ضرورى جدا وعاجل لاستاذ ياسر المزين

[emma.x92]

انا بجد محتاجه رد فى الموضوع فى اسرع وقت وخصوصا من استاذنا ياسر
انا الحمد لله خلصت الامتحانات الثانويه ودلوقتى ان شاء الله الخميس الجاى معاد اختبار القدرات فى كليه التربيه الفنيه وعندى كام استفسار
دلوقتى اللى عرفته ان اروح اسحب استماره من الجامعه علشان امتحن يوم الخميس تبع الترتيب الابجدى هو لازم الورق يتسحب الخميس ولا ينفع قبله؟؟
وكمان هو انا اخد معايا رقم الجلوس بس ولافى حاجات تانيه مطلوبه؟؟
وفى مبلغ معين هدفعه تمن الاستماره او الامتحان ولا لا ولو فى هيكون فى حدود كام؟؟
وكمان عايزه اعرف ايه اللى بيطلب فى الامتحان واعرف منين اجيب نماذج او ملزمه اذاكر منها
معلش طولت عليكوا وقى انتظار الرد

[mahmous123]

وانا كمان زيك بس انا همتحن عمارة وعايز اعرف اسحب الاستمارة من اى جامعة يعنى مثلا فى فنون جميلة بتاعت حلوان وبتاعت الاسكندرية اروح اسحب الاستمارة من انهى كلية فيهم ؟ وعايز اعرف لو سحبت الاستمارة يوم الخميس همتحن فى نفس اليوم ولا لا ؟ وايه هى الادوات اللى بتاخدها معاك الامتحان ؟؟؟ طولت كتيررررررررررر مستنى الرد وشكرا

[emma.x92]

المشاركة الأصلية كتبت بواسطة mahmous123

وانا كمان زيك بس انا همتحن عمارة وعايز اعرف اسحب الاستمارة من اى جامعة يعنى مثلا فى فنون جميلة بتاعت حلوان وبتاعت الاسكندرية اروح اسحب الاستمارة من انهى كلية فيهم ؟ وعايز اعرف لو سحبت الاستمارة يوم الخميس همتحن فى نفس اليوم ولا لا ؟ وايه هى الادوات اللى بتاخدها معاك الامتحان ؟؟؟ طولت كتيررررررررررر مستنى الرد وشكرا

بص بالنسبه لجامعه حلوان علشان تجيب الاستماره هتروح تسحبها من جامعه القاهره مقر مكتب التنسيق الرئيسي بالمدينة الجامعية للطلاب بجامعة القاهرة وتمتحن فى جامعه فنون جميله او اى جامعه عايز تقدم فيها وبالنسبه لجامعه الاسكنريه حدد مقر كلية الفنون الجميلة بجامعة الاسكندرية كمكان لاستخراج البطاقات علي ان تؤدي الامتحانات في 108 شارع عبدالسلام عارف بمبني مظلوم.وتاخد معاك 3 صور و رقم جلوسك وادوات رسم وورق كانسون
واللى اعرفه ان امتحان فنون تطبيقيه ب 100 جنيه معرفش دى كمان نفس النظام ولا لا
اما بالنسبه لمعاد الامتحان فا ده بيكون فى الجامعه نفسها اللى عايز تقدم ليها وعلى حسب اول حرف من اسمك حدد المكتب أول يولية للطلاب الذين تبدأ اسماؤهم بحروف “أ. ب. ت. ث. ج” بينما يوم الجمعة الموافق الثاني من يوليو للطلاب الذين تبدأ أسماؤهم بحروف “ح. خ. د. ذ. ر” ويوم 3 يوليو لأصحاب الحروف “ز. س. ش. ص. ض” ويوم 4 يوليو “ط. ظ. ع. غ. ف” والاثنين 5 يوليو “ق. ك. ل. م” والثلاثاء 6 يوليو “ن. ه. و. ي” ] ده كل اللى اعرفه واتمنى ان اكون افادتك وفى انتظار ان حد يرد على اسئلتى

[mahmous123]

