فنون تطبيقية وجميلة وتربية فنية- اللى عاوز يعرف حاجة عنهم يتفضل

[شيربهان]

انا مخلصة ثانوية عامة من 7 سنين ودلوقتى متخرجة من كلية تربية انجلش بس بصراحة مش بحبها وبتنكد جدا كل لما افتكر الثانوية العامة وتضايقت اكتر لما عرفت ان مجموعى يقبل فى فنون تطبيقة وقتها بس مكنتش اعرف انها تقبل من علمى علوم السؤاااااال؟
هل ينفع اقدم وادرس السنة دى على حسب مجموعى واعرف منين وازاى وهل يحق لى والدراسة هتكون 5 سنين ولا دبلومة؟

[omarawan]

في كلية فنون تطبيقية في جامعة فاروس بالإسكندريه
الكلية لسه جديدة هتفتح يوم 1-11-2009
وبتاخد مجموع 60% كحد أدنى
وبتكون لخرجي الثانويه عامه (علمي علوم_علمي رياضه)
والدراسه باللغة الانجليزيه
وبتكون 5 سنين.. أول سنه اعدادي
وسنه ثانيه بتدخل القسم اللي بيعجبك.. طبعا مش حسب مجموع سنه اعدادي
وفيها حوالي 6 أقسام....

[baby bekasso]

السلام عليكم
انا بس حبيت أشارك معاكوا وبجد موضوع جميل جدا تسلم ايدك
انا مش ثانويه عامله انا في فنون تطبيقيه
اول سنه بعد اعدادي
أحب أشارك معاكوا لو في أي استفسار انا مستعده أجاوب
وربنا يوفقكوا يارب كلكوا وتدخلوا الكليات ال انتوا حابينها

[baby bekasso]

انا مخلصة ثانوية عامة من 7 سنين ودلوقتى متخرجة من كلية تربية انجلش بس بصراحة مش بحبها وبتنكد جدا كل لما افتكر الثانوية العامة وتضايقت اكتر لما عرفت ان مجموعى يقبل فى فنون تطبيقة وقتها بس مكنتش اعرف انها تقبل من علمى علوم السؤاااااال؟
هل ينفع اقدم وادرس السنة دى على حسب مجموعى واعرف منين وازاى وهل يحق لى والدراسة هتكون 5 سنين ولا دبلومة؟

حضرتك ممكن تقدمي في الكليه حاجه اسمها دراسات حره
دي بتكون 3 شهور بس او لو حضرتك عاوزه اكتر من قسم
طبعا كل الاقسام متاحه ما عدا سينما وتصوير
ليكي اي 3 شهور ... هما بيعملوها زي كورسات كده تبتدي وتخلص
بيكون في 3 كتب بتمتحني فيهم المفروض بتدفعي 500 جنيه
ولو نجتي في المواد بيرجعلك على كل ماده نجحتيها 120 جنيه
لكن كدراسه عاديه من البدايه مش بينفع الا لو الثانويه العامه ممرش عليها 5 سنين
يارب اكون أفدت حضرتك .... معلش الرد متأخر

انا متخرجه من اكادميه الدراسات المتخصصه عيزة اعرف ممكن ادخول كليه فنون جميله ولا في حاجه بديله ممكن الرد بسرعه ارجو الرد باسرع

شكرا على الموضوع ده كنت عاوزه اعرف هو ينفع اقدم في فنون تطبيقيه السنه الجايه لاني عاوزه احول من الكليه اللي انا فيها .وهي الدراسه فيها انجليزي ولا عربي .ولودخلت قسم التصميم الداخلي والاثاث هبقى مهندسة ديكور ولا ايه.

[ballona]

please
انا عاوزه اعرف اختبار القدرات بتاع الثانويه العامه بيبقى ازاى و بناخد دروس فيه ولا لا
وكمان هى الكليه بتاخد من علمى علوم ولا لا

[وائل صبحي السيد]

انا ذكرى انا نفسى اكون مخرجه وعا يزه اعرف معهد اتمثيل فين علشان اقدم ياريت حد يقلى وده الايمال ayat.roka

ممكن خريج كلية تربية نوعية قسم فنون يلتحق بكلية الفنون الجميلة؟
ارجوكى ردى عليه.
شكرا

[butearfly]

انا اول مرة اكتب هنا انا عوزة ادخل الكلية دى وعوزة اعرف اماكنها فى الجمهورية

[butearfly]

ارجو ان يجبني احد هل قسم التصميم الداخلى والاثاثيعنى الديكور

[nanous]

كنت عيزة اعرف انهي فيهم مجمعها اعلى ؟؟؟

[كاره الثانويه]

ياجماعه لو سمحتوا انا في تالته ثانوي السنه ديه وهبتدي اخد كورسات بتاعة القدرات بس عندي سوال
هيا كورسات الفنون الجميله تختلف عن كورسات كلية الفنون التطبيقيه ولا لا
وياتري اخد الكورسات في الكليه ولا مع مدرس لوحدي ولا في سنتر اني الافضل ياريت حد يجاوب عليا

[sama hektor]

أنا 3 ثانوى و نفسى ادخل فنون جميلة و مجموعى زى الزفت ومش لاقيه فنون جميلة خاص و كل لما ادور الاقى فنون تطبيقية و تطبيقية من علمى و انا من غبائى حوت ادبى يعنى مش ينفع غير فنون جميلة بلييييييييييييييييييز حد يساعدنى و يقولى هو فى اصلا فنون جميلة خاص ولا لأ و لو فى فين و مصاريفها كام انا لو مش دخلت فنون جميلة بجد هيحصلى حاجة

[ام مي؟]

............ أرجو بجد من أى حد عارفيا جماعة لو سمحتوا ممكن سؤال ...... لو حد عاوز تطبيقية ومجموعه مش جايبها ممكن يدخل معهد معين قبلها ويكمل فيها ولا لا يرد عليا ........