كيفية التقديم وشروط التحويل فى تنسيق الثانوية

[صفاء5]

شكرا علي المجهود ولي سؤال
هل يمكن ان يتقدم للتنسيق من حصل علي الثانوية العامة السنة السابقة حتي يستفيد من تندني المجاميع

[الدويرات]

جرب كتير عشان تجيلك انا حصل معايا كده

[امل هشام]

يا جماعة انا جايبة 94% ياترى ممكن اكمل علوم

[M.BASYOUNI]

يا ريت messi ده ياهمطلع منها مش ناقصاه انا عندي نفس المشكله ويا ريت حد يفيدني بجد ويكون فااااااااااااااااااا

[king 99]

التنسيق بيكون سنوى يعنى لطلاب السنة دى بس انما لو حضرتك هتحولى فى الكلية يبقى تروحى للكلية اللى انتى عايزه تحولى لها وتكون لازم فى مستوى كليتك فى المجموع يعنى مش من حقوق لطب وكمان لو اتعاملتى على التنسيق حيكون على تنسيق سنتكمش السنة دى

وده اللى اعرفه عن الموضوع

[امل هشام]

ياجماعة ياريت حد يرد

[mody7_7]

يا جماعة لو سمحت كنت عايز اعرف لو كلية تجارة -ادراة اعمال - اللي في جامعة العاشر الخاصة موجود في التنسيق ولا لا .. ولا التقديم ليها بيبقا من بره التنسيق

[HARD_WAY]

وانا برضو نفس المشكلة ياريت ياشباب نشوف حل للمشكلة دى بسرعة على كده الواحد هيبقى مستقبلوا ضاع رسمى

[m7md s3d]

منتدي جميل جدا جدا. أنا علمي مرحلة أولي وجبت 83 % لكن أنا أساسا نفسي في إعلام هل في أمل.

[sara fayed]

ممكن اعرف مصاريف التعليم المفتوح ايه وفيها كليات ايه ....يعني ياريت كل التفاصيل اي حد يعرفها يقولها عشان انا معرفش حاجة عنها ...

[حسن عسلة]

أعلن الدكتور هانى هلال وزير التعليم العالى والدولة للبحث العلمى، عن الحد الأدنى لنسب القبول بكليات الجامعات الخاصة للعام الجامعى 2010/2011، حيث تم تحديد 85 % للقبول بكلية الطب، و75 % للصيدلة وطب الأسنان، و73 % لـ"العلاج الطبيعى"، و67 % للهندسة، و62 % لـ"الحاسبات والمعلومات"، و60 % لكليات: " الفنون التطبيقية، والاقتصاد والإدارة، والإعلام واللغات، والاقتصاد والعلوم السياسية، و55 % لكليات: العلوم الاجتماعية، والسياحة، والتربية، والحقوق، والتمريض، والعلوم الطبية التطبيقية والمساعدة.

وصرح الدكتور حاتم البلك أمين مجلس الجامعات الخاصة والأهلية بأن الأعداد المقررة للقبول بالجامعات الخاصة هذا العام سوف تكون 26152 طالبا وطالبة، من المستوفين لشروط القبول من الحاصلين على الثانوية العامة أو ما يعادلها، وأن الأعداد المقررة للقبول بكل كلية سوف تختلف باختلاف إمكاناتها البشرية والمادية من أعضاء هيئة التدريس والمعامل التخصصية والورش والمدرجات وقاعات المحاضرات والفصول الدراسية، فضلا عن مدى توفر الملاعب والمساحات الخضراء ووفقا للضوابط المقررة فى هذا الشأن، وبما لا يجاوز السقف المحدد لكل تخصص.
http://www.youm7.com/News.asp?NewsID...65&IssueID=121

[mai fathei]

ميرسيي بجــــــــــــــد ليك

[yoyolove]

انا خلاص انتهيت ياجماعه انا جايبه 55% ومفيش اى كليه راضيه تتضاف معايه

كل الا بيضاف هو المعاهد الخاصه والتعليم المفتوح وللاسف انا امكانياتى الماديه متسمح باى حاجه منه اعمل ايه عشان اكمل الرغبات انا خايفه احطهم يجيلى منهم وبقى خلاص شكلى مش هكمل على كده

والتعليم المفتوح انا مش عارفه عن مصاريفه اى حاجه يعنى كنت بفكر ادخل اعلام مفتوح بس كنت عوزه اعرف مصاريفه كام عشان اقدر ارتب امورى

[ahmed1957]

ياريت يا ساره تقولى انتى عاوزه تدخلى جامعة ايه علشان اقولك متوفر فيها كليات ايه فيها نظام التعليم المفتوح
وبالنسبه للمصاريف فهى بالماده يعنى بالنسبه لكلية التجاره فيها مواد ب100 جنيه ومواد ب150 جنيه المهم الترم كله بيكون حوالى 7 مواد بيعمل حوالى 900 او 1000 جنيه يعنى السنه كلها حوالى 2000 جنيه والكلام ده كان مصاريف الترم اللى فات مش عارف بقى الترم ده حيكون ايه النظام ولو عاوزه اى استفسار تانى عن اى حاجه انا تحت امرك وبالنجاح ان شاء الله للجميع

[emma.x92]

هو لو كده يبقى احسن ليكى التعليم المفتوح لان مصاريفه 2000 و تقريبا مش بتدفع مره واحده فا اللى يخليكى تدفعى اكتر و فى الاخر اسمه معهد يبقى ده احسن كتير ليكى وبصى انتى ممكن تجربى تحطى كليات حكوميه بس محافظات لان بيكون مجموعها اقل وبرضه وشوفى كليه زراعه القاهره وكليه اقتصاد منزلى حلوان لان ممكن يقبلوا فى الحدود دى وبرضه شوفى حقوق محافظات اقل وربنا يوفقك ان شاء الله