح عربيته يبقى يجى بتاكسى ويرجع بتاكسى بعدين يبقى يروح بعربيته امال هو يعنى يركب عربية وسواقين التاكسى ياكلوا عيش منين لو شوفته واقف مع واحدة طب عليه زى القضى المستعجل وخده بالحضن ودخل نفسك فى الكلام وخلاص ولو فاكر موقف محرج كده عن صاحبك ده مفيش مانع تقوله قدامها يعنى مثلا لو صحبك ده حاول قبل كده يتكلم مع بنت وأحرجته قوله يا أخى كل ما أشوفك واقف مع بنت زى دلوقتى كده أفتكر البنت اللى قالتلك لم نفسك ياروح أمك طبعا هو هيبقى واقف بيقول يا أرض إتشقى وأبلعينى وما شاء الله عليك كده هتبقى بتحطه فى موقف أرذل من التانى وهيبقى ربنا يصبره وممكن يدخل الجنة بسبب عمايلك دى عايز أعرف رأيكوا فى الحصة الرابعة ؟ للأمانة منقول |
|
#4
12-08-2010, 03:15 AM
|
||||
|
||||
|
يا سلام يا مستر استمتعت بجد بتمنى كل يوم درس والنبى وهتلاقينى من اول تلامذتك الرذلين ههههههههههههه
لا بجد موضوع جامد والحصة الجاية امتى
__________________
 ~Love your life ~ |
|
#5
12-08-2010, 03:42 AM
|
||||
|
||||
|
ههههههههه روووووووعة
وانا من تلاميذك الرزلين اكيد وشكرا على الرزالة التحفففففففففة دى ومستنية الحصة الجاية برزالة متتوصفش
__________________
_________________  مادام هـنـاك فـي الـسـمـاء مـن سـيـحـمـيـنـي .... فـلـيـس هـنـاك فـي الأرض مـن سـيـبكيني |
|
#6
12-08-2010, 09:50 AM
|
||||
|
||||
|
فعلاً
هو حضرتك محطتش احتمالات اني اكلم واحد ارزل مني او حتي اني اكلم واحد خلقه ضيق اصل وجودي قريب منه في خطر علي حياتي و حياة المحيطين بيا ربنا يستر و محاولش اطبق اللي قريته ده
__________________
[CENTER] رُوِيَ عن معاذ بن جبل رضي الله عنه أنه قال : تعلموا العلم فان تعـلُمه لله خشية ، وطلبه عبادة ، ومُدارسته تسبيح ، والبحث عنه جهاد ، وتعليمه من لا يعلم صدقة وبذله لاهله قُـربى ، وهو الانيس فى الوحدة ، والصاحب فى الخلوة ، والدليل على الدين ، والمُصبر على السراء والضراء ، والوزير عند الاخلاء ، والقريب عند الغرباء ، ومنار سبيل الجنة |
|
#7
12-08-2010, 10:08 AM
|
||||
|
||||
|
هههه إيه الرزاله دي كلها إحنا عايزين نبقي رزلين بس خفيف خفيف شكرااا رمضان كريم
__________________
|
|
#8
12-08-2010, 11:25 AM
|
||||
|
||||
|
خفيف ايه يا small star انتى بتهزرى
__________________
~Love your life ~ |
|
#9
12-08-2010, 11:31 AM
|
||||
|
||||
|
الله ينور عليك و الله تستاهل جائزة نوبل فى الزالة
|
|
#13
12-08-2010, 02:45 PM
|
|||
|
|||
|
هههههههههههههههههههههههه
|
|
#15
12-08-2010, 05:55 PM
|
||||
|
||||
|
الموضوع ده منقول من منتدى ايه
وجايبه من اى قسم فى المنتدى استنى رايح فين ياترى انت ارزل واحد فى اصحابك ولا فى ارزل منك
__________________
معلم اللغة العربية بمدارس المنصورة كولدج الدولية  |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:29 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
