" الأهلي لا يكذب يا شوبير "

=ivan= · #1 07-02-2007, 01:57 AM

أصدر النادي عصر اليوم - الثلاثاء - بيانا رسمياً يستنكر فيه قيام أحمد شوبير بتكذيب النادي ومسئوليه بخصوص قضية اسناد تنظيم مباراة المنتخب المصري والسويد لإدارة النادي الاهلي من قبل الاتحاد الافريقي لكرة القدم وهو الأمر الذي لاقى استياء من مجلس ادارة اتحاد كرة القدم وقاد الهجوم على النادي الاهلي نائب رئيس مجلس ادارة اتحاد كرة القدم أحمد شوبير

نائب رئيس أتحاد الكره المصري .. والذي يفترض كونه أبن من أبناء الأهلي السابقين الذي رعاه الأهلي وصنع أسمه وتاريخه وكان سببا رئيسيا بعد الله عز وجل فيما وصل أليه الأن من مكانه رياضيه وأجتماعيه ..

فوجئت به جماهير الأهلي خلال الأيام القليله الماضيه بمحاولات غريبه للهجوم علي النادي بطرق مباشرة وغير مباشره ..في محاوله منه لكسب رضاء الأخرين ! ومحاولة الظهور بشكل الأعلامي المحايد , حتي لو كان هذا علي حساب الأهلي !! ..

فتاره يستضيف بعض الصحفيين - الغير شرفاء - الذين يملكون عداوات مع مجلس أدارة النادي , وتاره يستضيف أخرين يهاجمون رئيس النادي ويتهمونه في قضايا تمس الشرف , وهو ما ثبت براءته مسبقا أكثر من مره .. وحصل رئيس النادي المحترم حسن حمدي علي حكم بحبس بعضهم وغرامه ..

وتاره أخري كذب مسئولي النادي في بعض القضايا , وكان أخرها .. ما كذبه سيادة النائب خلال اليومين الماضيين , بنفيه وجود أية مخاطبات رسميه من الأتحاد الأفريقي الكاف .. الي النادي .. يطلب فيها الأول من النادي تنظيم مباراة مصر والسويد والتي تقام مساء الأربعاء في أطار احتفالات الكاف بمرور خمسين عاما علي تأسيسه .. وذلك لسابق معرفة الجميع بسوء تنظيم أتحاد الكره لتلك الأحداث الهامه ووجود بعض التجاوزات والفضائح السابق علمها للجميع ..

ألا أن شوبير دأب خلال اليومين الماضيين علي تكذيب وجود تكليف من الأتحاد الأفريقي للأهلي بذلك , في موقف غريب من نائب رئيس أتحاد الكره ! ..

بل وكثف مسئولي أتحاد الكره مجهوداتهم خلال اليومين الماضيين لدي مسئولي الأتحاد الأفريقي , حتي تتم أعادة مسئولية تنظيم المباراه لأتحاد الكره لا للأهلي .. لأسباب لا يعلمها ألا الله ! .. ولعلها معروفه للبعض ! ..

وهذا نص البيان الذي تم توزيعه على جميع وسائل الاعلام والصحف المصرية :

الأهلى لا يكذب يا شوبــير

تبارى المسئولين فى اتحاد الكرة طوال الأيام الماضية وعلى رأسهم الكابتن أحمد شوبير نائب رئيس الاتحاد والذى أصبحت مواقفه من النادى الأهلى تثير الكثير من الجدل على التأكيد بأن الاتحاد الإفريقى لم يكلف الأهلى بتنظيم مباراة مصر والسويد التى تقام باستاد القاهرة فى إطار احتفالات الكاف بعيده الخمسين وأن الاتحاد المصرى هو المكلف بهذه المهمة .. جاء هذا الكلام المغلوط فى الوقت الذى كان فيه الكابتن محرم الراغب مدير عام النادى قد أعلن بأن الأهلى تلقى تكليفاً رسمياً من الكاف بالإشراف على تنظيم مباراة مصر والسويد فى خطاب مؤرخ يوم 28 / 1 / 2007 .. وقد وافق النادى على هذا التكليف وأكد على اعتزازه الكامل بثقة الكاف فى خطاب صادر مـن الأهلى للاتحاد الإفـريقى بتـاريخ 31 / 1 / 2007 .. كلام شوبير والمسئولين فى الاتحاد المصرى جعل إدارة الأهلى فى موقف غير حقيقى .. وكان لزاماً أن نضع النقاط فوق الحروف بالمستندات ونؤكد للكابتن شوبير والساده فى الجبلاية أن الأهلى لا يكذب .. وتنظيم مباراة أو مائة لا يضيف لهذا الصرح الكبير .

