استفسار للسادة الحاصلين على الرخصة الدوليه icdl

[mr_mostafa84]

يا جماعه طبعا معظمكو حصل على الرخصة الدولية لقيادة الحاسب الالى من خلال دورات نظمتها الادارات التعليمية أو المديريات
المهم احنا كمعلمين مساعدين مش هنقدر نستنى دورنا لما ييجى تحسبا لاى حركه من الوزاره تشترط فيها الحصول على الشهادة و بالتالى روحت لنقابة المعلمين عندنا و سألت على التقديم للشهادة ففوجئت انه يقولى الجماعه بتوع التربيه و التعليم لازم ياخدو ال icdl من خلال الادارة مش من برة غير كده مش بيقبلوها و ابقى اسئل فى الموضوع و رد عليا !!!
انا عايز افهم مش هنا شهاده و هنا شهادة و الاتنين من اليونسكو
و هل فعلا كلامه صح و لو قدمت هتكون الدورة تعب على الفاضى ولا الشهاده من أى جهة معترف بيها

[mervatatia]

لا طبعا الشهادة من اي مكان فهي دولية ومعترف بيها من العالم ازاي مش حيعترفوا بيها انا شخصيا اخذتها على حسابي من الأكاديمية العربية عندنا في اسكندرية وقدمت الأفادة اني اخذتها ودي ورقة تعطى لحين ارتلام الشهادة من الخارج بعد شهر شهرين على حسبوطبعا بتوع لأدارة مش بيعترفوا بالشهادة لانها مكتوبة بالأنجليزي وعشان كده قدم الأفادة افضل وهي مختومة ومعتمدة بس بعد النجاح في السبع امتحانات

[mr_mostafa84]

الف شكر على الايضاح
اهم حاجه انهم قبلو الافادة

فى جزء فى كلامك بجد وقفت عنده :
( طبعا بتوع لأدارة مش بيعترفوا بالشهادة لانها مكتوبة بالأنجليزي )
الجملة دى بتوضح حجم المعاناة اللى بنقابلها كلنا فى التعامل مه اصحاب المناصب ذوو الصلاحية المنتهيه و العقليه الغبية

[صفاء100]

طاب مافي مدرسين بيدربوا في مراكز برة واخدة المنحة ايه الفتاوي دي

[leprince]

طبعا كلامه غلط

اللهم احفظنا من شر الجهله

[mr_mostafa84]

شكرا على الاهتمام و الرد
و الله لسه برضو الناس بتتصل بيا تستفسر عن نفس الموضوع
الظاهر انه هيكون موضوع الساعه للمعلم المساعد

[Gamal 2005]

ياجماعة الموضوع ليس له علاقة بالجهل والعلم فعلا غير مصرح للمعلمين بالحصول على الرخصة الدولية الا من التربية والتعليم ولكن اذا استطاع اي شخص الحصول عليها فلن يستطيع احد ان يعترض على ذلك لأن جهة التقييم والمنح دولية وهي اليونسكو ولك واحد له استمارة مهارات واحدة وشهادة واحدة فكيف الاعتراض فلو تستطيع الحصول من الخارج واعطي لك استمارة مهارات باسمك احصل عليها وتوكل على الله

[mohammedabdelsa]

الإدارة عندنا ما طلبوش أي حاجة عن الشهادة دي خالص و قالوا لم تأتي لنا أي تعليمات بشأنها

[mr_mostafa84]

المشاركة الأصلية كتبت بواسطة gamal 2005

ياجماعة الموضوع ليس له علاقة بالجهل والعلم فعلا غير مصرح للمعلمين بالحصول على الرخصة الدولية الا من التربية والتعليم ولكن اذا استطاع اي شخص الحصول عليها فلن يستطيع احد ان يعترض على ذلك لأن جهة التقييم والمنح دولية وهي اليونسكو ولك واحد له استمارة مهارات واحدة وشهادة واحدة فكيف الاعتراض فلو تستطيع الحصول من الخارج واعطي لك استمارة مهارات باسمك احصل عليها وتوكل على الله

