شوية حاجات لابد من توافرها فى خريج كلية السياحة والفنادق

[Eslam_Tourism]

دى شوية حاجات لو توفرت فى خريج السياحة والفنادق هيبقى ليه فرص عمل جامدة ان شاء الله وهيلاقى شغل :

1- تعمل C.V محترم جامد متظبط وياريت تعمله عند شركة متخصصة فى كده

2- يكون معاك على الاقل انجلش ويا سلام بقى لو معاك لغة تانية كمان بتبقى فظيعة وهتظبطك وخصوصا لخريجى قسم الدراسات السياحية

3- تاخد شهادة ICDL

4- تقدير محترم ميقلش عن جيد جدا عشان تبقى خريج ذو خبرة وممكن تبقى معيد فى الكلية , معلش خليكوا متفائلين شوية

5- تاخد كورسات اماديوس وجاليلو ودى عبارة عن كورسات فى حجز تذاكر الطيران بتاخدها عشان تشتغل موظف حجز تذاكر طيران محترف سواء فى شركة سياحة او طيران
وياريت تاخد كورس اماديوس احسن لان جاليلو مش منتشر اوى

6- يكون معاك خبرة سابقة وياريت تاخدها من وانت فى الكلية فى الصيف مثلا فى اى شركة او فندق

7- واخيرا حاول تشد حيــــــــــلك فى المذاكرة وحاول تكتسب خبرات علطول

ومتخافوش يا جماعة سوق العمل فى مجال السياحة كبير مش كده برضو اصل " السيــــــاحة خيـــــــر ليـــــــــنا كلــــــــنا "

مش عارف ليـــــــــــه حاسس ان كل اللى فى الكلية دى بيبقوا محبطين يلا ما علينا .

[soha fouad]

طب ممكن توضح فرق بين الاماديوس وجاليلو

[Eslam_Tourism]

المشاركة الأصلية كتبت بواسطة sosi

طب ممكن توضح فرق بين الاماديوس وجاليلو

الفرق ان نظام اماديوس منتشر فى مصر و دول عربية تانية كده مش فاكرها
اما جاليلو منتشر فى بعض دول الخليج

بس اماديوس احسن طبعا وده اللى بيقولوا الخبراء

بس لما نتخرج هنعرف حكاية الكورسات دى اكتر , منقدرش نحكم دلوقتى

[sympathique]

الله عليك يا اسلام

بس انا متفائل اوى على فكرة وان شاء الله هشتغل واحقق كل احلامى

[nosa kamanosa]

طب هو احنا الخبرات دى ناخدها ازاى من واحنا فى الكليه يعنى اروح فى الصيف اى شركة سياحية و طيران واقولهم انا عايزة اتدرب عندكو ولا الكلية اللى بتنزلنى تدريب وياريت الكلام اللى تقولو يبقى مفسر عند كدا شوية لو سمحت

[سياحة وسفر]

اخي اسلام الله يعزك استفدت كتير
اتمني التواصل معك اذا امكن في اقرب وقت ارسلي ايميلك برسالة خاصة واكون لك شاكر

[روكا دودو]

شكراااااااااااااااااااااااااااااااا لك ويا ريت تقول لى بالنسبة للارشاد السياحى يعمل اية علشان يقدر يلاقى شغل كويس انا فى سنة رابعة ارشاد ودرست المانى فى جوتة ومكملتش لغلو سعرة تنصحنى باية وربنا يبارك فيك يا اسلام

[hassansuperstar]

حاولى تاخدى لغة نادرة عشان دة بيبقى مجال شغلة احسن و اوسع

[hassansuperstar]

المشاركة الأصلية كتبت بواسطة nosa kamanosa

طب هو احنا الخبرات دى ناخدها ازاى من واحنا فى الكليه يعنى اروح فى الصيف اى شركة سياحية و طيران واقولهم انا عايزة اتدرب عندكو ولا الكلية اللى بتنزلنى تدريب وياريت الكلام اللى تقولو يبقى مفسر عند كدا شوية لو سمحت

فى الكلية لازم بتنزلى تدريب فى الصيف غصب عنك وبيبقى مدتة شهر . لو انتى قسم سياحة بتروحى تدربى فى شركة سياحة ولو قسم فنادق بتدربى فى فندق ولازم بعد لما تخلصى التدريب بتاعك بتجيبى شهادة مختومة من المكان اللى انتى اتدربتى فية وبتسلمية للكلية