وننشر مع هذا التقرير صورة من الخطاب الوارد من الاتحاد الإفريقى وطلبه من النادى الإشراف على تنظيم مباراة مصر والسويد .. وصورة من الخطاب المرسل من الأهلى للكاف بالموافقة على طلب الأخير .

ونزيد على ذلك أن المهندس هانى أبو ريدة عضو المكتب التنفيذى بالاتحاد الإفريقى قد حضر لمقر النادى بالجزيرة صباح السبت وبصحبة عمرو شاهين من سكرتارية الكاف والتقيا الكابتن محرم الراغب مدير عام النادى للتأكيد على قيام الأهلى بعملية تنظيم كافة الأمور المتعلقة بمباراة مصر والسويد .. ولكن فى اليوم التالى وإزاء اعتراضات المسئولين فى اتحاد الكرة والذين شعروا بحرج موقفهم .. تلقى الكابتن محرم الراغب اتصالاً هاتفياً من أحد كبار المسئولين بالكاف يستطلع فيه رأى الأهلى عما إذا كان إعفائه من تنظيم المباراة وإسنادها للاتحاد المصرى يسبب للنادى حرجاً .. وجاءت إجابات الراغب سريعة وواضحة بأن الأهلى وافق على قبول المهمة من منطلق اعتزازه بثقة الاتحاد الإفريقى وتنظيم المباراة " أى مباراة " لا يضيف للنادى شيئاً والتاريخ خير شاهد .. ولكن الأهلى حريص على التعاون مع كافة المؤسسات الرياضية .. ووافق مدير عام النادى على إعفاء الأهلى من المهمة لتهدئة الأجواء الساخنة داخل اتحاد الكرة والذى كان يجب عليه أن يفخر بثقة الكاف فى الأهلى وإدارته لأنه فى الأول والآخر نادى مصرى ونجاحاته محسوبة للجميع . وتم تسليم التذاكر التى كانت إدارة الأهلى قد تسلمتها بالفعل وبدأت عملية البيع فى المنافذ المختلفة للاتحاد المصرى لكرة القدم مساء الأحد حتى تتاح له فرصة إثبات قدرته على تنظيم مثل هذه اللقاءات .. وبالتالى لم يكن الأمر يمثل للنادى الأهلى أكثر من ذلك .. لكن شوبير واتحاد الكرة اعتبروها قضية رأى عام خاصة أن الكثيرين أكدوا على أن إسناد عملية تنظيم المباراة للأهلى لثقة الكاف فى إدارة النادى وقيامها بتنظيم مثل هذه المناسبات بدرجة عالية من الكفاءة فيه إحراج للاتحاد الذى يجب أن يحصل على فرصته فى تنظيم هذه اللقاءات .. لكن الشهادة بكفاءة إدارة الأهلى أثارت الغيرة فى اتحاد الكرة وخاصة الكابتن شوبير الذى نتمنى له حسن تنظيم اللقاء والإشراف الجيد على بيع التذاكر ..

wa_islamah2100 · #2 07-02-2007, 02:02 AM

هههههههههه
معلش اصله لازم يطلع يشتم فى الزمالك وبقيت الانديه ويقعد يمجد فى الاهلى(نادى القيم والمبادىء حتى اسأل جوزيه :D ) عشان ميبقاش كداب

mannas · #3 07-02-2007, 02:09 AM

<div class='quotetop'>إقتباس(ابن الخطاب @ Feb 7 2007, 03:02 AM) [snapback]265572[/snapback]</div>

اقتباس:

هههههههههه
معلش اصله لازم يطلع يشتم فى الزمالك وبقيت الانديه ويقعد يمجد فى الاهلى(نادى القيم والمبادىء حتى اسأل جوزيه :D ) عشان ميبقاش كداب
[/b]

صحيح اللى ما يشوفش من الغربال يبقى اعمى

=ivan= · #4 07-02-2007, 02:20 AM

اى والله .. اللى ميشوفش من الغربال يبقى اعمى

الاهلى نادى المبادئ غصب عن اى حد ..

