الحملة الكبرى لإسترداد حقوق المدرسين المتعاقدين ( للإيجابيين فقط )

[مجدي محمود علي]

المشاركة الأصلية كتبت بواسطة محمدي م

علي فكرة اشعر من خلال السطور انهم لم يحصلوا علي اي حقوق واقسم لسيادتكم جميعا لدينا متعاقدين في المدرسة يتعاملون افضل ممن لهم عمر في التربية والتعليم هذا في مدرستنا بل ياخذون حقوقنا ولايستطيع احد يتكلم منا لاننا نقول انهم مثل اولادنا ولكن اصبحوا هم اصحاب النفوذ وهذا الكلام لايعني اننا ضدهم يمكن هذا في مدرستنا فقط ووفق الله اولادنا جميعا

دليل على أن المتعاقدين لهم حقوق أكبر من المعينين وأنهم أصحاب نفوذ وسلطة وعزوة..
الدليل الأول: في المعهد يقوم من ينظم جدول الإشراف بوضع متعاقد وموظف مثبت يأتي المثبت إلى المتعاقد ويطلب منه الحضور في طابور الصباح ويقسم اليوم نصفين على كل منهما المتعاقد ينتظر المثبت فلا يأتي إلا في السابعة أو في الثامنة وهذا مثبت يراعي ضميره أما غيره فيكت من المعهد.
الدليل الثاني: بعد الزواج قدمت القسيمة طمعا في زيادة المرتب وقد زاد بالفعل زيادة مضحكة زاد جنيهان تأكل بهما طوال الشهر وهما لا يكفيان شراء كيس شبسي من الحجم العائلي.( هل يزيد مرتب المعين المثبت لزوجته جنيهان حسبي الله ونعم الوكيل، أقل مشوار للطبيب 60 أو 70 جنيه، اللهم أرنا في هؤلاء الشرذمة سنينا سود كليال عاد وثمود)
الدليل الثالث: جدول الانتظار يقسم على المتعاقدين فقط بحجة أننا في فترة إثبات كفاءة ويالها من فترة تمتد لسنوات
خلال هذه السنوات مخ الحكومة تقفل مش عارفة تحكم نصلح أم لا
الدليل الرابع" المشاركة في امتحانات الشهادة تتم للإداري المثبت عندنا بالمعهد - بالواسطة طبعا - وليست من حق المعلم المتعاقد الذي لا يمت بصلة إلى أرض مصر وتعطف عليه الحكومة من مال أبيها
وغير ذلك من الأمور التي لا تخفى على الأعور
عَنْ أَبِي هُرَيْرَةَ
عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلَا يُؤْذِ جَارَهُ وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيُكْرِمْ ضَيْفَهُ وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيَقُلْ خَيْرًا أَوْ لِيَصْمُتْ". "رواه البخاري ومسلم".

[(هند)]

السلام عليكم
ايه الاخبار اخر حاجه كنت معاكم فى ارسال الايميلات للقنوات الفضائية ومتابعة مقال الاستاذ حسن حامد مطلوب دلوقتى الفاكسات لمجلس الوزراء شاء الله كله تمام وعلى فكرة لينك الحزب الوطنى مش شغال معايا انا جربت اكتر من مرة

[أ/ هشام العيسوى]

انا كل ماادخل على الفيس بوك واكتب تعليق تطلعلى رسالة تاكيد رخمة
ازاى اخليها ماتظهرش تانى؟

[AHMED TEACH]

لازم علشان مبعتش رسالة تأكيد علي الموبايل

[wahid500]

فتح باب تلقي طلبات العمل بهيئة نظافة الجيزة اليوم
الأجر الشهري 500 جنيه بالإضافة للحوافز


قررت محافظة الجيزة فتح باب تلقي طلبات العمل بالهيئة العامة للنظافة والتجميل من اليوم بأجر 500 جنيه بالإضافة إلي الحوافز علي أن يرفق طالب العمل بطلبه لرئيس الهيئة صورة من البطاقة الشخصية..أكد أحمد نصار رئيس الهيئة العامة للنظافة والتجميل أن الهيئة ستقوم بالتعاقد الشخصي مع صاحب الطلب للعمل "عامل نظافة" وسيتم توزيعه علي أحياء ومناطق الوراق والعمرانية وبولاق الدكرور وحي جنوب الجيزة..قال: إن الهيئة ستقوم خلال المرحلة القادمة بتطوير وتحديث كافة معداتها لتكون جاهزة للعمل بأي منطقة لمواجهة أي تراكمات من القمامة.. أوضح أنه تم التعاقد الفعلي علي شراء 23 سيارة قلاب كبيرة ونصف نقل علي أن يتم توزيع جزء منها بأحياء الدقي والعجوزة وشمال والباقي للهيئة.












