امتحان 2010

[ainmo]

انا من رأي ان الثانوية ديه تعجيز للطالب
ما هو لو حبوا يحدمونا وجابوا الامتحان سهل يجيبوا السهل الممتنع ويقرفونا فى الدرجات و التنسيق
ام لو جابوا صعب يبقى معقد ومبيتحلش
انا نفسى اعرف كان هيحصل ايه لو دخلنا الجامعة من الاعدادى مش كان هيبقى اريح لينا وليهم!

[maha maha]

ربنا يسطر لسه جديد و هيشتغل علينا احنا دفعه التجارب

[ابراهيم نبهان]

الوزير بيقول: " مش عايز حد يجيب الدرجة النهائية فى المواد ، بس التنسيق هينزل "، و احنا نعمل الى علينا والباقى على ربنا ، وربنا يستر علينا ، بس الوزير غلطان يا جماعه ، واحد يقولى ليه ؟ ، عشان هو كان طالب فاشل ومتعين بالكوسة يا جماعة الوزير كان جايب 23 على الدفعة بتاعته ، عينوا فى الجامعة اول 23 طالب عشان يتعين ، شوفتوا الكوسة ... أرجو عدم التبليغ عنى عن أخر جملتين ( يا جماعة انا عايز اعيش واربى العيال ) هههههههه .

[مروة صلاح عبده]

ما هو زمان مكنشي حد يقدر يجيب 99% ولا حتي 95% دا كان الاول ممكن يكون جايب 89% وكان بيبقي طاير من الفرحة وكان بيدخل طب وهندسة وكل الي عاوزة الحكايه بس عاوزه شوية صبر و اذا الامتحانات جت صعبة زي ما بيقول لازم ينزل التنسيق وان شاء الله ربنا يوفقنا.

[zizospeedly]

بس خلاص ايه التشاؤم الى انتم فيه ده كفايا حرام

[فنانة2020]

صعبة ولا سهلة هنمتحن هنمتحن سيبوها على الله وبعدين اللى هييجى علينا هييجى على غيرنا فهى هى

[mera_mar21]

المشاركة الأصلية كتبت بواسطة ainmo

انا من رأي ان الثانوية ديه تعجيز للطالب
ما هو لو حبوا يحدمونا وجابوا الامتحان سهل يجيبوا السهل الممتنع ويقرفونا فى الدرجات و التنسيق
ام لو جابوا صعب يبقى معقد ومبيتحلش
انا نفسى اعرف كان هيحصل ايه لو دخلنا الجامعة من الاعدادى مش كان هيبقى اريح لينا وليهم!

هههههههه فكرة جميله انا معاك فيهاااااا وبعدين ليه من اعدادى من ابتدائى احسن وكل واحد عايز يدخل كليه معينه يدرسها من البدايه بدل وجع القلب الى احنا فيه وبعدين انا هاعرض على الوزير الحكايه دى مش جاى يقلب الدنيااا يقلبها بالمرة بقى
والى موافقه ياجماعه يقول علشان نكتر ونطالب بكده والله احسن بجد

[mohamedkadry]

انا عايز اعرف اللى هوا فى وقت نذاكلر ولا القطار فاتنا خلاص

[نانسي وسلمي]

طب مدام محدش هيجيب ف التسعينات يبقي اكيد التنسيق هيقل يعني مش معقولي الطلبة هيجيبوا80ف الميه وطب تبقي من 98 ف المية مين اللي هيدخل

[سمسم م]

مش هنقدر نقول الا ربنا معانا

[المحظوظ محمد]

ربنا يسطر يا جماعه والإمتحانات تيجى سهله بس أنا سمعت ان الأمتحانات موجوده قبل ما الدكتور أحمد زكى بدر ما يدخل الوزاره والإمتحانات فى الوزاره وكل واحد هياخد على قد نيته وربنا يسطر
اعمل يا ابن ادم كما تدين تدان
************************

[mido1939]

حسبي الله ونعم الوكيل في كل المسئولين في مصر بداية من الكبير الي الصعاليك ومحدش يقولي ان ان غلط

[elmotafawik]

ياجماعة مترعبونيش انا خايفه اوى

[Its My Life]

السلام عليكم
اولا أسفه على التدخل
بس حبيت اوضحلكم حاجه
كل الكلام الي بيتقال ده ملكوش دعوه بيه
بجد ودي نصيحه مجرب
كل شويه حد هيقول الامتحان جاي صعب وبعدها اشاعه تنيه الامتحان جاي سهل ومش عرفه قبل الامتحان بكام يوم هييجي شويه أعضاء طعمين يقوللكوا احنا معانا الامتحان وكل واحد هيحط امتحان شكل
السيناريو ده بيتكرر كل سنه
والي بيمشي ورا الكلام ده مبيفلحش
انتوا اعملوا الي عليكوا واستعينوا بالله وان شاء الله ربنا هيوفقكم
ومتنسوش تدعوا في كل صلاه ان ربنا يوفقكم الى ما يحبه ويرضاه لكم
وربنا مبيضيعش تعب حد
وربنا يوفقكم

[كوكي وروبي]

]شكلها كدة سنة سودة علينا وهو فعلا الامتحانات وضعت قبل ما الوزير دة يمسك الوزارة بدل الجميل المهنينا اللي كان قبله ارجو الرد سرررريعااا
[/