مش جاى الاستاد بكرة يا منص ؟؟

mannas · #5 07-02-2007, 02:33 AM

لا ياعم جاى فين
انا ايه اللى يودينى
ده حتى حسام غالى اللى الواحد ممكن يشوفه اتصاب
اللى ياخدهم بقى اللى كانوا السبب

انا رايح ماتش الاهلى والاتحاد ان شاء الله الاتنين الجاى

=ivan= · #6 07-02-2007, 02:38 AM

انا رايح ماتش الاهلى والاتحاد ان شاء الله الاتنين الجاى

طب الواحد يروح يشجع مين ؟؟

mannas · #7 07-02-2007, 02:47 AM

<div class='quotetop'>إقتباس(=CRaZY_IVaN= @ Feb 7 2007, 03:38 AM) [snapback]265587[/snapback]</div>

اقتباس:

انا رايح ماتش الاهلى والاتحاد ان شاء الله الاتنين الجاى

طب الواحد يروح يشجع مين ؟؟
[/b]

أكيد طبعا الاهلى
بطل مصر
وافريقيا
وتالت العالم

مـــــــــازن · #8 07-02-2007, 03:13 AM

<div align="center">والله انا شايف ان كان الاهلى ولا الاتحاد المصرى ... كله واحد

مع انى زمالكاوى وكل حاجة ...

بس انا مش شايف اى حد تانى مؤهل انه يرتب مباراه زى دى ... ( بنفس الدرجة اللى يقدر الاهلى يعملها )

** خلى بالكو اوى من اللى بين الاقواس ...

مش عايز اطول فى الكلام ولا اكتر فى الكلام ...

عشان الحكاية دى الكلام فيها قليل اصلا ...

الاهلى هو اكتر واول نادى يؤهل لحاجة زى دى ... على الاقل عشان هو الافضل ...فى الماديات وغيرها وغيرها ...

كل الاندية التانية وراها شغل متلتل ... اللى عايز يرفع مستواه , واللى مشارك فى اكتر من بطولة , واللى واللى واللى ...

يا جماعة دى حكاية مش عايزة تعصب هى كمان ...

ده كله عشان مصر , وعشان يشرفوا مصر ...

ولو بقى على الحج شوبير انا مش بحب اتكلم عنه فى حاجة عشان الراجل ده بحس انه بتاع مظاهر

فى تكمله للرد ... اصل انا بينى وبينكو زهقت ومكماتش لغاية الوثيقة دى ...

بس يعنى الجواب باين من عنوانه </div>

=ivan= · #9 07-02-2007, 03:18 AM

لو بقى على الحج شوبير انا مش بحب اتكلم عنه فى حاجة عشان الراجل ده بحس انه بتاع مظاهر

================================================== =

فعلا معاتش حد بيحبه ..

لا اهلاوية ولا زملكاوية .. غير طريقته فى الكلام ..

ارحمنا يا رب

mannas · #10 07-02-2007, 03:31 AM

<div class='quotetop'>إقتباس(=CRaZY_IVaN= @ Feb 7 2007, 04:18 AM) [snapback]265595[/snapback]</div>

اقتباس:

لو بقى على الحج شوبير انا مش بحب اتكلم عنه فى حاجة عشان الراجل ده بحس انه بتاع مظاهر

================================================== =

فعلا معاتش حد بيحبه ..

لا اهلاوية ولا زملكاوية .. غير طريقته فى الكلام ..

ارحمنا يا رب
[/b]

مش عارف مين لسه بيحب الجدع ده ؟؟

مـــــــــازن · #11 07-02-2007, 03:42 AM

<div align="center">والله ما انا عارف العالم دى مالها بس وايه اللى بيحصلها ؟؟

يعنى راجل زى ده تاريخه 100/100 فى تاريخ كرة القدم المصرية ...

ليه بقى اللى بيعملو ده ؟؟

ايه بس الحكمة من اللى بيعملو ده ...

الله اعلم ... ما لازم يكون فى غرض ...

وياخبر بفلوس </div>