الوصايا العشر لكي تجعل حياة زوجتك جحيم

[عــلــى]

<div align="center">الوصايا العشر لكي تجعل حياة زوجتك جحيم

1-الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان 00 اشمعنى انت ؟ ولو حاولت ترجع تنام تانى قالها مادام صحيتى حضري الفطار بقى

2-اذا كنت بتتفرج على التلفزيون وهى عايزة تغير القناة 00 قالها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة 00 ولو كنت بتتفرج على ماتش كورة هيبقى الموضوع اسهل 00 كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب

3-اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة

طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض

4-فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة

5-لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات 00 يرعى التجول وانت مستمتع بأكل الجاتوة امامها

6-متنساش رأيك فى طبيخها لو عاملة لحمة قالها حلو اوووى الفراخ دى 00ولو طبخة بامية 00 جميلة اوى الملوخية دى حطة عليها اية ؟؟ ولو عملة كيكة قالها انا بحب اشرب شاى مع البسكويت الحلو دة !!

7-لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !

8-لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية


9-لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟

10-وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقالها حبيبتى معلش ممكن كوبية مية علشان ضهرى بيوجعنى


وادى دقنى ان ما طلبت منك الطلاق ولعنت اليون اللى اتجوزتك فيه ورفضت انها تمضى استمارة 6 وتخلع </div>

[mR . mOstafa Fathi]

هههههه
شكرا للوصايا الغالية

[محبة الله]

افادتهم افادك الله
من غير ماتوصى غلاسة الرجالة لا يعلى عليهااااا
مجربة من اخواتى وحياتك

[Hob]

فعلا انا معاكي يا محبة الله
عندك حق
الشباب عليهم غلاسة مفيش بعدها
يعني مش محتاجين توصية
ولا ايه يا مون لايف

[عــلــى]

شكرا لمروركم اولا


بس مش كل الشباب غلس

ولا ايه ياحب

[Hob]

<div class='quotetop'>إقتباس(MoOn LiFe @ Apr 4 2007, 12:45 PM) [snapback]291285[/snapback]</div>

شكرا لمروركم اولا


بس مش كل الشباب غلس

ولا ايه ياحب
[/b]

<div align="center">يمكن برضه
ممكن نقول يعني 99% رخمين وغلسين :P
و 1% نقدر نقول عليهم معقولين شوية
ولا ايه رأيك
كده مظبوط</div>

[The Lord Of The Rings]

علم و ينفذ يا باشا

بس ربنا يسهل لنا الأول

[عــلــى]

<div class='quotetop'>إقتباس(hob @ Apr 4 2007, 04:21 PM) [snapback]291418[/snapback]</div>

<div class='quotetop'>إقتباس(MoOn LiFe @ Apr 4 2007, 12:45 PM) [snapback]291285[/snapback]

شكرا لمروركم اولا


بس مش كل الشباب غلس

ولا ايه ياحب
[/b]

<div align="center">يمكن برضه
ممكن نقول يعني 99% رخمين وغلسين :P
و 1% نقدر نقول عليهم معقولين شوية
ولا ايه رأيك
كده مظبوط</div>
[/b][/quote]


لا طبعا مش صح خـــــــــــــــالص
ممكن اللى انتى بتشوفهم ادامك
لكن مش كل الشباب غلس
واخيرا: شكرا لمرورك يابوب :>

وشكرا لمرورك يابلبل بس انت مستعجل اوى كده ليه

[كلكول]

<div align="center">اشطاطات يا علوه
نصايح هايله ياض
يخربيت دماغك
بس جربها انته الاول وابقى قولى
اصل انا مضمنكشى يابا
ومضمنش ايه ممكن يحصل
سلام يا اسطى
</div><div align="center"> </div>

[Hob]

<div class='quotetop'>إقتباس(MoOn LiFe @ Apr 5 2007, 11:54 AM) [snapback]291815[/snapback]</div>

لا طبعا مش صح خـــــــــــــــالص
ممكن اللى انتى بتشوفهم ادامك
لكن مش كل الشباب غلس
واخيرا: شكرا لمرورك يابوب :>

[/b]

<div align="center">أنا معاك
بس انا قلت ان فيه 1% كويسين
زعلان ليه بقي
مش يمكن تكون منهم </div>

[عــلــى]

<div class='quotetop'>إقتباس(كلكول @ Apr 5 2007, 08:22 PM) [snapback]292070[/snapback]</div>

<div align="center">اشطاطات يا علوه
نصايح هايله ياض
يخربيت دماغك
بس جربها انته الاول وابقى قولى
اصل انا مضمنكشى يابا
ومضمنش ايه ممكن يحصل
سلام يا اسطى

<div align="center"> </div>
[/b][/quote]

<span style="font-family:Courier New">اوك اوك خلاص
شكرا لمرورك
ودمتم </span>

[sandrelaa]

السلام عليكم
ياساتر يارب
طب والله احنا غلابة معاكو وانتو الشرار بيطق من عينيكو وبتدعو البراءة
سبحانك يارب
شكرا ع الموضوع

[احمدمحمود]

يا جماعه غلاسة ايه بس دا البنت كانت تكرهك فى اليوم اللى فكرت تكون فيه راجل
وعلى فكرة انا مش خاطب ولا متجوز ممكن اجرب النصايح على اخواتى البنات وبنات المنتدى
الغلس
احمد رخم يوووه قصدى احمد هاكر