للعام الدراسي 2009 2010 انت تسأل ونحن نجيب

[dscmohamedn]

بسم الله الرحمن الرحيم

استاذي العزيز /أ سيف
برغم من توافر كل شئ بالمدرسة الا ان الطلبة لا يهتمون بالمادة الا قبل الامتحان من خلال حل امتحانات سابقة
واعتقد السبب في ذلك اسلوب الامتحان

[آدم البرنس]

ياريت نسيبنا من الكلام الفاضى ده مفيش تغيير مناهج ده المنهج لسه مكملش 3 سنوات هيغيروا ايه بس هما هيلاقوا حاجة تانى يضيفوها

وياريت نطالب بزيادة درجات المادة الى 40 درجة بدلا من الاسئلة عن التغيير

[آدم البرنس]

بالله عليكم الاخوة اللى بيطالبوا بتغيير المنهج واللى بيسئلوا عن تغيير المنهج يسكتوا بجد وأسالهم سؤال واحد لو نرجع بالذاكرة من ثلاث سنوات قبل ما يضاف هذا المنهج VB.Net كان يوجد تواصل مثل هذا ولا كان فى حد من الطلاب بيعبر حد فينا كان دورنا فى المدرسة مجرد سد خانة فقط وكمالة حصص لكن تعالى اليوم قبل الطلاب احنا نفسنا كمدرسين بنسأل بعضنا ونستفاد من بعض ونمى افكارنا فما بالكم بالطلاب .

كل ده وعايزين نغير المنهج ......... أحنا لازم نقف مع بعض ضد أى محاولة لتغيير المنهج حتى لو الوزارة نفسها

ونطالب بزيادة درجات الكمبيوتر الى 40 درجة

لكل من قرأ هذه الرسالة يشاركنى الرأى

[حسام صبرى]

والله انت بتكلم كلام صح وبخاصة رفع الدرجات الى 20 درجة
جزاك الله خيرا عن مدرسين الحاسب الالى

[ms_olashaheen]

على فكرة انا معاك فى الرأى ده

[حودة حودة1]

رجاء خاص من كل الاساتذة ( الاخوة والاخوات ) عايز ضرورى جدا وعلى وجه السرعة

امتحانات المحافظات الفصل الدراسى الاول والثانى 2010 بس بالله عليكم يكون مجاب عنها وتكون اجابات دقيقة للاستفادة منها جميعا .

لأن بجهز بجد لبرنامج باذن الله هيعجبكم بس متوقف على هذه الامتحانات المجاب عنها

أرجو لكل من يرفق اى امتحان الاجابه عنه بدقة

وجـــــــــــــــزاكـــــــــــــــــم اللـــــــــــــــــــــــــــــه خــــــــــيـــــــــــــــــــــــــــراً

[الموناليزا1]

فكرة رائعة احنا فعلا عاوزة نستفيد من بعض كده ياريت الكل يشارك فيها

[حودة حودة1]

رجاء خاص منكم جميعاً

عايز امتحانات ال 26 محافظة للترمين الاول والثانى ( بس بالله عليكم يكون مجاب عنها اجابة نموذجية )

وبجد اللى عنده امتحان يرفعه على هذه الصفحة بس يكون مجاب عنه

وياريت محدش يقولى موجودين فى المنتدى
لان الموجود فى المنتدى ليست كل المحافظات وغير مجاب عنها

وفى النهاية

" من يعمل مثقال ذرة خيراً يره "
" وتعاونوا على البر والتقوى "

جزاكم الله خيراً

[الأستاذة أم شاهندة]

استاذ حودة
وكيف لهم أن يتحصلوا عليها لو لم يقم أحد الأعضاء برفع إمتحانات محافظته
بالفعل موجود بالمنتدى بعض المحافظات التى قام بعض الأعضاء برفعها
لكن كيف يمكن الحصول على بقية الامتحانات ؟
تحياتى لحضرتك وشكراً

[سهى عبدالله]