شفت الظلم ولا حتى حصلنا عمال انظافه الى مقررله مرتب تقريبا ضعف المتعاقد


حسبى الل نعم الوكيل ربنا حيسابهم وياخذهم اخذ عزيز مقتدر

المصدر جريده المساء بتاريخ 27/9/2009 ......


http://www.algomhuria.net.eg/almessa...t/detail09.asp

رابط الخبر

[AHMED TEACH]

قولولي فين التعاقد علشان أسيب التدريس وأشتغل زبال دا كدة هيعدي 900 جنية يعني
الزبال بياخد 3 أمثال مبياخد المدرس



يبقي أنت اكيد في مصر

ذودوا في ذلنا ذودوا
اصل احنا لينا رب نحمدوا

[AHMED TEACH]

ومن التعاقد ما قتل


وفي مصر المتعاقد مش لاقي :abdoog8:

:abdoog8:ياكل العيش والبصل

[teacher120]

لنا الله هو الواحد الاحد العالم بحالنا واحوالنا والقادر على تغييرها

انما امره اذا اراد شيئا ان يقول له كن فيكون

[teacher120]

سؤال يا جماعه للى قدم فى الاكاديميه هل يشترط شهاده اى سى دى ال من اليونسكوا ام اى شهاده من اى مركز تفيد الحصول على الموديولات الاربعه ارجوا الافاده

[teacher120]

الوزير موجود الان غلى القناه الاولى فى برنامج وجهه نظر الساعه الثامنه

[رحمة حسن]

[quote=houda_lovely;1640844]الوزير موجود الان غلى القناه الاولى فى برنامج وجهه نظر الساعه الثامنه[/quote
ايه الكلام اللى بيقوله الوزير ده
هو معندوش فكرة عن النشرات اللى وصلت المدارس ولا ايه
هو بيقول نصف قوة العمل هتشتغل 3 ايام والنصف الثانى 3 ايام رغم ان الاجتماعات كانت بتركز على ان المدرسين كلهم هيشتغلو 6 ايام والطلبه هم اللى يدرسو 3 ايام ومواعيد العمل بيقول قلت رغم انها زادت عندنا المواعيد يوم السبت والاحد الى الساعة 3.10وباقى الايام الى الساعة2.10
والاغرب بيقول ممكن نعمل 3 فترات لبعض المدارس لان حضرته بيقول ان فيه زيادة فى اعداد المدرسين فى المدارس!!!!!!!!!!!!!!!!

[Observer]

أعتذر إليكم زملائى الأعزاء

وسوف نبدأ خطوتنا المتفق عليها غداً إن شاء الله فى تمام الثامنة مساءً
أقدم إعتذارى مرة أخرى وأؤكد قهرية الظروف التى منعتنا من البدء اليوم

غداً تنطلق الخطوة الكبرى فى مشوار الحملة

إن شاء الله تعالى

[ra23sh]

لعل المانع خير اخي محمد وان شاء الله في انتظار الغد للتحرك في خطوتنا القادمة

[ranad2003]

ماشى يا محمد اكيد انت اتاخرت علشان هتجيب لينا بكرة خبر جااااااااااااامد جداااااااااااااا

[ranad2003]

[quote=رحمة حسن;1640893]

المشاركة الأصلية كتبت بواسطة houda_lovely

الوزير موجود الان غلى القناه الاولى فى برنامج وجهه نظر الساعه الثامنه[/quote
ايه الكلام اللى بيقوله الوزير ده
هو معندوش فكرة عن النشرات اللى وصلت المدارس ولا ايه
هو بيقول نصف قوة العمل هتشتغل 3 ايام والنصف الثانى 3 ايام رغم ان الاجتماعات كانت بتركز على ان المدرسين كلهم هيشتغلو 6 ايام والطلبه هم اللى يدرسو 3 ايام ومواعيد العمل بيقول قلت رغم انها زادت عندنا المواعيد يوم السبت والاحد الى الساعة 3.10وباقى الايام الى الساعة2.10
والاغرب بيقول ممكن نعمل 3 فترات لبعض المدارس لان حضرته بيقول ان فيه زيادة فى اعداد المدرسين فى المدارس!!!!!!!!!!!!!!!!

تقريبا وزير التربية والتعليم متعاقد مع وزارة تانية وميعرفش اخبار وزارة التربية والتعليم اية معلش اعذروة بيحسن دخلة