فعلا emma.x92 هو ده اللي حصل وانا رحت فعلا جبت الطلب من مكتب التنسيق . بس حابب اعرف انا أيه اللي هيحصل بعد كده يعني لما اودي الطلب للكلية هيخدوه مني وامتحن في نفس اليوم ولا هيحددولي معاد امتحن فيه ؟ وانا سمعت ان بكره اخر يوم في الامتحانات هل ده صحيح ولا بكره اخر يوم في سحب الاستمارات ؟ وكمان لو هسلم الطلب وهمتحن في نفس اليوم الامتحان بيبقي الساعة كام عشان اروح بدري شوية ؟ طووووولت كتير مستني رد باااااي

[emma.x92]

المشاركة الأصلية كتبت بواسطة mahmous123

فعلا emma.x92 هو ده اللي حصل وانا رحت فعلا جبت الطلب من مكتب التنسيق . بس حابب اعرف انا أيه اللي هيحصل بعد كده يعني لما اودي الطلب للكلية هيخدوه مني وامتحن في نفس اليوم ولا هيحددولي معاد امتحن فيه ؟ وانا سمعت ان بكره اخر يوم في الامتحانات هل ده صحيح ولا بكره اخر يوم في سحب الاستمارات ؟ وكمان لو هسلم الطلب وهمتحن في نفس اليوم الامتحان بيبقي الساعة كام عشان اروح بدري شوية ؟ طووووولت كتير مستني رد باااااي

انا سحبت الاستماره يوم الخميس وكان معاد التقديم السبت وامتحنت ف نفس اليوم انت هتلاقى ف الاستماره تحت صورتك معاد التقديم وهو نفسه معاد الامتحان وبيكون الساعه ٩ ف اليوم ده وتروح معاك صوره ليك وصوره لرقم جلوسك و١٢٥ جنيهه وادواتك اللى هى الوان وادوات هندسيه انا امتحنت وكان امتحانى حلو وربنا معاك
وبكره اخر يوم لسحب الاستماره مش الامتحان

[mahmous123]

المشاركة الأصلية كتبت بواسطة emma.x92

انا سحبت الاستماره يوم الخميس وكان معاد التقديم السبت وامتحنت ف نفس اليوم انت هتلاقى ف الاستماره تحت صورتك معاد التقديم وهو نفسه معاد الامتحان وبيكون الساعه ٩ ف اليوم ده وتروح معاك صوره ليك وصوره لرقم جلوسك و١٢٥ جنيهه وادواتك اللى هى الوان وادوات هندسيه انا امتحنت وكان امتحانى حلو وربنا معاك
وبكره اخر يوم لسحب الاستماره مش الامتحان

بجد متشكر اوووووووووى بس حابب اعرف لو متابع الموضوع هو الامتحان جالك فيه ايه يا ريت وشكرااااااااا

[emma.x92]

عادى على ايه عمتن انا ممتحنتش عماره امتحنت فنون وجالى التعبير الفنى عن عيد ميلاد والتصميم الابتكارى عن كارت لعيد الام
ولو فى اى حاجه قولى انا متابعه معاك وربنا يوفقك

[صابر عزت]

اناعايزه اعرف اعمل ايه اولا محتاجه اى منهج اذاكره علشان امتحن عماره ثانيا اروح فين انا من الاسماعليه علشان اعمل اجراءات التقديم للاختبار والمفروض اكون جايبه كام فى الثانويه

[ياسر المزين]

المشاركة الأصلية كتبت بواسطة صابر عزت

اناعايزه اعرف اعمل ايه اولا محتاجه اى منهج اذاكره علشان امتحن عماره ثانيا اروح فين انا من الاسماعليه علشان اعمل اجراءات التقديم للاختبار والمفروض اكون جايبه كام فى الثانويه

اناعايزه اعرف اعمل ايه اولا محتاجه اى منهج اذاكره علشان امتحن عماره ؟
ج/ المنهج موجود فى نفس القسم ومذكرة العمارة موجودة
س/ اروح فين انا من الاسماعليه علشان اعمل اجراءات التقديم للاختبار ؟
ج/ تروحى كلية الفنون الجميلة فى الزمالك او كلية الفنون الجميلةفى الاسكندرية فى جليم
س/ والمفروض اكون جايبه كام فى الثانويه؟
المفروض فوق ال90%