شكرا على النصيحة أخى الفاضل و ان شاء الله بكره هروح لقسم التطوير التابع للادارة و برضو استفسر هناك مع ان انا عارف الرد لن يكون مفيد

بس ممكن توضحلى ازاى غير مصرح للمعلمين بالحصول على الرخصة الدولية الا من التربية والتعليم و ازاى فلن يستطيع احد ان يعترض على ذلك

[mr_mostafa84]

المشاركة الأصلية كتبت بواسطة mohammedabdelsa

الإدارة عندنا ما طلبوش أي حاجة عن الشهادة دي خالص و قالوا لم تأتي لنا أي تعليمات بشأنها

و عندنا كمان محدش طلب اى حاجه بس الواحد بيعمل تحسب زى ما قولت لاى اجراء تطلبه الوزاره يتطلب الحصول على الرخصة
و بعدين يا استاذ الطلبات بتظهر عندنا فى السر يعنى محدش بيعلن و بنعرف بس من الناس
واحد يقولك عملت اقرار ذمة ماليه ؟ أصله مطلوب
و تروح تقدمه و انت خارج واحد يقابلك يقولك تصدق طالبين فيش و تشبيه !! مع انك كنت لسه عندهم و محدش قالك حاجه بس لازم تعرف من برة
الواحد كان فاكر ان الموظفين من عينة ( فوت علينا بكره ) انقرضت

[sally2009]

السلام عليكم.....
بالنسبه لشهادة الicdl انا معلم مساعد علوم اعدادى وانا اخدتها قبل التعاقد من المنحه التابعه لوزارة التعليم العالى بالتعاون مع المصريه للاتصالات والشهاده بالانجليزى ومعتمده من اليونسكو .... يبقى الوضع ايه اروح اجيب افاده باللغه العربيه منين ......

[ibrahimsalhin]

يا جماعة انا فعلا كنت فى الملفات ولقيت مدرس جايب صورة الشهادة بتاعتicdl وعايز الموظف يحطها فى الملف الموظف قاله ترجمها هو انا هافهم اللى فيها ازاى

[samar_kassem]

اخي مصرح بها من اي مكان انا وخدها تبع الادارة واختي اخذتها علي حسابها والتي في الخارج افضل من الوزارة لان التي في الخارج un اما من الوزارة فهي eg خدها علي حسابك فية ناس في الوزارة اتدربت من 2007 ولسة مجاش عليهم الدور يمتحنو في طنطا

[النجم الكبير]

المشاركة الأصلية كتبت بواسطة gamal 2005

ياجماعة الموضوع ليس له علاقة بالجهل والعلم فعلا غير مصرح للمعلمين بالحصول على الرخصة الدولية الا من التربية والتعليم ولكن اذا استطاع اي شخص الحصول عليها فلن يستطيع احد ان يعترض على ذلك لأن جهة التقييم والمنح دولية وهي اليونسكو ولك واحد له استمارة مهارات واحدة وشهادة واحدة فكيف الاعتراض فلو تستطيع الحصول من الخارج واعطي لك استمارة مهارات باسمك احصل عليها وتوكل على الله

يا عم اكتب على نفسك اقرار فى ايه جهة وخد الشهادة
ده قرار طلعته الوزارة مش عارف ليه
ان المدرس لا يشترك فى اى مكان غير الوزارة

يمكن وراها سبوبة ولا حاجة للوزارة

الله المستعان

[nasserfathy]

المدرس الاساسي سهل يأخذ icdlمن الوزارة لانه لايدفع تأمين زي المراكز الخارجية ثم ان هذه المراكز معتمدة من وزارة الاتصالات يعني خذ الشهادة من المكان اللي يعجبك بس شد حيلك وتوكل علي الله