و الله كلامك مضبوط جدا

[waeel_abd2000]

السلام عليكم
اولاً الكلام اللى انت بتقوله كلام جميل وانا معاك فى الرأى بس هنا فى مشكلة كبيرة وهى أن فى بعض المدرسين الحاسب مش عارفين يشرحوا هذا المنهج وبالتالى الطالب مظلوم معاهم ولو فى بعض المدرسين بيحولوا بيفهموا المنهج مش علشان المنهج جميل بل من اجل أغراض آخرى واحنا عرفنها يا مدرسيين وفى بعضهم مش فاهم وبيقنع الآخريين أنه ممتاز
المهم أنا بقول هنا ان الطالب مظلووووووووووم جداً لآن المنهج ثقيل عليهم قوى
ثانيا المنهج جميل جدا فقط اللى عنده ترتيب أفكار ويساعد على تعليم الطالب كيف يحل مشاكلة ( خرائط التدفق) ويرتب أفكاره وأن يكون منطقى فى الكلام والأفكار(logic)
مدرس حاسب

[خالد سعد شومان]

أنا موافق تماماعلى كل كلمة , مع العلك أن كثير من المدرسين بيجتهدوا ودا كويس , وأكيد المدرسين السنة دي أفضل من السنة إلي فاتت وكل سنة هايتحسنوا أكثر .
وكفانا مستخدمين للكمبيوتر نحتاج الآن لجيل من المبرمجين , هذا أفضل للطلبة في المستقبل والبتالي أفضل لكل المجتمع

[حودة حودة1]

نداء من أخ لكم الى كل مجتهد وحريص على بذل شغل ..... سرعة التحرك لمطالبة المسئولين عن الكمبيوتر التعليمى حتى ولو وصل الامر الى مخاطبة السيد الوزير نفسه لزيادة درجات الكمبيوتر فى العام القادم الى 40 درجة ( مقسمة على الترمين ) لأن بجد المنهج صعب ومش قليل وبنبذل فيه اقصى ما فى وسعنا وجهدنا حتى يصل للطالب فى أسهل صورة ..... يا جماعة أحنا مش أقل من مدرسى باقى المواد حتى المادة نفسها ( أقصد منهح الصف الثالث ) تعتبر من أفضل المواد عند الطلاب من حيث الابتكار وتنمية العقول وياريت لو يتم تعميم البرمجة على الصف الاول والثانى كمان هيبقى عندنا جيل جبار من ولادنا فى عملية البرمجة .
لازم نتحرك بسرعة وبلاش الاحباط واليأس ونقول الكلام ده مستحيل يتحقق .... واللهى أن عندى أمل لو الاستاذ سيف أو حد من الاخوة الموجهين راسل سيادة الوزير شخصيا ليرحب بهذه الفكرة خصوصا انه من أشد المؤيدين لمحو امية الكمبيوتر لجميع أفراد العملية التعليمية .
وياريت لا ننسى أن العام القادم فى تقويم شامل على الصف الثالث يعنى الامتحان النهائى للمادة هيكون 5 درجات ( بالله عليكم ده يرضى ربنا ) لو حصل الكلام ده بجد هيحصل أحباط عند المدرس لان الطالب نفسه مش هيهتم بالمادة .

[amr soudy]

والله يا اساتذة احنا عانينا علشان نقدر نبسط المعلومة للطالب و الحمد لله نجحنا بشكل ممتاز-معظمنا- لكن لو كان المنهج الجديد هيكون اكثر عمليا من حيث الفائدة للطالب مثل : تصميم مواقع الانترنت باحد اللغات الحديثة او تدريس لغات البرمجة بشكل جزاب للمراحل الاعدادية كلها مع زيادة درجات المادة . اعتقد ده هيكون في مصلحة المجتمع كله ... ودة دور الوزارة في دراسة الجديد

علما بان المجال بتعنا متجدد دائما

[amr soudy]

معاك و الله انت كلامك صح